ریحانہ بستی والا بی بی سی اردو ڈاٹ کام ، ممبئی

	سوہا کو انیس سو پچاس کی نامور اداکاراؤں مثلاً وحیدہ رحمن ، مینا کماری اور مدھو بالا کے کردار میں دکھایا گیا ہے

اس فلم میں سوہا علی خان اہم کردار میں نظر آئیں گی۔ان کے مقابل فلم کے رائٹر ظفر کا کردار شائنی آہوجہ کر رہے ہیں۔ فلم کی کہانی کے مطابق نکہت فلمی دنیا میں اپنی جگہ بنانے کی کوشش کرتی ہیں اور اس میں ان کا رشتہ اس وقت کے نامور اداکار رجت کپور سے ہو جاتا ہے۔

فلم میں رائٹر ظفر کی آمد کے بعد نکہت اور ظفر میں محبت پروان چڑھنے لگتی ہے۔ فلم میں سوہا کو انیس سو پچاس کی نامور اداکاراؤں جیسے وحیدہ رحمٰن، مینا کماری اور مدھو بالا کے کردار میں دکھایا گیا ہے۔

فلم کے بارے میں کہا جاتا ہے کہ یہ فلم مشہور رائٹراور ڈائریکٹر گرو دت اور وحیدہ رحمن کے درمیان رشتے کی یاد دلاتی ہے۔ لیکن فلمساز سدھیر مشرا اس بات کو قبول کرنے سے ہچکچاتے ہیں۔ فلمساز پرکاش جھا کا ماننا ہے کہ فلم کا کچھ حصہ گرودت اور وحیدہ کی زندگی سے مماثلت رکھتا ہے۔

اس فلم میں سوہا نے ایک گلیمرس ہیروئین کا کردار نبھایا ہے۔اس سے قبل سوہا نے جو بھی رول کیے وہ ایک معمولی اور سیدھی سادی لڑکی کا کردار تھا۔ بطور ہیروئین یہ سوہا کی دوسری فلم ہے۔ فلم’ آہستہ آہستہ‘ میں انہوں نے ابھے دیول کے مقابلے میں ہیروئین کا رول کیا تھا۔ فلم’ رنگ دے بسنتی‘ میں ان کی اداکاری کی کافی تعریف ہوئی تھی اور انہیں آئیفا نے بہترین معاون اداکارہ کے ایوارڈ سے نوازا تھا۔