عبدالحئی کاکڑ بی بی سی اردو ڈاٹ کام، پشاور

	عوامی نیشنل پارٹی نے دعویٰ کیا ہے کہ پینتالیس ارکان کی حمایت حاصل ہے۔

ان نامزدگیوں کا اعلان عوامی نیشنل پارٹی کے صوبائی صدر افراسیاب خٹک نے آج پریس کانفرنس میں کیا۔ انہوں نے دعویٰ کیا کہ اے این پی کو صوبائی اسمبلی کے پینتالیس ارکان کی حمایت حاصل ہے۔ ان ارکان میں دو آزاد امیدوار اختر نواز (ہری پور) اور عدنان وزیر (بنوں) بھی شامل ہیں۔

صوبہ سرحد کی وزارت اعلٰی کے امیدوار امیر حیدر خان ہوتی پانچ فروری انیس سو اکھتر میں پیدا ہوئے۔ انہوں نے ابتدائی تعلیم ایچیسن کالج لاہور سے حاصل کی اور بی اے ایڈورڈ کالج پشاور سے کیا۔

انہوں نے سیاسی سفر سنہ بانوے میں عوامی نیشنل پارٹی سے کیا۔ وہ سابق وفاقی وزیر اعظم خان ہوتی کے بیٹے ہیں جنکہ اسفندیار ولی کے بھانجے اور بیگم نسیم ولی خان کے بھتیجے ہیں۔