ریحانہ بستی والا بی بی سی اردو ڈاٹ کام، ممبئی

	فسادات کے متاثرہ عبدالخالق اب تک انصاف کے منتظر

چھ دسمبر انیس سو بانوے کو ایودھیا میں بابری مسجد کے انہدام کے بعد ممبئی شہر میں بڑے پیمانے پر فرقہ وارانہ فسادات ہوئے تھے جس میں سرکاری رپورٹ کے مطابق نوسو افراد ہلاک اور دو ہزار سے زائد زخمی ہوئے تھے ۔کروڑوں روپے کی املاک تباہ ہوئی تھی۔

ایودھیا میں چھ دسمبر انیس سو بانوے میں بابری مسجد کے انہدام کے بعد ممبئی میں فرقہ وارانہ فسادات ہوئے تھے۔ حکومت نے اس وقت ان فسادات کی تفتیش کے لیئے جسٹس سری کرشنا کی سربراہی میں ایک تفتیشی کمیٹی تشکیل دی۔

کمیٹی نے پانچ سال کے دوران 502 گواہان کے بیانات 9655 صفحات پر قلمبند کئے۔ پندرہ ہزار صفحات کی دستاویز بنی۔ اس کے بعد جسٹس نے سولہ فروری 1998 میں سفارشات کے ساتھ حکومت کو اپنی رپورٹ پیش کر دی۔ اس وقت شیو سینا اور بی جے پی کی متحدہ حکومت تھی جنہوں نے رپورٹ کو ہندوؤں کے خلاف یکطرفہ قرار دے کر مسترد کر دیا۔

شاید وہ دن کبھی آئے۔۔  ٹاسک فورس کی جانب سے ایک حوالدار ان کے پاس آیا تھا جس نے ان کا بیان قلمبند کیا ۔مجگاؤں عدالت میں سماعت بھی ہوئی لیکن اب ایک سال ہو چکا ہے اور انصاری انتظار کر رہے ہیں کہ شاید وہ دن کبھی آئے جب انہیں اور ان جیسے ہزارہا فساد متاثرین کو بھی انصاف ملے۔

کمیشن نے اعلٰی پولیس افسران سمیت بارہ پولیس اہلکاروں کو مجرم قرار دیا لیکن حکومت نے ان کے خلاف کارروائی کے بجائے ان میں سے بیشتر کو ترقی دی۔

سلمان عثمان بیکری کے قریب مدرسہ دارالعلوم محمدیہ میں فائرنگ کے ذمہ دار افسر ، جوائنٹ کمشنر آر ڈی تیاگی کو حکومت نے اس کے بعد پولیس کمشنر بنا دیا۔

کانگریس حکومت نے ریاستی الیکشن میں وعدہ کیا کہ اگر وہ برسر اقتدار آئے تو سری کرشنا کمیشن کی سفارشات پر عمل درآمد ہو گا۔ حکومت کو کامیابی ملی۔ حکومت نے خصوصی ٹاسک فورس کی تشکیل بھی کی۔ کے پی رگھوونشی کو اس کا سربراہ بنایا گیا لیکن کچھ حاصل نہیں ہوا۔ چند کیس دوبارہ کھولے گئے لیکن ایک بار پھر ان کی فائلیں یوں ہی دھول چاٹ رہی ہیں اور لوگ انصاف کی راہ دیکھ رہے ہیں۔ رگھوونشی اب انسداد دہشت گردی عملہ کے سربراہ بنا دیئے گئے اور خصوصی ٹاسک فورس کا دفتر سنسان ہو گیا ہے۔

فسادات کے دوران ہتھیار رکھنے کے الزام میں فلم اسٹار سنجے دت پر مقدمہ چلا ، وہ جیل بھی گئے اور فیصلہ کی گھڑی بھی آئی لیکن وہیں شیوسینا رہنما سرپوتدار کو فوج نے اسلحہ کے ساتھ گرفتار کیا ، کمیشن نے انہیں قصووار قرار دیا لیکن ان کے خلاف کوئی کیس نہیں ہے۔

مجرموں کی ترقی  کمیشن نے اعلٰی پولیس افسران سمیت بارہ پولیس اہلکاروں کو مجرم قرار دیا لیکن حکومت نے ان کے خلاف کارروائی کے بجائے ان میں سے بیشتر کو ترقی دی۔

دارالعلوم محمدیہ میں گھس کر فائرنگ کرنے والے پولس افسران کو حکومت نے بے گناہ قرار دیا لیکن اس میں زخمی افراد آج بھی عدالتی کارروائیوں میں الجھے ہوئے ہیں۔

ممبئی کے مجگاؤں علاقہ میں کپڑوں کے ایک چھوٹے سے کارخانہ کے مالک عبدالحق انصاری ان ہزارہا متاثرین میں سے ایک ہیں جن کے کارخانے کو فسادیوں نے لوٹ لیا اور پھر اسے آگ لگا دی۔

انصاری آج بھی انصاف کے لیئے ترس رہے ہیں ۔انصاری کا کہنا ہے کہ جن کے خلاف انہوں نے پولیس میں شکایت درج کرائی تھی ، جب ان کی دھمکیاں ملنے لگیں تو مجبور ہو کر انہوں نے اپنے خاندان کو اپنے آبائی وطن گوونڈہ منتقل کر دیا کیونکہ انہیں خوف ہے کہ کہیں ان کے گھر والوں کے خلاف پھر کوئی سازش نہ کی جائے ۔ خاندان کو وطن منتقل کرنے کے بعد انہوں نے مجگاؤں چھوڑ کر دھاراوی میں ایک نیا کارخانہ بنایا ۔

انصاری کو سیاست اور سیاسی لیڈران پر افسوس ہوتا ہے ۔ ان کے مطابق یہ سب انسانی جذبات کے ساتھ کھلواڑ کرتے ہیں‘۔

انصاری کہتے ہیں جب حکومت نے ایک بار پھر ان فسادات کے کیس کی دوبارہ جانچ شروع کرنے کے لیئے سپیشل ٹاسک فورس کی تشکیل کی تو ان میں ان کا بھی کیس شامل تھا لیکن انصاری کے مطابق اس کے بعد سے انہیں دھمکی بھرے فون موصول ہونے لگے کہ وہ ٹاسک فورس میں جا کر بیان نہ دیں۔

انصاری کا کہنا ہے اس کے بعد ٹاسک فورس کی جانب سے ایک حوالدار ان کے پاس آیا تھا جس نے ان کا بیان قلمبند کیا ۔مجگاؤں عدالت میں سماعت بھی ہوئی لیکن اب ایک سال ہو چکا ہے اور انصاری انتظار کر رہے ہیں کہ شاید وہ دن کبھی آئے جب انہیں اور ان جیسے ہزارہا فساد متاثرین کو بھی انصاف ملے۔