سابق جیمز بانڈ سٹار نے 2003 سے فلموں میں کام نہیں کیا

76 سالہ کونری نے اپنی ویب سائٹ پر ایک بیان میں کہا کہ ’اگر مجھے ریٹائرمنٹ سے کوئی واپس لا سکتا تھا تو وہ انڈیانا جونز کی فلم تھی‘۔انہوں نے کہا کہ انہوں اس کردار کے بارے میں بہت غور کیا۔

انہوں نے کہا کہ انہیں سٹیوان اور جارج کے ساتھ کام کرنا پسند ہے اور ’ہیرسن کے باپ کا رول کرنا میرے لیے فخر کی بات ہے‘۔

سٹیون سپیل برگ کی اس فلم میں رے ونسٹن ، کیٹ بلانشٹ اور جان ہرٹ ہیرسن فورڈ کے ساتھ نظر آئیں گے۔ہیرسن فورڈ اس وقت 64 سال کے ہیں۔

کونری نے 1989کی دہائی میں ’انڈیانا جونز اینڈ لاسٹ کروسیڈ‘ میں ڈاکٹر ہنری جونز کا کردار اداد کیا تھا۔

کونری 2003 سے کسی فلم میں نظر نہیں آئے ان کا خیال ہے کہ اب ’انہوں نے اس بارے میں اعلان کرنا ہی بہتر سمجھا‘۔

انڈیانا جونز کی پہلی سیریز’رائڈرز آف دی لاسٹ آرک‘1981میں ریلیز ہوئی تھی 1984 میں اس سلسلے کی دوسری فلم ’انڈیانا جونز اور دی ٹیمپل آف ڈوم‘ آئی اور 1989 میں ’انڈیانا جونز اینڈ دی لاسٹ کروسیڈ ‘ ریلیز ہوئی اب اس کی چوتھی سیریز پر کام جاری ہے اور مئی 2008 میں اس کے ریلیز ہونے کا امکان ہے۔

انڈیانا جونز کی چوتھی سیریز پر دس سال سے کام چل رہا تھا اورفلم کے ہدایت کار سٹیون سپیل برگ نے 2006 میں فلم کی سکرپٹ کی منظوری دی تھی۔