بینو جوشی بی بی سی ڈاٹ کام، جموں

	پولس کے مطابق مواد کا مقصد حساس علاقے میں دھماکےکرنا ہو سکتا تھا (فائل فوٹو)

پولیس کے مطابق یہ مواد جموں خطے کے ڈوڈہ ضلع میں واقع شدت پسندوں کے ایک خفیہ ٹھکانے سے برآمد کیا گیا ہے۔

پولیس کے ایک سینیئر اہلکار بسنت رتھ کا کہنا ہے کہ ’خفیہ ٹھکانے پر چھاپا مارنے کے بعد پولیس کو دو سو پچاس کلوگرام آر ڈی ایکس ، اکسٹھ ڈیٹو نیٹر اور کچھ ریموٹ کنٹرول ملے ہیں۔‘

مسٹر رتھ نے مزید بتایا ہے کہ شدت پسندوں کا یہ خفیہ ٹھکانہ جموں کشمیر ہائی وے سے بیس کلومیٹر کی دوری پر واقع تھا۔ ان کے مطابق اس دھماکہ خیز مواد کی مقدار کافی زیادہ ہے۔

پولس اہلکاروں نے اندیشہ ظاہر کیا ہے کہ دھماکہ خیز مواد کا استمعال جموں سرینگر ہائے وے جیسے حساس علاقے میں دھماکےکرنے کے لئے کیا جا سکتا تھا۔