Мухолифати шадиди раҳбари Эрон бо оташбас дар Ғазза ва халъи силоҳи Ҳамос ва Ҷиҳоди исломӣ
Image copyrightkhamenei.irОятуллоҳ Алии Хоминаӣ, раҳбари Эрон гуфтааст: "Раиси ҷумҳури Омрико фатво содир карда, ки муқовимат бояд халъи силоҳ шавад, то ҳамин миқдори зарба, ки дар баробари ин ҳама ҷиноят задаро ҳам назанад ".
Ӯ имрӯз, сешанбеи 7 мурдод (29 июл) дар хутбаҳои Иди фитр дар Теҳрон аз ҳамаи мусалмонон хост, ки бар хилофи хостаи давлати Омрико, гурӯҳҳои фаластинии Ҳамос ва Ҷиҳоди исломиро таслеҳ кунанд.
Раҳбари Эрон гуфт, ки Исроил дар Ғазза "гир карда" ва аз ҳамла ба ин минтақа пушемон аст ва ба ҳамин далел Омрико, Урупо ва "ҳамаи муҷримони олам" даст ба дасти ҳам додаанд, ки "оташбаси таҳмилиро ба мардуми Ғазза таҳмил кунанд".
Борок Убомо, раиси ҷумҳур ва Ҷон Керрӣ, вазири умури хориҷаи Омрико хоҳони оташбаси фаврӣ дар Ғазза шудаанд ва гуфтаанд, ки ғайринизомӣ шудани минтақаи Ғазза мебоист бахше аз роҳи ҳалли дарозмуддати буҳрон дар ин минтақа бошад.
Беш аз се ҳафта аз оғози ҳамалоти Исроил ба Ғазза мегузарад ва дар ин муддат беш аз 1100 фаластинӣ, ки аксари онҳо ғайринизомӣ буданд, кушта шудаанд.
Давлати Исроил мегӯяд, ки ин ҳамалотро дар посух ба партоби беш аз 2600 рокет аз Ғазза ба хоки Исроил анҷом дода ва ҳадафаш аз ин ҳамалот нобуд кардани захираи рокетии фаластиниён ва тахриби тунелҳое аст, ки пайкорҷӯёни фаластинӣ аз онҳо барои нуфуз ба Исроил ва ҳамла ба аҳдофе дар дохили хоки ин кишвар истифода мекунанд.
Артиши Исроил мегӯяд, ки 32 тунелро дар тӯли се ҳафтаи гузашта шиносоӣ ва онҳоро нобуд кардааст, аммо ҳанӯз тунелҳои дигаре вуҷуд дорад.
Пайкорҷӯёни фаластинӣ дирӯз душанбе бо истифода аз яке аз ин тунелҳо ба хоки Исроил нуфуз карданд ва дар даргирӣ бо сарбозони исроилӣ панҷ тан аз онҳоро куштанд. Ба гуфтаи артиши Исроил яке аз пайкорҷӯён ҳам дар ҷараёни ин ҳамла кушта шудааст.
Сипари дифоъи ҳавоии Исроил мавсум ба "Гунбади оҳанин" бисёре аз рокетҳои партобшуда тавассути фаластиниҳоро раҳгирӣ ва дар ҳаво мунфаҷир мекунад.
Ба гуфтаи Исроил дар тӯли се ҳафтаи ахир 53 сарбози исроилӣ ва се ғайринизомӣ дар асари ҳамалоти фаластиниён кушта шудаанд.
Раҳбари Эрон дар хутбаҳои Иди фитри Теҳрон гуфтааст, ки мавзуъи Ғазза имрӯз муҳимтарин мавзуъи ҷаҳони ислом ва "шояд дунёи инсоният аст" аст.
Ӯ гуфт: "Саги ҳорӣ ва гурги дарандае ба инсонҳои мазлум ҳамла кардааст. Башарият бояд ба ин вокуниш нишон диҳад".
Изҳороти тунди оятуллоҳ Хоминаӣ дар расонаҳои исроилӣ бозтобе васеъ доштааст.
