అమెజాన్ అడవిలో కూలిన విమానంలోని నలుగురు పిల్లల జాడ ఎలా తెలిసిందంటే...

పిల్లలతో సైన్యం — ఫొటో క్యాప్షన్, అమెజాన్ అడవిలో 40 రోజుల అనంతరం గుర్తించిన పిల్లలతో మిలటరీ బృందం

11 జూన్ 2023

అమెజాన్ అడవిలో విమానం కూలిపోయిన తర్వాత అందులోని నలుగురు పిల్లలు 40 రోజుల తరువాత ప్రాణాలతో దొరికారు.

అమెజోనాస్ ప్రావిన్స్‌లోని అరరాకురా నుంచి శాన్ జోస్ డెల్ గువావియారేకు ప్రయాణిస్తున్న సెస్నా 206 విమానంలో మే 1వ తేదీన ఈ పిల్లలు, వారి తల్లి ఎక్కారు.

విమానంలో ఇంజిన్‌ సమస్య తలెత్తడంతో, అలర్ట్ జారీ చేశారు. ఆ తర్వాత విమానం కూలిపోయింది.

ఈ విమాన ప్రమాదంలో వారి తల్లితో పాటు, ఫైలట్, కో ఫైలట్ కూడా మరణించారు.

అమెజాన్ అడవిలో కత్తెర, రబ్బర్ బ్యాండ్ — ఫొటో క్యాప్షన్, అడవిలో పిల్లలు ఉపయోగించిన కత్తెర, రబ్బర్ బ్యాండ్

విమాన ప్రమాద ఘటనా స్థలానికి చేరుకున్న సహాయక బృందానికి పిల్లలు మాత్రం కనిపించలేదు. దీంతో పిల్లల కోసం గాలింపు చర్యలు మొదలుపెట్టారు. పిల్లల మంచినీళ్ల బాటిల్, కత్తెర, హెయిర్ టై వంటి వస్తువులను సహాయక సిబ్బంది గుర్తించారు.

అమెజాన్ — ఫొటో క్యాప్షన్, అడవిలో సహాయక బృందం గుర్తించిన పిల్లల పాదముద్ర

అడవిలో పిల్లల పాద ముద్రలను కూడా సహాయక సిబ్బంది కనుగొన్నారు. దీంతో ఈ పిల్లలు బతికే ఉంటారని వారు భావించారు.

స్థానిక ప్రజలు కూడా ఈ పిల్లల్ని వెతికేందుకు సహకరించారు. హుయిటోటో భాషలో రికార్డు చేసిన పిల్లల అమ్మమ్మ మెసేజ్‌ను హెలికాప్టర్ల ద్వారా బ్రాడ్‌కాస్ట్ చేశారు. ఎక్కడున్న వారు అక్కడే ఉండాలని, అప్పుడే తాము తేలికగా కనుగొనగలమని చెప్పారు.

అడవిలో అక్కడక్కడ కొన్ని పండ్లు కొరికి ఉండటంతో పిల్లలు తిన్నారని, వారు బతికే ఉన్నారని సెర్చ్ టీం నిర్ధరించుకుంది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

ఫొటో క్యాప్షన్, అడవిలో పిల్లలు కొరికిన పండును సహాయక బృందం కనుగొంది.

ఈ పిల్లలు హయిటోటో స్థానిక గ్రూప్‌కు చెందిన వారు. పిల్లలకు పండ్లపై ఉండే అవగాహన, అటవీ ప్రాంతంలో మనుగడ సాధించే నైపుణ్యాలు వీరిని బతికించేందుకు సహకరించాయని ఈ కమ్యూనిటీకి చెందిన సభ్యులు భావించారు.