Истеъфои намояндагони суннии порлумони Ироқ дар эътироз ба ҳамла ба мухолифони давлат
Чиҳилу чаҳор намоянда аз эътилофи сиёсатмадорони суннӣ стеъфономаи худро ба порлумони Ироқ ироа доданд.
Ҳамзамон, ба гуфтаи пулис ва манобеъи пизишкӣ дар даргириҳои тоза байни нерӯҳои амниятии Ироқ ва мардони мусаллаҳ дар шаҳри Рамодӣ, маркази устони Анбор чаҳор нафар кушта шудаанд.
Дирӯз иқдоми нерӯҳои ироқӣ дар шаҳри Рамодӣ барои барчидани чодарҳои муътаризони суннӣ ба бархурди шадиде мунҷар шуд, ки дар натиҷаи он даҳ нафар ҷони худро аз даст доданд.
Дар як конфаронси хабарӣ намояндагони порлумон аз эътилофи сиёсатмадорони суннӣ хостори ақабнишинии артиш ва озодии Аҳмад Алалвонӣ, намояндаи порлумон шуданд.
Шанбеи гузаштаи замоне, ки пулис ва сарбозон қасд доштанд, Аҳмад Алалвонӣ, аз мунтақидини сарсахти давлатро дар хонааш дар шаҳри Рамодӣ боздошт кунанд, даргирии шадиде миёни онҳо ва муҳофизон ва ақвоми оқои Алвонӣ рӯй дод.
Бародари оқои Алвонӣ ва 3 муҳофизи ӯ дар ин даргирӣ кушта ва беш аз панҷоҳ нафар маҷруҳ шуданд.
Алӣ Мӯсавӣ, сухангӯи нахуствазири Ироқ гуфтааст, ки иқдоми дирӯзи нерӯҳои амниятӣ бидуни ҳеҷ гуна талафоте бомуваффақият сурат гирифт, зеро ки аъзои шабакаи Алқоъида аз кампи муътаризон гурехтанд ва акнун таҳти таъқиб қарор доранд.
Суханони Алӣ Мӯсавӣ ёдовари иттиҳоме аст, ки Нурӣ Моликӣ, нахуствазири Ироқ 22 декабр бар сунниҳои муътариз ворид овард ва гуфт, ки маҳалли таҳассуни худро табдил ба мақари дастгоҳи раҳбарии шабакаи Алқоъида кардаанд.
Сунниҳо давлати Нурӣ Моликиро ба табъиз алайҳи ақаллияти суннӣ муттаҳам карда ва мегӯянд, ки муқаррароти сахти зиди терруристӣ ба таври ғайриодилона ин ақаллиятро ҳадаф қарор додааст.
Ироқ саҳнаи даргириҳои фирқаӣ аст. Хушунатҳо дар ин кишвар ба ҳадде афзоиш ёфта, ки соли гузашта хунбортарин соли Ироқ аз 2008 то кунун будааст.
Ба гуфтаи Созмони Милали Муттаҳид аз январи соли гузашта то кунун беш аз ҳафт ҳазор ғайринизомии ироқӣ ва 950 тан аз маъмурони амниятии ин кишвар кушта шудаанд.
Нурӣ Моликӣ, нахуствазири Ироқ гуфтааст, ки чодарҳои муътаризин ба мақари Алқоъида табдил шуда ва дастур ба ҷамъоварии онҳоро додааст.
