الطاف حسین بی بی سی اردو ڈاٹ کام، سرینگر

	جمعہ کو کپواڑہ ضلع میں فوج نے آٹھ درانداز ہلاک کردیئے تھے (فائل فوٹو)

ترجمان کے مطابق یہ واقعہ اس وقت پیش آیا جب بعض عسکریت پسند غیر قانونی طریقے سے لائن آف کنٹرول پار کرنے کی کوشش کر رہے تھے لیکن فوجی جوانوں نے ان کی یہ کوشش ناکام بنا دی۔

گزشتہ تین دنوں میں دوسری مرتبہ بھارتی فوج کو کنٹرول لائن پر دراندازي روکنے میں کامیابی حاصل ہوئی ہے۔ اس سے قبل جمعہ کو کپواڑہ ضلع کے کیران سیکٹر میں فوج نے آٹھ دراندازوں کو ہلاک کردیا تھا۔

انڈیا کا کہنا ہے کہ پچھلے برس کے مقابلے میں اس سال کنٹرول لائن پر دراندازی کے واقعات میں اضافہ ہوا ہے۔

انڈیا کا یہ بھی کہنا ہے کہ پاکستان کے زیر انتظام کشمیر میں واقع تربیتی کیمپوں میں عسکریت پسندوں کی تربیت جاری ہے اور ایک بڑي تعداد میں درانداز کنٹرول لائن پار کرکے ہندوستان کی طرف آنے کے انتظارمیں ہیں۔

دوسری جانب پاکستان نے انڈیا پر یہ الزام عائد کیا ہے کہ وہ مسئلہ کشمیر کے حل کے لیئے جاری مزاکرات پر سست رویہ اختیار کیئے ہوئے ہے۔