Gavana wa California asema atamshtaki Trump kwa kuwapeleka walinzi wa Kitaifa kukabiliana na wahamiaji
Gavana wa California Gavin Newsom amerudia kwamba anashtaki utawala wa Trump, baada ya Walinzi wa Kitaifa kutumwa jimboni humo bila idhini yake kudhibiti maandamano ya kupinga sera ya uhamiaji.
Muhtasari
- Gavana wa California asema atamshtaki Trump kwa kupeleka walinzi wa Kitaifa kukabiiana na wahamiaji
- Shughuli ya kubadilishana wafungwa yaendelea kati ya Urusi na Ukraine
- Urusi yasema ina mpango wa kuongeza jukumu barani Afrika ni pamoja na uhusiano "nyeti" wa usalama
- Usiku mgumu kwa mkoa wa Ukraine: "shahid" kadhaa na roketi zaupiga
- Bibi harusi wa Kihindi aliyetoweka akamatwa kwa madai ya kumuua mume wake wakiwa katika fungate
- Marufuku ya kusafiri ya Trump inayozuia raia kutoka nchi 12 kuanza kutekelezwa
- Marekani na China kukutana kwa mazungumzo ya kibiashara mjini London
- Iran yaongeza marufuku ya kutembea na mbwa
- Maafisa wa polisi wasimamishwa kazi Kenya kwa kifo cha Albert Ojwang
- Ureno yailaza Uhispania katika Ligi ya Maitafa Ulaya
- Maandamano yamezidi kupamba moto kwa siku ya tatu huko Los Angeles
- Israel yasema imetambua mwili wa kiongozi wa Mohammed Sinwar
- Wanajeshi wa Israel waingia katika meli iliyobeba misaada - Wanaharakati
Moja kwa moja
Na Asha Juma & Dinah Gahamanyi
Gavana wa California asema atamshtaki Trump kwa kupeleka walinzi wa Kitaifa kukabiiana na wahamiaji
Chanzo cha picha, Teuters
Maelezo ya picha, Gavana wa California Gavin Newsom Gavana wa California Gavin Newsom amerudia kwamba anashtaki utawala wa Trump, baada ya Walinzi wa Kitaifa kutumwa bila idhini yake kudhibiti maandamano ya kupinga sera za Trump.
Maandamano yamezidi kupamba moto huku maafisa wakikabilaina na waandamanaji.
Gavana amesema hatua y arais haisaidii
Katika chapisho kwenye X, News amamendika: "Hivi ndivyo hasa Donald Trump alitaka. Aliwasha moto na kuchukua hatua kinyume cha sheria ili kuwashirikisha walinzi wa kitaifa. Agizo alilotia saini halihusu [California] pekee.
"Itamruhusu kuingia katika JIMBO LOLOTE na kufanya jambo lile lile. Tunamshitaki."
Newsom ilisema hapo awali kwamba kupelekwa huko ni "kitendo kisicho cha kikatiba, na tutajaribu nadharia hiyo na kesi kesho."
Unaweza pia kusoma:
Albert Ojwang: IPOA kuchunguza kifo cha mwanablogu aliyefariki rumande
Chanzo cha picha, mitandao ya kijamii
Mamlaka Huru ya usimamizi wa polisi (IPOA) nchini Kenya imeanzisha uchunguzi kuhusu kifo cha Albert Omondi Ojwang, mwanablogu aliyefariki katika mazingira ya kutatanisha akiwa mikononi mwa polisi.
Ojwang aliripotiwa kukamatwa Jumamosi katika eneo la Kakot, Kaunti ya Homa Bay,- Magharibi mwa Kenya kutona na ujumbe alioutuma kupitia mtandao wa kijamii wa jukwaa X.
Baadaye alihamishiwa Nairobi na kuzuiliwa katika kituo kikuu cha kikuu cha polisi mjini Nairobi. Hata hivyo, familia yake inasema ilishtushwa sana na kifo chake walipoenda kufuatilia kisa hicho siku iliyofuata.
