جیکسن دو ہزار پانچ کے بعد سے نیورلینڈ میں نہیں رہے

جیکسن کا گھر سانٹا باربرا میں ہے اور وہاں ایک آفیسر کےمطابق انہوں نے اس گھر کی تین قسطیں ادا نہیں کیں۔ رقم کی عدم ادائیگی کی صورت میں نیورلینڈ کو انیس مارچ میں نیلام کر دیا جائے گا۔

جیکسن نے نیورلینڈ انیس سو ستاسی میں خریدا تھا جہاں وہ بچوں کے لیے ایک خیالی دنیا بنانا چاہتے تھے۔ گھر کا نام انگریزی زبان کی کہانی پیٹر پین میں ایک جزیرے کے نام پر رکھا گیا ہے جہاں بچے کبھی بڑے نہیں ہوتے۔ تھا۔جیکسن دو ہزار پانچ کے بعد وہاں نہیں رہے۔

جیکسن نے دو ہزار آٹھ سو ایکڑ پر پھیلے ہوئے گھر میں ایک چڑیا گھر بنایا ہوا ہے۔ نیورلینڈ سن دو ہزار چھ میں ملازمین کو تنخواہیں نہ ملنے اور انشورنس ادا نہ ہونے کی وجہ سے بند کر دیا گیا۔

امریکی ٹی وی چینل فاکس نیوز نے کچھ عدالتی دستاویزات کا حوالہ دیتے ہوئے کہا ہے کہ نیلامی میں گھر کے ساتھ وہاں موجود ہر چیز شامل ہو گی جس میں بچوں کی کشتیاں اور جھولے بھی شامل ہیں۔