کپولا نے کئی شہرہ آفاق فلمیں تخلیق کی ہیں

ایک فلمی جریدے ’سکرین ڈیلی‘ کے مطابق اطالوی نژاد امریکی فلم ساز اس فلمی میلے میں دوسری جنگِ عظیم پر بنائی گئی اپنی فلم ’یوتھ ود آؤٹ یوتھ‘ کو نمائش کے لیے پیش کریں گے۔

اس فلم میں ایک عمر رسیدہ پروفیسر کا مرکزی کردار ٹم راتھ ادا کر رہے ہیں۔ اس عمر رسیدہ پروفیسر کی طویل عمری بظاہر اسے نازیوں کا نشانہ بنادیتی ہے۔

کپولا نے اس فلم کے بارے میں کہا کہ ’یہ فلم میری فلمی زندگی کے نئے دور کی عکاس ہے جس میں میں شخصیات پر مبنی فلمیں بنانا چاہتا ہوں۔‘

کپولا نے اپنی فلم کا سکرین پلے جو کہ رومانیہ سے تعلق رکھنے والے ایک ادیب مرسیا ایلید کے ناول پر مبنی ہے خود تحریر کیا ہے۔

کپولا ابھی تک پانچ آسکر ایوارڈ جیت چکے ہیں۔ جس میں سے پہلا ایوارڈ انہوں نے انیس سو اکہتر میں پینٹن نامی فلم کا سکرین پلے لکھنے پر حاصل کیا تھا۔

انہوں نے انیس سو پچھہتر میں فلم گاڈ فادر دوئم کے لیے بہترین ڈائریکٹر کا ایوارڈ حاصل کیا تھا۔ اسی فلم کو بہترین فلم کا بھی ایوارڈ ملا تھا۔

اس کےعلاوہ انہیں تین مرتبہ اکیڈمی ایوارڈ میں بہرین ہدایت کار کے لیے نامزد کیا گیا۔ ان ہی کی فلموں نے چار مرتبہ اکیڈمی ایورڈ ہی میں بہترین فلموں کے لیے نامزد ہونے کا اعزاز بھی حاصل کیا۔

اداکار نکول کڈمین نے گزشتہ سال پہلے روم فلمی میلے کا آغاز کیا تھا۔

اس فلمی میلے میں تمام بڑے اعزازات فلم کے شائقین کے ووٹوں سے دیئے جاتے ہیں۔