Нишасти кишварҳои узви Шӯрои Амният дар бораи Сурия
Панҷ узви доимии Шӯрои Амнияти Созмони Милал дар Ню-Йурк дидор кардаанд,, то дар бораи қатънома барои маҳори таслиҳоти шимиёии Сурия музокира кунанд.
Тибқи гузоришҳо ин музокирот, ки рӯзи сешанбеи 18 август ба муддати як соъат баргузор шуда, қарор аст рӯзи чаҳоршанбе ҳам идома дошта бошад.
Қатъномаи мавриди баҳс гоме асосӣ дар иҷрои тарҳи Омрико ва Русия аст, ки бар асоси он Сурия бояд захоири таслиҳоти шимиёии худро зарфи як ҳафта эълом кунад ва то миёнаи соли ояндаи мелодӣ, яъне то моҳи майи оянда онҳоро мунҳадим кунад.
Бо ин ҳол ба назар мерасад то ҳамин ҷо ҳам ихтилофи назарҳои решаӣ бар сари иншои ин қатънома вуҷуд дорад.
Омрико, Бритониё ва Фаронса мехоҳанд дар ин қатънома ба иқдоми низомӣ ҳам ишора шавад, вале Русия бо он мухолиф аст.
Иёлоти Муттаҳида ва Русия рӯзи шанбеи ин ҳафта дар бораи ин тарҳи гом ба гом нобуд кардани таслиҳоти шимиёии Сурия тавофуқ карданд.
Дар рӯзҳои пеш, Омрико бо муттаҳам кардани ҳукумати Сурия ба хотири ҳамлаи шимиёии рӯзи 21 август дар атрофи Димишқ, мегӯяд, ки қасд дорад бо ҳамлаи низомӣ имкони такрори чунин ҳамалотеро дар оянда бигирад.
Гузориши Созмони Милали Муттаҳид дар бораи ин ҳамлаи шимиёӣ, ки рӯзи душанбе мунташир шуд, таъсир кард, ки гози аъсоби сорин дар ҷараёни ҳамла бо рокетҳо истифода шудааст. Бо ин ҳол ин гузориш ҳарфе дар бораи омили ин ҳамла назадааст.
Омрико, Бритониё ва Фаронса мегӯянд ин гузориши Созмони Милали Муттаҳид барӯшанӣ мавзеъи онон дар муқассир будани нерӯҳои ҳукуматии Сурияро тақвият мекунад чун фақат онон қодир ба иҷрои чунин ҳамлае будааст.
Русия ин истидлолро рад мекунад.
Сергей Лавров, вазири умури хориҷаи Русия, рӯзи сешанбе гуфт, ки Маскав "далоили ҷиддӣ" дорад, ки ин ҳамла тавассути нерӯҳои шӯришӣ ва барои таҳрики ҷомеъаи ҷаҳонӣ сурат гирифтааст.
Башор Асад, раиси ҷумҳури Сурия, низ мегӯяд нерӯҳои мухолиф омили ҳамлаи шимиёии 21 август ҳастанд.
Ҷаласаи рӯзи сешанбеи намояндагони панҷ кишвари узви Шӯрои Амният, Омрико, Бритониё, Чин, Русия ва Фаронса ҳудуди як соъат тӯл кашидааст.
Диплумотҳо гуфтаанд ин ҷаласа рӯзи чаҳоршанбе ҳам баргузор мешавад.
Ба гуфтаи ин манобеъ баҳси рӯзи сешанбе бар сари пешнависи қатъномае буда, ки Омрико, Бритониё ва Фаронса пешниҳод карда буданд.
Эрин Плутун, сухангӯйи ҳайати намояндагии Омрико дар Созмони Милал, пеш аз ин ҷаласа гуфт: "Барои ҳифзи диққат ва амонат дар музокирот ҷузъиёте дар бораи ҷаласа ё қатънома матраҳ намекунем."
Пеш аз ин ҷаласа вузарои умури хориҷаи Русия ва Фаронса бо якдигар дар Маскав дидор доштанд ва дар ҷараёни он ихтилофоти ду кишвар дар бораи Сурия барҷастатар шуд.
Вазири умури хориҷаи Фаронса гуфтааст, ки гузориши рӯзи гузаштаи Созмони Милал тардиде намегузорад, ки ҳукумати Башор Асад масълуи ҳамлаҳои шимиёӣ аст.
Оқои Лавров гуфт, ки ҳар гуна қатъномаи Шӯрои Амнияти Созмони Милал дар мавриди маҳори таслиҳоти шимиёӣии Сурия набояд бо таҳдид ба иқдоми низомӣ ҳамрҳ бошад.
Пеш аз ин Русия ва Чин се бор монеъи тасвиби қатъномаҳои пешниҳодии кишварҳои ғарбӣ дар Шӯрои Амният алайҳи Башор Асад шудаанд.
