بالی وُڈ کے سپر سٹار اداکار عامر خان

یہ بات انہوں نے بی بی سی کے ’ایشین نیٹورک‘ کے ساتھ ایک خصوصی انٹرویو کے دوران کی جب ایک پاکستانی نژاد برطانوی فین نے ان سے اس بارے میں سوال کیا۔

عامر خان کا کہنا تھا کہ ’ہندوستان اور پاکستان میں بہت ٹیلنٹ ہے، اور میرا خیال ہے کہ دودنوں ممالک کے ٹیلنٹ والے افراد کو مل کر کام کرنا چاہیے۔ اگر مجھے مناصب سکرپٹ اور اچھی آفر ملی تو میں پاکستان میں ضرور فلم بنانا چاہوں گا۔‘

اس انٹرویو میں عامر خان نے بھارت کی ریاست گجرات میں بھارتیہ جنتا پارٹی کی حکومت پر بھی تنقید کی ہے۔ حال میں برودا میں دو مسلمانوں کی ہلاکت پر ایک سوال کے جواب میں انہوں نے کہا ’حالیہ واقعہ گجرات میں کئی سال پہلے ہونے والے واقعات جتنا افسوسناک ہے۔ یہ بڑی شرم کی بات ہے کہ انظامیہ حالات پر قابو نہیں پا سکتی اور معصوم جانیں ضائع ہو رہی ہیں۔ اس سے فرق نہیں پڑتا کہ کہ مرنے والوں کا کس مذھب سے تعلق ہے، وہ سب انسان ہیں۔‘

بالی وڈ کے سپر سٹار اداکار بہت ہی کم میڈیا سے بات کرتے ہیں لیکن انہوں نے بی بی سی کے ایشین نیٹورک کے ایک نئے شو کو یہ انٹرویو دیا

بالی وڈ کے سپر سٹار اداکار بہت ہی کم میڈیا سے بات کرتے ہیں لیکن انہوں نے بی بی سی کے ایشین نیٹورک کے ایک نئے شو کو یہ انٹرویو دیا۔ یہ ریڈیو شو پیر سے جمعہ، پانچوں روز شام سات بجے نشر ہوگا اور اس کے میزبان گگن گروال ہیں۔ اس شو میں ہندی اردو اور انگریزی میں بات چیت چلے گی۔