Pia unaweza kusoma:
Shughuli ya kubadilishana wafungwa yaendelea kati ya Urusi na Ukraine
Chanzo cha picha, Telegramu/Volodymyr Zelensky
Rais Volodymyr Zelensky alishirikisha umma picha za wanajeshi wakisherehekea waliporejea Ukraine
Mabadilishano ya wafungwa yanaendelea kati ya Urusi na Ukraine, serikali za Moscow na Kyiv zimethibitisha.
Rais wa Ukraine Volodymyr Zelensky amesema mazungumzo hayo yatafanyika "katika hatua kadhaa" katika siku zijazo, akiongeza kuwa waliojeruhiwa, waliojeruhiwa vibaya na wanajeshi walio chini ya miaka 25 wanarudishwa.
Akiandika kwenye Telegram, Zelensky alisema: "Mchakato huo ni mgumu sana, kuna maelezo mengi nyeti, mazungumzo yanayoendelea karibu kila siku."
Urusi ilisema "idadi sawa" ya wafungwa wa kivita wamerudishwa Ukraine, ingawa hakuna upande uliotoa takwimu kamili ya ni watu wangapi walibadilishwa.
Unaweza pia kusoma:
Urusi yasema ina mpango wa kuongeza jukumu barani Afrika ni pamoja na uhusiano "nyeti" wa usalama
Chanzo cha picha, Reuters
Maelezo ya picha, Msemaji wa Kremlin Dmitry Peskov Urusi inapanga kuongeza ushirikiano na nchi za Kiafrika, ikiwa ni pamoja na katika "maeneo nyeti" kama vile ulinzi na usalama, Kremlin ilisema Jumatatu.
Kundi la mamluki la Urusi Wagner lilisema wiki iliyopita linaondoka nchini Mali baada ya kusaidia kijeshi huko katika mapambano yake na wanamgambo wa Kiislamu. Lakini kikosi cha Africa Corps, kikosi cha kijeshi kinachodhibitiwa na Kremlin, kilisema kitasalia katika nchi hiyo ya magharibi mwa Afrika.
Alipoulizwa hii ina maana gani kwa jukumu la Urusi barani Afrika, msemaji wa Kremlin Dmitry Peskov alisema: "Uwepo wa Urusi barani Afrika unaongezeka. Kwa kweli tunakusudia kukuza ushirikiano wetu na nchi za Kiafrika, tukizingatia kimsingi ushirikiano wa kiuchumi na uwekezaji.
"Hii pia ni pamoja na maeneo nyeti kama vile ulinzi na usalama. Katika suala hili, Urusi pia itaendelea maingiliano na ushirikiano na mataifa ya Afrika."
Kuongezeka zaidi kwa jukumu la usalama la Urusi katika sehemu za bara hilo, zikiwemo katika nchi kama vile Mali, Jamhuri ya Afrika ya Kati na Guinea ya Ikweta, kunatazamwa kwa wasiwasi na nchi za Magharibi, na kumekuja huku Ufaransa na Marekani zikiondolewa katika mataifa hayo.
Unaweza pia kusoma:
Chelsea yamsajili beki wa Strasbourg Sarr kwa £12m
Chanzo cha picha, Getty Images
Maelezo ya picha, Chelsea imemsajili beki Mamadou Sarr kutoka klabu washirika ya Strasbourg kwa £12m. Mfaransa huyo mwenye umri wa miaka 19 amesaini mkataba wa miaka minane na anastahili kucheza Kombe la Dunia la Vilabu mwezi huu nchini Marekani.
Vijana wa Enzo Maresca wataanza mchuano wao dhidi ya LAFC tarehe 16 Juni, kabla ya kukabiliana na Flamengo ya Brazil tarehe 20 Juni na kutinga hatua ya makundi dhidi ya mabingwa wa Tunisia ES Tunis tarehe 25 Juni.
