 | | | بریٹنی سپیرز نے یہ انکشاف ڈیوڈ لیٹرمین کے پروگرام میں کیا |
معروف پاپ گلوکارہ برٹنی سپیرز نے تصدیق کی ہے کہ وہ اب دوسرے بچے کی ماں بننے والی ہیں۔ چوبیس سالہ پاپ سٹار نے ستمبر میں ایک بچے کو جنم دیا تھا۔ انہوں نے یہ اعلان ڈیوڈ لیٹرمین کے امریکی ٹیلیویژن شو میں کیا۔ میزبان نے ان سے پوچھا کہ ’ہمیں پتہ چلا ہے کہ آپ امید سے ہیں، کیا یہ سچ ہے؟‘ اس کے جواب میں برٹنی نے کہا کہ ’جی ہاں جناب‘۔ اس حقیقت کے تسلیم کیئے جانے کے بعد ذرائع ابلاغ میں کئی ماہ سے جاری چہ مگوئیاں ختم ہو گئی ہیں۔ اس اعلان کے موقع پر گلوکارہ نے ازراہِ مذاق میزبان سے کہا کہ ’فکر نے کرو ڈیو، یہ تمہارا بچہ نہیں ہے‘۔ برٹنی نے دو ہزار چار میں اٹھائیس سالہ کیون فیڈرلین سے شادی کی تھی۔ یہ فیڈرلین کا چوتھا بچہ ہو گا۔ ان کے پہلی گرل فرینڈ اداکارہ شیر جیکسن سے بھی دو بچے ہیں۔ برٹنی کو سترہ سال کی عمر میں عالمگیر شہرت اس وقت ملی جب ان کا گانا ’ہٹ می بے بی ون مور ٹائم‘ مقبول ہوا اور اس کی لاکھوں کاپیاں فروخت ہوئیں۔ لیکن دو ہزار چار میں اپنی آخری البم کی ریلیز کے بعد انہوں نے اپنے فنی کیریئر کو روک کر بچوں کی پرورش کا فیصلہ کیا ہے۔ اپنی نجی زندگی کے بارے میں وہ اخباری سرخیوں سے باہر کم ہی رہی ہیں۔ حال ہی میں برٹنی اس وقت تنقید کا نشانہ بنیں جب ان کی ایک تصویر شائع کی گئی جس میں انہوں نے گاڑی چلاتے وقت اپنے بچے کو گود میں بٹھایا ہوا تھا۔ بعد میں انہوں نے کہا کہ وہ فوٹوگرافروں سے ڈر گئی تھیں تاہم انہوں نے اپنی غلطی تسلیم کی۔ | 
’بیٹلز‘ عدالتی جنگ ہار گئے
’اووپس آئی ڈِڈ اٹ اگین‘
