زبیر احمد بی بی سی اردو ڈاٹ کام، ممبئی

’پھر ملیں گے‘ ایڈز کے حساس موضوع پر بالی وڈ نے پہلی مرتبہ ہاتھ ڈالا ہے۔

ایڈز جیسے حساس موضوع پر توجہ دینے کی وجہ سے اقوام متحدہ بھی اس فلم کی بھر پور حمایت کر رہا ہے۔

اداکاری سے ہدایتکاری کی طرف آنے والی ڈائریکٹر ریواتھی مینن نے اس فلم میں بالی وڈ کے کئی سٹارز کو کاسٹ کیا ہے۔ فلم کا مرکزی کردار تمنا شلپا سیٹھی کررہی ہیں جبکہ ان کے شوہر کا کردار جو ایڈز کے مرض میں مبتلا ہیں، سلمان خان کررہے ہیں۔ فلم میں شلپا سیٹھی، سلمان خان کے نہ چاہتے ہوئے بھی ان کی وجہ سے ایڈز کا مرض کا شکا ر ہوجاتی ہیں۔

فلم میں بالی وڈ کے کئی سٹارز کو کاسٹ کیا گیا ہے۔

فلم میں بالی وڈ کے ایک اور سٹار ابھیشیک بچن ایک ایسے وکیل کا کردار کررہے ہیں جو مرکزی کردار شلپا سیٹھی کو ان کے حقوق کا دفاع کرنے میں مدد کرتے ہیں۔

فلم کی ڈائریکٹر ریواتھی مینن کا کہنا ہے کہ انہیں ایڈز کے مریضوں کے ساتھ کئے جانے والے امتیازی سلوک کی خبریں پڑھ کر بہت دکھ پہنچتا ہے اور انہیں نے فلم میں یہ پحغام دینے کی کوشش کی ہے کہ انسان کو زندہ رہنے کے لئے صرف سانس لینا ہی نہیں بلکہ اپنی مرضی سے رہنے کے ضرورت ہوتی ہے۔

اقوام متحدہ کے ادارے یو این ایڈز نے اس فلم کی بھر پور حمایت کی ہے اور ادارے کے ایک ترجمان ڈاکٹر ایمیلا تھمپو کے مطابق اس سلسلے میں غور کیا جارہا ہے کہ اس فلم کو انڈیا کے دوسری زابنوں میں ترجمہ کر کے پورے ملک میں چلایا جائے۔