Chelsea na Strasbourg walikubaliana makataba wa kumnunua Sarr mwezi Januari, kwa nia ya kukamilisha uhamisho huo msimu huu wa joto. Alicheza mechi 28 katika mashindano yote akiwa na Strasbourg msimu huu. Walimaliza katika nafasi ya saba kwenye Ligiue 1 ili kupata nafasi ya kufuzu kwa Conference League
Sawa na Chelsea, Strasbourg zinamilikiwa na Mmarekani Todd Boehly and Clearlake Capital chini ya kampuni ya BlueCo , na Sarr ni mchezaji wa kwanza kuhama baina ya klabu
Usajili huo ni wa nne kwa Chelsea msimu huu wa majira ya kiangazi, baada ya kuwasili kwa Liam Delap kwa £30m kutoka Ipswich Town, Estevao kutoka Palmeiras kwa £29m na Dario Essugo kutoka Sporting Lisbon kwa £18m.
Chaneli ya BBC kwa michezo inafahamu kwamba Chelsea inamuwinda winga wa Borussia Dortmund Jamie Gittens.
Winga Jadon Sancho aliondoka Chelsea mwishoni mwa msimu na kurejea Manchester United kufuatia mkataba wake wa mkopo.
Usiku mgumu kwa mkoa wa Ukraine: "shahid" kadhaa na roketi zaupiga
Chanzo cha picha, ANATOLIY POKHYLYUK
Usiku wa Juni 9, jimbo la Rivne lilipata shambulio kubwa - makumi ya ndege zisizo na rubani na makombora vimepigwa katika mkoa huo, pamoja na jiji la zamani la Dubno. Shambulio hilo liliendelea asubuhi - makombora ya hypersonic ya Kinzhal yalipigwa tena katika mkoa huo.
Wakati huo huo, takriban droni hamsini za Ukraine ziliipiga Urusi. Maafisa wakuu wa kikosi cha Ukraine wanaripoti kwamba walipiga kiwanda cha UAV na ndege za Urusi.
Jeshi la anga la Ukraine liliripoti kwamba wakati wa usiku, Warusi walianzisha mashambulizi katika maeneo 499 juu ya Ukraine: droni, makombora ya balestiki, na makombora yanayosafiri masafa ya aina ya Kh-31P, Kh-35.
Kulingana na data ya awali, makombora manne ya balistiki ya anga- aeroballistic ya Kinzhal, Kh-22 na Kh-35, makombora yanayosafiri masafa aina ya Kh-31P yalipigwa chini, na UAV 277 hazikusazwa.
Ni muhimu kwamba, kulingana na Jeshi la Anga na njia za ufuatiliaji, "Daggers" zote zilikuwa zikielekea Dubna, kwa hivyo inaweza kudhihirishwa kuwa makombora haya yalipigwa . Ni muundo wa PATRIOT na SAMP/T pekee ndio wenye uwezo wa kuziangusha.
Unaweza pia kusoma:
Bibi harusi wa Kihindi aliyetoweka akamatwa kwa madai ya kumuua mume wake wakiwa katika fungate
Chanzo cha picha, Raghuvanshi Family
Maelezo ya picha, Sonam na Raja Raghuvanshi walifunga ndoa tarehe 11 Mei Polisi nchini India wanasema mwanamke, ambaye alitoweka baada ya mumewe kupatikana ameuawa kikatili wakati wa fungate, yuko kizuizini baada ya kujisalimisha.
Familia za wanandoa hao zilidai kuwa bibi harusi pia alikuwa ameuawa au kutekwa nyara na kuandaa kampeni kubwa ya kumtafuta.
Polisi sasa wanadai kuwa Sonam Raghuvanshi, 25, alikodi wauaji kumuua mume wake Raja mwenye umri wa miaka 30 wakati wa safari yao kuelekea jimbo dogo la kaskazini-mashariki la Meghalaya. Wanaume wanne pia wamekamatwa.
