ፕረዚደንት ዚምባብዌ ነበር ሮበርት ሙጋበ ዓሪፉ

ፕረዚደንት ዚምባብዌ ነበር ሮበርት ሙጋበ፡ ኣብ መበል 95 ዕድሚኡ ዓሪፉ። ንሱ ብምኽንያት ሕማም ከም ዝሞተ ስድርኡ ንቢቢሲ ኣረጋጊጾም።

ሮበርት ሙጋበ ንኣስታት 30 ዓመት ኣብ ስልጣን ድሕሪ ምጽናሕ፡ ኣብ ወርሒ ሕዳር 2017፡ ብዕልዋ መንግስቲ'ዩ ካብ ስልጣኑ ተኣልዩ።

ሚኒሰተር ትምህርቲ ዚምባብዌ ''መንግስተ ሰማይ የዋርስካ ሮበርት ሙጋበ'' ክብል ኣብ ትዊተር ጽሒፉ።

ሙጋበ፡ እታ ሃገር ናጽነታ ካብ ዝኣወጀትሉ 1980 ኣትሒዙ'ዩ ኣብ ስልጣን ጸኒሑ። 21 ለካቲት 1924 ኣብቲ ሸዑ ሮደሽያ ትበሃል ዝነበረት ዚምባብዌ እዩ ተወሊዱ።

ኣብቲ እዋን ንዚምባብዌ ዝገዝእ ንዝነበረ መንግስቲ ሮደሽያ ብምንቃፉ ድማ፤ ንልዕሊ ዓሰርተ ዓመት ብዘይ ፍርዲ ተኣሲሩ።

ሙጋበ ኣብ 1973 ኣብ ቤት-ማእሰርቲ እንከሎ እዩ ፕረዚደንት ዚምባብዌ ክኸውን ተመሪጹ።

ኣገደስቲ ዕለታት ኣብ ህይወት ሙጋበ