పంజాబ్-మొహాలీ: దసరా ఎగ్జిబిషన్లో 50 అడుగుల ఎత్తు నుంచి కింద పడిన జెయింట్ వీల్
ఫొటో సోర్స్, SCREENGRAB/TWITTER VIDEO
పంజాబ్లోని మొహాలీలో జరుగుతున్న ఓ ఎగ్జిబిషన్లో ఆదివారం సాయంత్రం ఘోర ప్రమాదం చోటుచేసుకుంది. 50 అడుగుల ఎత్తులో గుండ్రంగా తిరిగే చక్రం (జెయింట్ వీల్) లాంటిది తిరుగుతూ, తిరుగుతూ కింద పడిపోయింది. ఇందులో సుమారు 50 మంది కూర్చుని ఉన్నారు. వారందరికీ తీవ్ర గాయాలయ్యాయి.
మొహాలీలోని ఫేజ్-8లో దసరా ఉత్సవాల సందర్భంగా ఒక మైదానంలో ఎగ్జిబిషన్ ఏర్పాటు చేశారని పీటీఐ తెలిపింది. అక్కడ జెయింట్ వీల్, ఊయల, రంగుల రాట్నం సహా పలురకాల అమ్యూజ్మెంట్ రైడ్స్ ఉన్నాయి.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది, 1
ప్రమాదం జరిగిందని తెలిసిన వెంటనే పోలీసులు ఘటనా స్థలానికి చేరుకున్నారు. క్షతగాత్రులందరినీ మొహాలిలోని జిల్లా ఆస్పత్రిలో చేర్పించారు.
నిర్వహాకుల నిర్లక్ష్యమే ప్రమాదానికి కారణమని ప్రత్యక్ష సాక్షి ఒకరు ఏఎన్ఐ వార్తాసంస్థతో అన్నారు.
"ఇక్కడ అంబులెన్స్, పీసీఆర్ లాంటి సౌకర్యాలేమీ లేవు. ప్రమాదం జరిగిన 20 నిమిషాల తరువాత నిర్వాహకులు అక్కడికి వచ్చారు. వాళ్లు తాగేసి ఉన్నారు. ఘటనలో ఎవరూ చనిపోలేదని ఒక మహిళా చీఫ్ చెప్పారు. ఎలాంటి భద్రత, అత్యవసర ఏర్పాట్లు లేకుండా ఈ జాతర ఎలా జరుగుతోంది?" అని ప్రత్యక్ష సాక్షి అన్నారు.
ప్రమాదం జరుగుతుండగా రికార్డయిన వీడియో ట్విటర్లో వైరల్ అవుతోంది.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది, 2
ఆస్పత్రిలో చేర్చినవారికి పెద్దగా గాయాలు కాలేదని సివిల్ హాస్పిటల్ డాక్టర్ సుభాష్ ఏఎన్ఐకి తెలిపారు.
ఎగ్జిబిషన్ నిర్వహణకు అధికారికంగా అనుమతి ఇచ్చినట్లు డీఎస్పీ హరిసిమ్రన్ సింగ్ బల్ తెలిపారు. నిర్వాహకుల నుంచి తప్పు ఉన్నట్టు నిరూపణ అయితే, చట్ట ప్రకారం కఠిన చర్యలు తీసుకుంటామని ఆయన అన్నారు.
ఇవి కూడా చదవండి:
- ఝార్ఖండ్లో ఏ పార్టీకి మెజారిటీ ఎందుకు రాదు? ముఖ్యమంత్రి కుర్చీ ఎందుకంత బలహీనంగా ఉంటుంది?
- ఆమె ఖాతాలోకి రూ. 55 కోట్లు వచ్చిపడ్డాయి.. ఆనందంగా ఖర్చు చేశారు.. 10 కోట్లతో ఇల్లు కొన్నారు.. ఏడు నెలల తర్వాత...
- చేయని తప్పుకు ఒక వ్యక్తిని అన్యాయంగా ఉరి తీసి, 70 ఏళ్ల తర్వాత సారీ చెప్పిన పోలీసులు
- హైటిజం: ఎత్తుగా ఉన్నవారికే ప్రమోషన్లు వస్తాయా, జాబ్లో ఎదగాలంటే ఎంత ఎత్తు ఉండాలి?
- వరంగల్: ట్రాన్స్జెండర్ల కోసం ప్రత్యేక క్లినిక్ ఎందుకు తెరిచారు, ఇది ఎలా నడుస్తోంది?
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