Baba yake Sonam Devi Singh amemtetea bintiye akisema "hana hatia na hawezi kufanya hivi".
Wanandoa hao wapya kutoka mji wa Indore katika jimbo la kati la Madhya Pradesh walikuwa wamemchagua Meghalaya kwa ajili ya fungate yao kwa sababu walisikia kuwa lina "mabonde mazuri sana", kaka yake Raja Sachin Raghuvanshi aliiambia BBC mwishoni mwa juma, kabla ya kukamatwa kwa Sonam.
Wenzi hao walikuwa wamefunga ndoa tarehe 11 Mei huko Indore katika sherehe iliyobarikiwa na familia zao zote mbili.
Unaweza pia kusoma:
Marufuku ya kusafiri ya Trump inayozuia raia kutoka nchi 12 kuanza kutekelezwa
Chanzo cha picha, EPA
Maelezo ya picha, Donald Trump Marufuku mpya ya kusafiri ya Rais Donald Trump ambayo inazuia raia wa nchi 12 kuingia Marekani ilianza kutekelezwa saa 00:00 ET (05:00 BST) Jumatatu.
Agizo hilo ambalo Trump alitia saini wiki iliyopita, linawazuia raia wa Afghanistan, Myanmar, Chad, Congo-Brazzaville, Equatorial Guinea, Eritrea, Haiti, Iran, Libya, Somalia, Sudan na Yemen kuingia Marekani.
Raia kutoka nchi saba zaidi - Burundi, Cuba, Laos, Sierra Leone, Togo, Turkmenistan na Venezuela - watakabiliwa na vikwazo vya kusafiri.
Rais wa Marekani alisema orodha hiyo inaweza kurekebishwa ikiwa "maboresho ya nyenzo" yatafanywa, wakati nchi nyingine zinaweza kuongezwa iwapo"vitisho vitatokea kote duniani".
Ni mara ya pili kwa Trump kuamuru marufuku ya kusafiri kutoka nchi fulani. Alitia saini agizo kama hilo mnamo 2017 wakati wa muhula wake wa kwanza ofisini.
Ikulu ya White House ilisema "vizuizi hivyo " "vitalinda Wamarekani kutoka kwa wahalifu wa kigeni".
Katika video iliyotumwa kwenye tovuti yake ya Mtandao wa Truth and Social wiki jana, Trump alisema shambulio la hivi majuzi huko Boulder, Colorado "lilidhihirisha hatari kubwa" inayoletwa na raia wa kigeni ambao "hawajachunguzwa ipasavyo".
Watu 12 walijeruhiwa huko Colorado tarehe 1 Juni wakati mtu mmoja aliposhambulia kundi lililokuwa likiunga mkono mateka wa Israel.
FBI ililitaja hilo kuwa shambulizi linaloshukiwa kuwa la kigaidi na kusema kwamba mshukiwa alitumia kifaa cha kuwasha moto, vinywaji vya Molotov na vifaa vingine vya kuwasha.
Unaweza pia kusoma:
Marekani na China kukutana kwa mazungumzo ya kibiashara mjini London
Chanzo cha picha, Getty Images
Duru mpya ya mazungumzo yenye lengo la kusuluhisha vita vya kibiashara kati ya Marekani na China yatafanyika mjini London leo, siku ya Jumatatu.
Rais wa Marekani Donald Trump alitangaza Ijumaa kuwa wajumbe wakuu wa Marekani watakutana na wawakilishi wa China. Mwishoni mwa wiki, Beijing ilithibitisha kuwa Makamu wa Waziri Mkuu He Lifeng atahudhuria mazungumzo hayo.
Hilo limewadia baada ya Trump na kiongozi wa China Xi Jinping kufanya mazungumzo kwa njia ya simu wiki iliyopita, ambayo rais wa Marekani aliyataja kuwa "yenye tija".
