ریحانہ بستی والا بی بی سی اردو ڈاٹ کام ، ممبئی

	ابھشیک اور ایش یورپ میں ہنی مون منائیں گے

رانی سے ڈر

آپ سب جانتے ہیں کہ ابھیشیک بچن کی شادی میں رانی مکھرجی کو مدعو نہیں کیا گیا تھاجبکہ وہ جیا اور امیتابھ بچن ہی کیا ابھیشیک کے بھی کافی قریب تھیں۔ لیکن کیا آپ یہ جانتے ہیں کہ کیوں؟ نہیں نا۔ چلیے آپ کے لیے ہم اس راز سے پردہ اٹھا ہی دیتے ہیں۔ رانی نے ابھیشیک کے ساتھ کئی فلموں میں کام کیا اور فلم ’بنٹی اور ببلی‘ کے علاوہ ’ کبھی الوداع نہ کہنا‘ میں ان دونوں کی سکرین پر جوڑی سب کو بہت اچھی لگی۔ امیتابھ نے فلم ’بلیک‘ میں رانی کے ساتھ ایک اچھی فلم کی۔

آپ کہیں گے یہ راز کہاں ہوا۔ ہاں تو دراصل حقیقت یہ ہے کہ ایب اور رانی کے درمیان اچھی کیمسٹری کے علاوہ جیا جی رانی کو زیادہ پسند کرتی تھیں اور بس یہی بات ایش کو پسند نہیں تھی۔

ایب کا خوف

ابھشیک کی ایش سے شادی  جب ایب اور ایش کی شادی کی تاریخ مقرر ہوئی اس وقت سے پورے شہر میں ایک ہی افواہ تیزی کے ساتھ گشت کر رہی تھی کہ اس جوڑے کی شادی سے قبل ہی سلو بھیا اور کیٹ اٹھارہ اپریل کو شادی کرنے والے ہیں۔

ایش اور رسوئی

یہ ٹی وی چینل والے بھی چوبیس گھنٹہ خبر دینے کے فراق میں کیسی کیسی افواہیں پھیلاتے رہتے ہیں اب دیکھئے نا ایک چینل والے نے یہ کہہ دیا کہ ایش ایک اچھی بہو کی طرح رسوم کے مطابق رسوئی میں جا کر پکوان بنا کر کھلائیں گی! حیرت انگیز۔ ارے بھئی ماہانہ لاکھوں روپے صرف اپنے حسن کو برقرار رکھنے کے لیے خرچ کئے جاتے ہیں کیا اسے کچن میں برباد کر دیں؟ اچھا چلیے مان بھی لیتے ہیں کہ ایسا ہو تو پھر آپ ہی سوچئے ایش کچن میں کیا کریں گی اور کھانا کیسے بنائیں گی۔

شوٹنگ اہم کہ شادی!

یہ بات کوئی ان سے پوچھے جنہیں پہلے سے ایب اور ایش کی شادی کا دعوت نامہ نہ ملا ہو۔ایسا رتیش دیشمکھ کے ساتھ بھی ہوا۔ جب رتیش کو شادی کا دعوت نامہ نہیں ملا تو وہ بینکاک میں اپنی فلم کی شوٹنگ کے لیے چلے گئے۔ شوٹنگ کے دوران رتیش کو بگ بی کا فون ملا کہ فوراً چلے آؤ۔ اب ایسی شادی میں جہاں بالی وڈ کے بڑے سورماؤں کو دعوت نامہ نہ ملا ہو بھلا رتیش کیسے اس دعوت کو ٹھکراتے۔ شوٹنگ بند کی اور ممبئی پہنچ گئے۔ اب کوئی اس فلمساز کے دل سے پوچھے کہ اس پر کیا گزری!

	یہ شادی ذرائع ابلاغ کی خصوصی دلچسپی کا باعث تھی

ایب اور ایش کی شادی میں منا بھائی اپنی مانیتا کے ساتھ جوڑے کی طرح ہاتھوں میں ہاتھ ڈالے پہنچے تھے۔ سارا میڈیا اس کی گواہی دے سکتا ہے۔ منا بھائی اگر آپ گاندھی جی کی گاندھی گری پر عمل کر رہے ہیں تو پھر شادی کی بات چھپانے کی کیا ضرورت؟ آخر آپ کو کس کا ڈر!

شادی کے جوڑوں کی قطار

جی ہاں بالی وڈ میں ابھی ایسے کئی جوڑے قطار میں ہیں۔ نمبر ون پر سلو بھیا اور کیٹ، پھر پریتی زنٹا اور نیس واڈیا، جان اور بپاشا، عائشہ تاکیا اور فرحان اعظمی، کرینہ اور شاہد کپور، لارار دتہ اور کیلی ڈورجی۔ ارے ایک دلچسپ بات آپ کو بتانا ہی بھول گئے۔ جب ایب اور ایش کی شادی کی تاریخ مقرر ہوئی اس وقت سے پورے شہر میں ایک ہی افواہ تیزی کے ساتھ گشت کر رہی تھی کہ اس جوڑے کی شادی سے قبل ہی سلو بھیا اور کیٹ اٹھارہ اپریل کو شادی کرنے والے ہیں۔

	علی حاجی فلم تارا رم پم میں علی سیف اور رانی کے ساتھ کام کررے ہیں۔

آپ کو یاد ہے فلم فنا کا وہ معصوم اداکار ریحان، جی ہاں اس کا اصل نام علی حاجی ہے۔ بہت ذہین اور بےباک۔ فلم تارا رم پم میں علی سیف اور رانی کے ساتھ کام کررے ہیں۔ سیف بتاتے ہیں کہ ایک روز کام کی تھکان سے انہیں بخار ہو گیا تھا۔ سیف نے فلم کے ہدایت کار سے کہا کہ وہ گھر جانا چاہتے ہیں۔ پتہ ہے ہدایت کار نے ان سے کیا کہا؟ تم گھر کیسے جا سکتے ہوں جبکہ علی کام چھوڑ کر نہیں گئے حالانکہ انہیں بھی بخار ہے۔ سیف کو زبردست حیرت ہوئی کہ ایک معصوم اپنے کام سے کتنا ایماندار ہے۔ سیف نے پہلے علی کو گھر بھیجا پھر خود سیٹ سے گئے۔

چھوٹے نواب کی وفا

اب یہ تو سب کو پتہ چل ہی چکا ہے کہ چھوٹے نواب اور ان کی گرل فرینڈ روزا کے درمیان دوستی ختم ہو گئی ہے۔لیکن اسے وفا کہئے یا سچی دوستی کہ جب روزا نے اپنے ایک دوست کے ذریعہ سیف سے مالی مدد کی بات کہی تو سیف نے نہ صرف انہیں ممبئی میں رہنے کے لیے ایک مکان دلا دیا بلکہ مالی مدد بھی دی۔

جب کنگ خان رو دئے

جی ہاں یہ کسی فلم کا منظر نہیں تھا بلکہ کون بنے گا کروڑ پتی شو کا آخری دن۔ کنگ خان آئے اور انہوں نے جذباتی تقریر کی اور اس دوران ان کی آنکھوں میں آنسو آگئے۔لیکن بعد میں یہ پروگرام بے انتہا دلچسپ ثابت ہوا کیونکہ اس آخری ایپی سوڈ میں کنگ خان اور سلو بھیا کے درمیان مقابلہ تھا ساتھ میں قطرینہ بھی تھیں لیکن سارا پروگرام سلو بھیا کے نام رہا۔ کہیں ہم زیادہ تو نہیں بول گئے۔