الطاف حسین بی بی سی اردو ڈاٹ کام،سری نگر

	سری نگر میں شدت پسندوں کی تلاش ابھی بھی جاری ہے۔

حکام کا کہنا ہے کہ ہلاک ہونے والوں ميں دو شدت پسندوں سمیت سات پولس اہلکار اور ایک شہری شامل ہے۔

فوج اور شدت پسندوں کے درمیان یہ تصادم بدھ کے روز اس وقت شروع ہوا تھا جب مشتبہ شدت پسندوں نے مقامی ہوٹل میں پناہ لے کر قریب واقع فوج کے کیمپ پر وقفے وقفے سے فائرنگ کرنا شروع کر دی۔ نیم فوجی دستوں اور مشتبہ شدت پسندوں کے درمیان یہ تصادم جمعرات کی صبح تک جاری رہا۔

فائرنگ کب اور کیسے شروع ہوئی فوج اور شدت پسندوں کے درمیان یہ تصادم بدھ کے روز اس وقت شروع ہوا تھا جب مشتبہ شدت پسندوں نے مقامی ہوٹل میں پناہ لے کر قریب واقع فوج کے کیمپ پر وقفے وقفے سے فائرنگ کرنا شروع کر دی

ایک سینئر پولیس اہلکار نے بی بی سی کو بتایا ہے کہ دونوں شدت پسندوں کو جمعرات کی صبح ہلاک کیا گیا۔ اسی کے بعد ہی تہ تصادم بھی ختم ہوا ہے۔ ان کے مطابق فائرنگ کے تبادلے میں سات پولیس اہلکار بھی ہلاک ہوگۓ تھے۔

ریاستی پولس کے اعلی اہلکار گوپال شرما نے بی بی سی کو بتایا ہے کہ اس تصادم میں ایک شہری بھی ہلاک ہوا ہے۔

المنصورین نامی شدت پسند گروپ نے اس حملے کی ذمہ داری قبول کی ہے۔حکام کے مطابق سری نگر میں شدت پسندوں کی تلاشی کام اب ختم کر دیا گیا ہے۔