Mwezi uliopita, mataifa hayo mawili yenye uchumi mkubwa duniani yaliafikiana makubaliano ya muda ya kupunguza ushuru wa bidhaa zinazouzwa kati yao, lakini tangu wakati huo nchi zote mbili zimeshutumiana kwa kukiuka makubaliano hayo.
Soma zaidi:
Iran yaongeza marufuku ya kutembea na mbwa
Chanzo cha picha, EPA
Maafisa wa Iran wameongeza marufuku ya kutembea kwa mbwa katika miji mingi nchini kote, wakitaja utulivu wa umma na wasiwasi wa afya na usalama.
Marufuku hiyo - ambayo inaakisi amri ya polisi ya 2019 iliyozuia mbwa kutembea katika mji mkuu, Tehran - imeongezwa kwa takriban miji mingine 18 katika wiki iliyopita.
Usafirishaji wa mbwa kwa magari pia umeharamishwa.
Umiliki wa mbwa haupendelewi nchini Iran tangu Mapinduzi ya Kiislamu ya 1979, huku mbwa wakichukuliwa kuwa "najisi" na mamlaka na kama ushawishi wa tamaduni za nchi za Magharibi.
Lakini licha ya hatua hizo umiliki wa mbwa unaongezeka, hasa miongoni mwa vijana, na unatazamwa kama aina ya uasi dhidi ya utawala wa Iran.
Maafisa wa polisi wasimamishwa kazi Kenya kwa kifo cha Albert Ojwang
Chanzo cha picha, Mtandao wa X
Huduma ya Kitaifa ya Polisi (NPS) nchini Kenya imewasimamisha kazi maafisa watano walioko katika kituo kikuu cha polisi mjini Nairobi kuhusiana na kifo cha Albert Omondi Ojwang ambaye aliaga dunia akiwa kizuizini.
Katika taarifa ya waandishi wa habari iliyotolewa Jumatatu, Juni 9, NPS ilithibitisha kusimamishwa kwa Afisa Mkuu wa Kituo cha Polisi, OCS, afisa aliyekuwa kazini usiku huo, afisa anayesimamia seli, na maafisa wote ambao walikuwa kazini usiku huo.
Inspekta Mkuu wa Polisi, Douglas Kanja, aliagiza kuchukuliwa kwa hatua hiyo kuruhusu uchunguzi ufanyike kwa ukamilifu, usio na upendeleo, na wa haraka juu ya suala hilo ambao unaongozwa na chombo huru cha kusimamia polisi nchini Kenya (IPOA).
" Huduma ya Kitaifa ya Polisi (NPS) bado imejitolea kuhakikisha utekelezaji wa sheria, haki za binadamu, uwazi, na uwajibikaji ndani ya huduma hii," alisema taarifa ya NPS.
IPOA imeanzisha uchunguzi kuhusu kifo Ojwang ambaye alikuwa amezuiliwa "kwa uchapishaji wa taarifa za uongo.
Babake Ojwang, Meshack Opiyo aliwaambia waandishi wa habari kuwa mwanaye alikamatwa kutokana na chapisho kwenye mtandao wa X katika mji wa magharibi wa Homa Bay na kisha kusafirishwa kilomita 350 hadi mji mkuu, Nairobi.
Awali, taarifa ya polisi ilieleza kuwa, "Akiwa kizuizini, mshukiwa alipata majeraha kichwani baada ya kujigonga kwenye ukuta wa seli," Alikimbizwa hospitalini "ambapo alitangazwa kuwa amefariki dunia".
Mkurugenzi wa shirika la kutetea haki za binadamu la Amnesty International tawi la Kenya aliiambia BBC kwamba kifo cha Bw Ojwang, aliyeelezwa kama mwalimu na mwanablogu, "kinatia shaka sana".
Amnesty ilisema katika taarifa yake kwamba kifo chake "kinaibua maswali mazito ambayo lazima yachunguzwe kwa haraka, kwa kina na kwa uhuru".
