سپرمین کا کردار ادا کرنے والے کرسٹوفر ریو کا انتقال 2004ء میں ہوا

پروفائلز ان ہسٹری نامی فرم کی جانب سے منعقد کی جانے والی نیلامی میں مسودوں اور پوسٹرز سمیت دو ملین ڈالر سے زائد مالیت کی فلم اور ٹی وی سے متعلقہ یادگاری اشیاء نیلام کی گئیں۔

سپرمین کا کاسٹیوم جس قیمت پر فروخت ہوا، ابتدائی طور پر منتظمین کو اس سے نصف رقم حاصل ہونے کی توقع تھی۔

فروخت ہونے والی دیگر اشیاء میں بیٹ سوٹ اور ایلین کا کاسٹیوم جو انیس سو اناسی کی شہرہ آفاق فلم ایلین میں پہنا گیا تھا، بھی شامل تھا۔

بیٹ سوٹ جو انیس سو پچانوے میں فلم بیٹ مین فار ایور میں استعمال کیا گیا تھا، تریسٹھ ہزار دو سو پچاس ڈالر میں نیلام ہوا جبکہ ایلین کاسٹیوم ایک لاکھ چھبیس ہزار پانچ سو ڈالر میں فروخت ہوا۔

انیس سو اڑتیس میں فلم دی وزرڈ آف اوز میں پہنا جانے والا کاسٹیوم ایک لاکھ پندرہ ہزار ڈالر میں نیلام ہوا۔