ارمان صابر بی بی سی اردو ڈاٹ کام، کراچی

	دھاندلی کے الزامات دوسرے صوبوں سے بھی لگائے گئے ہیں

کراچی پریس کلب میں سوموار کو پریس کانفرنس سے خطاب کرتے ہوئے انہوں نے کہا کہ این اے دو سو تیس، اور صوبائی اسمبلی کی پی ایس تریسٹھ اور چونسٹھ پر بدترین دھاندلی کی گئی ہے اور الیکشن کمیشن ڈالے گئے ووٹوں اور جن کتابوں سے ووٹ علٰحیدہ کرکے دیے گئے ہیں انہیں بھی محفوظ کرنے کا حکم دے تاکہ ان چیزوں کو ثبوت کے طور پر استعمال کیا جا سکے۔

ان کے ساتھ ضلع تھرپارکر کے مختلف پولنگ اسٹیشنوں میں تعینات تیرہ پریذائیڈنگ افسران، اور سترہ اسسٹنٹ پریذائیڈنگ اور پولنگ افسران پریس کلب آئے تھے اور پیپلزپارٹی نے ان افسران کے لکھے گئے حلف ناموں کی کاپیاں صحافیوں میں تقسیم کئیں جن میں انہوں نے اپنے متعلقہ پولنگ اسٹیشنوں میں گن پوائنٹ پر دھاندلی ہونے کا اعتراف کیا ہے۔

تاج حیدر نے الیکشن کمیشن سے مطالبہ کیا کہ پیپلزپارٹی کے الزامات کا جائزہ لینے کے بعد متعلقہ حلقوں میں دوبارہ صاف اور شفاف انتخابات کرائیں جائیں جبکہ جہاں جہاں دھاندلی کی گئی ہے اور ثابت ہونے پر وہاں بھی دوبارہ انتخابات کرائے جائیں اور جن سرکاری ملازمین نے دھاندلی کرانے میں حصہ لیا ہے انہیں گرفتار کرکے ان کے خلاف کارروائی کی جائے۔

انہوں نے کہا کہ پیپلزپارٹی کے خلاف بھی دھاندلی کے الزامات کی چھان بین کی جائے اور فیصلہ میرٹ پر دیا جائے۔ تاج حیدر پیپلزپارٹی کی جانب سے قائم کیے جانے ’اینٹی رِگنگ‘ سیل کے سربراہ ہیں جو پورے صوبے سے دھاندلی کے بارے میں معلومات اکٹھی کررہے ہیں۔

پیپلزپارٹی نے یہ معلومات انٹرنیٹ پر بھی مہیّا کی ہیں جس کے لئے ایک نئی ویب سائٹ دھاندلی ڈاٹ کام بنائی گئی ہے۔

واضح رہے کہ متعلقہ حلقے این اے دوسو تیس سے سندھ کے سابق وزیرِاعلٰی ارباب غلام رحیم کے حمایت یافتہ امیدوار مسلم لیگ قاف کے ڈاکٹر غلام حیدر سمیجو نے1,09,107 ووٹ حاصل کیے ہیں جبکہ کہ دوسرے نمبر پر پیپلزپارٹی کے امیدوار امام علی سمیجو نے 42,957 ووٹ لیے۔