اس سے پہلے بھی فروخت کا ریکارڈ ہیری پوٹر کتاب کے پاس ہی تھی

ہیری پوٹر اینڈ دی ڈیتھلی ہیلوز کی برطانیہ میں 2.7 ملین جبکہ امریکہ میں 8.3 ملین کاپیاں بک چکی ہیں۔

اس سے پہلے بھی چوبیس گھنٹوں میں سب سے زیادہ کاپیاں فروخت کرنے کا ہیری پوٹر سیریز کے پاس تھا۔ سن دو ہزار پانچ میں ہیری پوٹر کے چھٹے ناول کی ایک دن میں نو ملین کاپیاں فروخت ہوئی تھیں۔

جے کے راؤلنگ کی نئی کتاب نوے ملکوں میں ایک ساتھ شائع ہوئی ہے۔

	ہیری پوٹر سیریز کی پہلی کتاب ہی نے بچوں اور بڑوں کو اپنا گرویدہ بنا لیا تھا

کتاب کے برطانیہ میں پبلیشر بلومزبری کا کہنا ہے کہ ہیری پوٹر کی ساتویں اور آخری کتاب کے بارے میں پڑھنے والوں کی رائے بڑی مثبت ہے۔

ساتویں ناول کے آنے سے پہلے ہیری پوٹر کی کتابوں کی کل فروخت 325 ملین سے تجاوز کر چکی تھی۔

امریکہ میں کتاب کے پبلیشر سکولیسٹک کے مطابق ہیری پوٹر اور ڈیتھلی ہیلوز کی 12 ملین کاپیاں شائع کی گئی ہیں جبکہ اس سے پہلے کی چھٹے ناول ہیری پوٹر اینڈ دی ہالف بلڈ پرنس کی 10.8 ملین کاپیاں شائع کی گئی تھیں۔