 |  ارجن منڈا جو ایک بار پھر وزیراعلیٰ بن چکے ہیں |
بھارتی ریاست جھارکھنڈ میں این ڈی اے کے ارجن منڈا نے ایک بار پھر وزیراعلیٰ کا حلف اٹھایا ہے اور ان کے ساتھ پانچ آزاد ارکان نے بھی وزیروں کا حلف اٹھایا ہے۔ اب تک وزیربنائے جانے والے ارکان وہ ہیں جن کے بغیر بی جے پی کے اتحادی این ڈی کی حکومت ممکنہ سادہ اکثریت بھی حاصل نہیں کر سکتی۔ ارجن منڈا نے آزاد ارکان کے علاوہ اپنے کسی حامی کو اس مرحلے پر وزیر نہیں بنایا۔ حلف برداری کے بعد ارجن منڈا نے صحافیوں سے گفتگو کرتے ہوئے کہا کہ وہ اکیس ماچ کو ایوان میں اپنا اکثریت ثابت کر دیں گے۔ اس سے ایک روز پہلے کانگریس کے اتحادی اور جھارکھنڈ مکتی مورچہ، جے ایم ایم نامزد وزیراعلیٰ شیبو سورین مستعفی ہو چکے ہیں جس کے بعد گورنر نے بی جے پی اتحاد، این ڈی اے کے ارجن منڈا کو حکومت بنانے کی دعوت تھی۔
|  جھار کھنڈ مکتی مورچے اور کانگریس کے اتحادی شیبو سورین اعتماد کا ووٹ حاصل نہیں کر سکے |
جمعہ کو جھارکھنڈ اسمبلی کا اجلاس ہوا لیکن اسپیکر نے اعتماد کے اظہار کے لیے ووٹنگ کرانے کی بجائے وقفے وقفے سے دو بار اجلاس منسوخ کیا اور پھر اسے منگل تک ملتوی کر دیا۔گورنر نے جو کانگریسی بتائے جاتے ہیں کانگریس کے اتحادی شیبو سورین کو وزیرنامزد کیا تھا لیکن اس کے خلاف شدید احتجاج کیا گیا اور خود کانگریس نے بھی اس اقدام کی حمایت نہیں کی۔ | 
یہ صفحہ دوست کو ای میل کیجیئے
پرِنٹ کریں
