Иснувден: Омрико дар ҳамлаи Истокснет бо Исроил ҳамкорӣ кард

Эдворд Иснувден, ифшогари ҷосусии ғайриқонунии Ожонси амнияти миллии Омрико дар мусоҳибаҳо бо маҷаллаи Ишпигел гуфтааст, ки Омрико дар ҳамлаи Истокснет ба таъсисоти атумии Эрон бо Исроил ҳамкорӣ кардааст.

Оқои Иснувден гуфтааст, ки Ожонси амнияти миллии Омрико зермаҷмуъае бузург ба номи "Идораи умури хориҷӣ" дорад, ки ба гуфтаи ӯ бо кишварҳое чун Исроил ҳамкорӣ мекунад.

Эдворд Иснувден гуфта, ки "Ожонси амнияти миллии Омрико ва Исроил муштаракан" ба тарроҳии Истокснет пардохтаанд.

Се соли пеш гузоришҳо аз "ҷосусии" як кирми интернетӣ таҷҳизоти ҳастаии Эронро олуда карда ва аз онҳо ҷосусӣ мекунад. Аммо каме баъдтар рӯшан шуд, ки доираи амали ин бадафзор фаротар аз ҷосусӣ буда ва амалкарди бахшҳое аз таҷҳизоти ҳастаии Эрон, ба вижа дар таъсисоти ғанисозии урониюми Натанз дар асари олудагӣ ба он мухтал шудааст.

Печидагии ҳамлаи Истокснет ба тартибе буда, ки коршиносони умури сойберӣ муътақиданд як давлат пушти тарроҳии ин бадафзор будааст.

Тасаввури ғолиб ин аст ки Омрико ва Исроил кишварҳое будаанд, ки дар ин ҳамла даст доштаанд, аммо ҳеҷ як аз онҳо даст доштан дар ин ҳамларо таъйид накардаанд.

Ахиран як гурӯҳи байналмилалии муҳаққиқон дар матне ба суфориши НОТУ ҳамла ба таъсисоти атумии Эрон бо бадафзори Истокснетро "тавассул ба зӯр" хонданд ва гуфтанд, ки ин ҳамла эҳтимолан нақзи қавонини байналмилалӣ будааст.

Истокснет умдатарин бадафзоре буда, ки Эрон мавриди ҳамлаи он қарор гирифтааст. Ба ҷуз он метавон ба бадафзорҳои "Флим", "Меҳдӣ" ва "Исторс" ҳам ишора кард.