Haijabainika shtaka la "uchapishaji wa uwongo" lilirejelea nini, lakini Bw Opiyo aliambia tovuti ya mtandaoni ya Citizen Digital kwamba afisa wa polisi aliyemkamata alisema "Albert alikuwa amemtusi mtu mkuu kwenye mtadao wa X".
Akirejelea mazingira ya kukamatwa kwake, mkurugenzi wa Amnesty International Kenya, Irungu Houghton alisema ni jambo la kushangaza sana kwamba Bw Ojwang hakuwekwa katika kituo cha polisi cha eneo hilo baada ya kuzuiliwa, badala yake alichukuliwa kwa safari ndefu.
Wiki iliyopita, msanidi programu Rose Njeri - ambaye aliunda jukwaa la kusaidia watu kupinga muswada wa fedha wa serikali - alishtakiwa kwa kukiuka sheria ya uhalifu wa mtandaoni.
Pia unaweza kusoma:
Ureno yailaza Uhispania katika Ligi ya Maitafa Ulaya
Chanzo cha picha, Gett
Ureno iliwashinda majirani zao Uhispania kwa mikwaju ya penalti na kuibuka washindi katika fainali mjini Munich na kushinda taji lao la pili la Ligi ya Maitafa Ulaya.
Cristiano Ronaldo aliisawazishia Ureno kwa mabao 2-2 katika dakika ya 61, lakini hakukuwa na cha ziada wakati mwamuzi alipoashiria kumalizika kwa muda wa kawaida.
Akitolewa nje kabla ya muda wa ziada, nahodha wa Ureno Ronaldo alishuka uwanjani na kulia machozi ya furaha baada ya Ruben Neves kufunga penalti ya ushindi kufuatia Diogo Costa kuokoa mkwaju wa penalti wa Alvaro Morata.
Washindi wa 2023, Uhispania walikuwa wameanza kufunga dakika ya 21 wakati Martin Zubimendi alipofunga bao la kwanza baada ya Ureno kushindwa kufurukuta.
Hata hivyo uongozi wao ulidumu kwa muda mfupi huku Nuno Mendes akipiga shuti la chini chini na kumpita Unai Simon na kuingia kwenye kona ya mbali ya wavu dakika tano baadaye.
Mikel Oyarzabal, ambaye alifunga bao la ushindi dakika za lala salama katika fainali ya Ubingwa wa Ulaya msimu uliopita dhidi ya England, aliirejesha La Roja kwenye nafasi yake kabla ya kipindi cha mapumziko.
Lakini Ronaldo aliokoa Ureno alipomrukia Marc Cucurella na kufikia krosi iliyopanguliwa na Mendes na kuunganisha mpira wavuni kutoka eneo la karibu.
Goncalo Ramos, Vitinha, Bruno Fernandes na Nuno Mendes wote walipiga penalti zao kwa utulivu kabla ya juhudi za Morata kuzimwa na Costa.
Na Neves alipofunga mkwaju wa mwisho, Ureno ikawa timu ya kwanza kushinda mataji mawili ya Ligi ya Mataifa - na kuwanyima Uhispania, ambao walikuwa wakigombea fursa sawa.
Soma zaidi:
Maandamano yazidi kupamba moto kwa siku ya tatu huko Los Angeles
Chanzo cha picha, EPA
Maandamano yamezidi kupamba moto kwa siku ya tatu huko Los Angeles ambako waandamanaji wanaopinga sera za uhamiaji za Rais wa Marekani Donald Trump wamekabiliana na maafisa wa usalama.
Wanajeshi wa kikosi maalum waliotumwa na Rais Trump mjini humo licha ya pingamizi kutoka kwa Gavana wa jimbo la California na Meya wa mji wa Los Angeles, wametumia gesi ya kutoa machozi na risasi za mpira kukabiliana na waandamanaji hao.
