 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشکل سفر، سست دفاعی تحقیق، شاہ رخ کا ٹیکس | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
دہشت گردی سے زندگی تنگ ممبئی کے ٹرین بم دھماکوں یا برطانیہ اور امریکہ کے طیاروں کو بم سے اڑانے کی سازش کے پیچھے دہشتگردوں کی کیا منشا تھی اور کیا حاصل کرنا چاہتے تھے وہ تو وہی جانیں ، لیکن یہ ضرور ہے کہ ان واقعات سے زندگی مشکل ہوتی جا رہی ہے۔ ہوائی سفر میں ہینڈ بیگ اور مشروبات لے جانے پر پابندی کے بعد اب ہندوستان میں ریل گاڑیوں کا سفر بھی آسان نہیں ہوگا۔ دارالحکومت دلی کے تین اہم ریلوے سٹیشنوں پر جلد ہی ایئرپورٹ کی طرح سامان کی چیکنگ کے لیئے ایکسرے مشینیں نصب کی جائیں گی۔ حالیہ بم دھماکوں کے بعد ان سٹیشنوں پر فی الحال ’میٹل ڈیٹکٹرز‘ یا دھات کی شناخت کرنے والے آلے لگائے گئے ہیں اور ہر شخص کی تلاشی لی جاتی ہے۔ یکم ستمبر سے صرف مسافر ہی پلیٹ فارموں تک جاسکیں گے اور اپنے عزیزوں کو الوداع کہنے یا ریسیو کرنے کے لیئے ریلوے سٹیشن کے باہر ہی انتظار کرنا ہوگا۔ بالی ووڈ کنگ ٹیکس کے بھی بادشاہ اداکار شاہ رخ خان بالی ووڈ کے سپر اسٹار ہیں ظاہر ہے کہ کہ ان کی فیس بھی کروڑوں میں ہوتی ہے لیکن وہ ان دنوں ایڈورٹائزنگ میں بھی ایکٹنگ کے بادشاہ ہیں۔
شاہ رخ نے اپریل سے جون تک تین مہینے میں ایڈورٹائزنگ سے ہونے والی آمدنی پر سروس ٹیکس کے طور پر 71 لاکھ روپے جمع کرائے ہیں۔ سروس ٹیکس ڈیپارٹمنٹ کے مطابق دوسرے نمبر پر ابھیشیک بچن رہے جنہوں نے 25 لاکھ روپے ادا کیئے۔ جبکہ ان کے والد ’بگ بی‘ امیتابھ بچن نے 15 لاکھ روپے جمع کرائے۔ ہیروئنوں میں رانی مکھرجی 18 لاکھ کے سروس ٹیکس کے ساتھ سب سے اوپر رہیں۔ ڈیپارٹمنٹ کا کہنا ہے کہ اس نے فلم اور ٹی وی کے 70 برانڈ ایمبسڈرز کی شناخت کی ہے جنہوں نے ابھی تک ٹیکس کے لیئے خود کو رجسٹر نہیں کیا ہے ان میں سے پینتیس کو پہلے ہی نوٹس بھیجے جا چکے ہیں۔ تسلیمہ نسرین کی مشکل بنگلہ دیش کی متنازعہ مصنف تسلیمہ نسرین گزشتہ ایک برس سے کلکتہ میں رہ رہی ہیں۔ انھوں نے ملک میں طویل قیام کے لیئے رہائشی اجازت نامے کی درخواست کی تھی لیکن حکومت نے انہیں صرف چھ مہینے کا سیاحتی ویزا دیا ہے۔ تسلیمہ نسرین نے کہا کہ ’ایسا محسوس ہوتا ہے جیسے میں ایک بار پھر بے گھر ہوگئی ہوں۔ یہاں رہتے ہوئے امید پیدا ہو گئی تھی کہ یہ میرا نیا گھر ہے‘۔ تسلیمہ نسرین کو اپنے مذہبی خیالات کے خلاف بعض علماء کے فتووں کے بعد 12 برس قبل اپنا ملک بنگلہ دیش چھوڑنا پڑا تھا۔ انہیں یورپی یونین میں کسی بھی ملک میں رہنے کی آزادی ہے لیکن وہ کہتی ہیں کہ وہ ’بنگالی ہیں اور بنگالی کلچر میں ہی رہنا چاہتی ہیں‘۔
کلکتہ میں ان کی موجودگی پر بعض مسلم تنظیموں نے اعتراض کیا تھا۔ خود مغربی بنگال کی کمیونسٹ حکومت کو بھی یہ خدشہ رہتا ہے کہ کہیں ان کا کوئی متنازعہ بیان حکومت کے لیئے کوئی مصیبت نہ کھڑی کردے۔ آن لائن دھماکہ ہندوستان انٹرنیٹ استعمال کرنے والوں کی تعداد کے لحاظ سے دنیا کا نواں سب سے بڑا ملک بن گیا ہے۔ تین ماہ پہلے وہ دسویں نمبر پر تھا۔ امریکہ کے ٹیکنالوجی کے تحقیقی ادارے کام سکورنٹ ورک کے مطابق ہندوستان میں انٹرنیٹ استمعال کرنے والے 15 برس سے زیادہ عمر کے لوگوں کی تعداد ایک کروڑ 80 لاکھ سے تجاوز کر گئی ہے۔ انٹرنیٹ کے استعمال میں امریکہ پہلے نمبر پر ہے جہاں پندرہ کروڑ سے زیادہ لوگ انٹرنیٹ استمعال کرتےہیں۔ تقریبًا 8 کروڑ کے ساتھ چین دوسرے اور ساڑھے پانچ کروڑ کے ساتھ جاپان تیسرے نمبر پر ہے۔ ہندوستان میں انٹرنیٹ استعمال کرنے والوں کی تعداد میں اضافہ دنیا بھرمیں سب سے زیادہ ہے۔
دفاعی تحقیق کا ادارہ ڈی آر ڈی او میزائل سے لے کر ہیلمٹ تک، فوج کے لیئے سبھی سازو سامان بناتا ہے۔ لیکن وقت اور معیار کے معاملے میں اب اس ادارے پر انگلیاں اٹھنے لگی ہیں۔ گزشتہ دنوں خود وزیر اعظم نے پروگراموں میں تاخیر پر تشویش ظاہر کی تھی۔ ایک رپورٹ کے مطابق اس ادارے کے پاس تقریبًا پچاس لیبارٹریز اور مراکز ہیں جہاں تقریبًا 29 ہزار افراد کام کررہے ہیں۔ ڈی آر ڈی او نے میزائل پروگرام میں تو کچھ کامیابی حاصل کی ہے لیکن باقی منصوبوں میں اس کی کارکردگی خراب رہی ہے۔ 1974 سے یہ ایک ٹینک بنا رہا ہے جو ابھی تک تجریاتی مراحل میں ہے۔ 1983 | 
اسی بارے میں  دلی ڈائری: کشمیر میں جسم فروشی قانونی 14 May, 2006 | انڈیا دلی ڈائری: قونصل خانے میں تاخیر12 March, 2006 | انڈیا | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
