Давлати Ироқ вуруди Доъиш ба минтақаи Абуғурайбро такзиб кард
Image copyrightReutersГузоришҳо аз устони Анбор дар Ироқ ҳокӣ аст, ки шибҳинизомиёни гурӯҳи мавсум ба Давлати исломӣ (Доъиш) шаҳри Ҳит дар ғарби Рамодиро ба кунтрули худ даровардаанд. Дар ҳамин ҳол Давлати Ироқ вуриди нерӯҳои Доъиш ба минтақаи Абӯғурайб дар ҳошияи ғарбии Бағдодро такзиб кардааст.
Телевизиюни давлатии Ироқ тасовире аз шаҳри Абӯғурайб ва мусоҳибаҳо бо сокинони он пахш карда, ки дар он мегӯянд зиндагии оддӣ дар шаҳр ҷараён дорад.
Пулиси Абӯғурайб ҳам гуфта, ки интишори ин ахбор барои тарсондани мардум ва тазъифи рӯҳияи онҳо аст.
Ҳамзамон аз устони Анбор хабар мерасад, ки шибҳнизомиёни Давлати исломӣ тақрибан кунтрули комили шаҳри кӯчаки Ҳит дар 190 килуметрии Бағдодро ба даст гирифтаанд.
Хабаргузории Фаронса гузориш додааст, ки нерӯҳои давлатӣ як пойгоҳи низомӣ дар ҳошияи ин шаҳрро тахлия ва аз он ақибнишинӣ кардаанд.
Шабакаи Алҷазира ҳам кунтрули Доъиш бар минтақаи Ҳит дар ҳошияи рӯди Фуротро таъйид кардааст.
Хабаргузории Фаронса ба нақл аз яке аз мақомҳои пулиси Анбор гузориш додааст, ки нерӯҳои давлатӣ якшанбешаб пойгоҳи омӯзишии Ҳитро ба дастури фармондеҳони низомӣ тахлия карда ва ба пойгоҳи ҳавоии Асад мунтақил шудаанд.
Пойгоҳи Асад як пойгоҳи бузурги низомӣ дар шимоли ғарби Ҳит аст, ки ба гузориши хабаргузории Фаронса яке аз охирин пойгоҳҳои низомии таҳти кунтрули давлат дар устони ноороми Анбор аст.
Анбор дар ҳафтаҳои гузаштаи маҳалли даргирии шадид миёни Доъиш ва нерӯҳои Давлатии Ироқ буда ва дар рӯзҳои гузашта масъулони он хоҳони ҳимояти низомӣ барои ҷилавгирӣ аз суқути он шудаанд.
Дирӯз якшанбе, 12 октябр раиси пулиси устони Анбор дар инфиҷори як бумби канориҷоддаӣ кушта шуд.
Анбор дар ҳафтаҳои гузашта маҳалли шадидтарин даргириҳо миёни нерӯҳои давлатӣ ва Доъиш будааст
