بینو جوشی بی بی سی، جموں

	پولیس کا دعویٰ ہے کہ مارے گئے تینوں عسکریت پسندوں کا تعلق انتہا پسند گروپ ’جیش محمد‘ سے ہے۔

پولیس کا کہنا ہے یہ تینوں شدت پسند پندرہ اگست کے روز یوم آزادی کے موقع پر کشمیر میں حملہ کرنے کا منصوبہ بنا رہے تھے۔

پولیس کا دعویٰ ہے کہ مارے گئے تینوں عسکریت پسندوں کا تعلق انتہا پسند گروپ ’جیش محمد‘ سے ہے۔ پولیس افسران کے مطابق یہ ہلاکتیں جموں میں دو کارروائیوں کے دوارن چھڑپوں میں ہوئیں ہیں۔ پولیس نے ان ہلاکتوں کو سیکورٹی فورسز کے لۓ ایک بڑی کامیابی بتایا ہے۔

جموں کے انسپکٹر جنرل ایس پی وید کا کہنا تھا کہ ’مرنے والے شدت پسندوں میں حسن نامی شخص جیش محمد کے رہنما مولانا مسعوداظہر کا ‍‍‍‌ قریبی ساتھی تھا۔‘

مسعود اظہر کو جموں کی جیل سے انیس سو اکانوے میں اس وقت رہا کیا گیا تھا جب بعض لوگ ہندوستان کے ایک مسافر بھرے طیارے کو اغوا کرکے قندھار لے گئے تھے اورطیارے کو آزاد کرنے کے لیئے مولانا مسعوداظہر کی رہائی کی شرط رکھی تھی۔