 |  مرچنٹ آئیوری جوڑی نے 1961 کے بعد سے اپنی جرمن سکرین رائٹر رتھ پراور جھابوالا کے ساتھ مل کر جو فلمیں بنائی ان پر انہیں چھ آسکر ایوارڈ حاصل ہوئے |
فلم ساز اسماعیل مرچنٹ کے دفتر نے اعلان کیا ہے کہ وہ لندن میں انتقال کر گئے ہیں۔انکی عمر 68 سال تھی۔ انہوں نے اپنے ایک انتہائی تخلیقی ساتھی ڈائریکٹت جیمز آئیوری کے ساتھ ہہاورز اینّ، اے روم ود اے ویو اور ریمینز آف دی ّے جیسی شہرہ آفاق فلمیں بنائیں۔ ان کا انتقال لندن کے ایک اسپتال میں بدھ کی دوپہر ہوا ہے لیکن ان کے ترجمان کا کہنا ہے کہ ان کے انتقال کی وجہ اب تک واضح نہیں ہو سکی ہے۔ ترجمان کے مطابق اسماعیل مرچنٹ کو گزشتہ سال سے پیٹ کی بیمایوں کی شکایت تھی۔ مرچنٹ آئیوری جوڑی نے 1961 کے بعد سے اپنی جرمن سکرین رائٹر رتھ پراور جھابوالا کے ساتھ مل کر جو فلمیں بنائی ان پر انہیں چھ آسکر ایوارڈ حاصل ہوئے۔ ان کی فلموں میں خاص طور پر ای ایم فوسٹر کے ناول پر بنائی جانے والی فلم ’روم ود اے ویو‘ اور ’ہاورڈز اینڈ‘ نے سنیما بینوں میں ایک بار پھر تاریخی فلموں کا ذوق پیدا کر دیا۔ مرچنٹ اسماعیل دسمبر 1936 میں ممبئی میں پیدا ہوئے اور تعلیم نیویارک سے حاصل کی۔ انتقال کے وقت ان کے بہت سے دوست اور احباب موجود تھے۔ | 
یہ صفحہ دوست کو ای میل کیجیئے
پرِنٹ کریں
