እዚ ውሑድ ዳታ ብምጥቃም፡ ጽሑፍ ጥራይ እተንብቡሉ መርበብ ሓበሬታ ቢቢሲ ትግርኛ እዩ። ምሉእ ኣሳእልን ቪድዮታትን ንምርኣይ ድማ ቀንዲ መርበብ ሓበሬታና ተጠቐሙ።
ኣዲኡ ንኣሰልጣኒ ኢንግሊዛዊት ክለብ ማንቸስተር ሲቲ ብኮሮናቫይረስ ዓሪፋ
ኣዲኡ ንኣሰልጣኒ ኢንግሊዛዊት ክለብ ማንቸስተር ሲቲ፡ ፐፕ ጋርዲዮላ ብኮሮናቫይረስ ድሕሪ ምልካፋ ዓሪፋ።
ጓል 82 ዓመት፡ ዶሎርስ ሳላ ካሪዮ፡ እቲ ቫይረስ ከም ዝሓዛ ድሕሪ ምርግጋጹ'ያ ኣብ ባርሴሎና ዓሪፋ።
"ምስዛ ክለብ ምትእስሳር ዘለዎ ኩሉ፡ ንፔፔ፣ ቤተሰቡን መሓዙቱን ዝተስምዖም ልባዊ ሓዘንም ይገልጹ" ክትብል ማንቸስተር ሲቲ ኣብ ማሕበራዊ መራኸቢታት ገሊጻ።
እቲ ሎሚ ዝወጽአ ሞት ናይ 637 ሰባት ሓዊሱ፡ ቁጽሪ ምውታት ኣብ ስጳኛ 13055 በጺሑ ይርከብ።
