జీబ్రాలపై చారలు ఎందుకు ఉంటాయి?

జీబ్రాలపై చారలు ఎందుకుంటాయనేది చాలా మందిని తొలిచే ప్రశ్న. శాస్త్రవేత్తలు కూడా చాలా ఏళ్ల నుంచి దీని గురించి ఆలోచిస్తున్నారు. తమను వేటాడే జంతువులను అయోమయానికి గురిచేయడానికి, శరీరానికి చల్లదనాన్ని చేకూర్చుకునేందుకు జీబ్రాలకు చారలు ఉంటాయని చాలా మంది భావిస్తుంటారు.

అయితే, యూనివర్సిటీ ఆఫ్ బ్రిస్టల్‌కు చెందిన శాస్త్రవేత్తలు మాత్రం చారలు ఎందుకు ఉంటాయో పరిశోధనలతో తేల్చి చెప్పారు. దీని కోసం వారు ఒక ప్రయోగం చేశారు.

గుర్రాలపై జీబ్రాల మాదిరిగా చారలు ఉండే కోట్లను కప్పి కొన్ని రోజులు గమనించారు. అప్పుడు గుర్రాలపై ఈగలు వాలకపోవడం వారు గుర్తించారు. ఈ చారల కోట్స్ వల్ల గుర్రాలపై ఈగలు వాలడం, కుట్టడం 25 శాతం తగ్గిందని పరిశోధకులు చెబుతున్నారు.

ఇక జీబ్రాలపై చారలు ఉండటం వల్ల ఈగలు అయోమయానికి గురై వాటిపై వాలడం లేదని నిరూపించారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)