Meya wa Los Angeles Karen Bass amesema machafuko katika jiji hilo "yaliyochochewa na utawala" huku Gavana wa California Gavin Newsom akisema kuwa uamuzi wa Donald Trump kupeleka Walinzi wa Kitaifa kwenye maandamano hayo ndio "uliozidisha" ghasia hizo.
Waandamanaji walikusanyika karibu na eneo ambapo maafisa wa Uhamiaji na Utekelezaji wa Forodha walifanya uvamizi siku ya Jumamosi, na kufunga barabara kuu kuu.
Democrats walitaja vitendo vya Trump kuwa "matumizi mabaya ya mamlaka ".
Ni mara ya kwanza kwa rais wa Marekani kupeleka Walinzi wa Kitaifa katika jimbo bila ombi kutoka kwa gavana wa eneo husika.
Rais wa Marekani Donald Trump ameonya kuwa kutakuwa na wanajeshi "kila mahali" ikiwa maandamano yataendelea, na kuongeza kuwa "hatutaacha nchi yetu isambaratike"
Israel yasema imetambua mwili wa kiongozi wa Mohammed Sinwar
Chanzo cha picha, IDF
Jeshi la Israel limesema limeupata na kuutambua mwili wa kiongozi wa Hamas Mohammed Sinwar, wiki tatu baada ya Israel kutangaza wamemuua katika shambulizi la angani.
Mwili wake uligunduliwa kwenye handaki chini ya Hospitali moja katika mji wa kusini wa Khan Younis, Jeshi la Ulinzi la Israel (IDF) lilisema Jumapili.
Taarifa kutoka Jeshi hilo imesema uchunguzi wa chembechembe za vinasaba DNA vimethibitisha kuwa ni mwili wa Sinwar - ingawa Hamas haijathibitisha hadharani kifo chake.
Sinwar, 49, aliuawa katika shambulizi la anga la Mei 13, ambalo shirika la ulinzi wa raia linaloendeshwa na Hamas lilisema liliua watu 28 na kujeruhi kadhaa.
Mwili wa Sinwar ulipatikana pamoja na ule wa Mohammad Sabaneh, kamanda wa Kikosi cha Hamas cha Rafah, IDF ilisema.
Iliongeza kuwa "vitu kadhaa vya Sinwar na Sabaneh vilipatikana, pamoja na matokeo ya ziada ya kijasusi ambayo yalikusanywa kwa uchunguzi zaidi".
IDF ilisema miili mingine ilipatikana, ambayo ilikuwa ikiendelea kuitambua.
Soma zaidi
Wanajeshi wa Israel waingia katika meli iliyobeba misaada - Wanaharakati
Chanzo cha picha, Freedom Flotilla Coalition
Wizara ya mambo ya kigeni ya Israel imesema meli iliyobeba wanaharakati waliokuwa wakijaribu kuingia ukanda wa Gaza imevutwa na wanajeshi wa majini baada ya kufanikiwa kuingia kwenye meli hiyo kwa jina Medleen.
Israel imesema hakuna aliyejeruhiwa katika operesheni ya kudhibiti chombo hicho ambacho kimepelekwa Israel na kuongeza kuwa waliokuwemo kwenye boti hiyo watarejeshwa kwenye nchi zao.
Wanaharakati waliokuwa ndani walithibitisha kuwa wanajeshi wa Israel wameingia kwenye meli hiyo iliyokuwa ikijaribu kupeleka misaada ya kibinadamu katika Ukanda wa Gaza, wakikaidi kizuizi cha Israel cha baharini.
"Mawasiliano yamepotea" kwenye meli Madleen, kundi la Freedom Flotilla Coalition (FFC) lilisema kwenye mtandao wa Telegram
Picha iliyochapishwa mtandaoni ilionyesha watu waliovalia jaketi za kuokoa maisha wakiwa wameketi huku wakiinua mikono yao juu.
Mwanaharakati wa hali ya hewa Greta Thunberg ni miongoni mwa wale waliokuwa ndani ya meli hiyo.
Soma zaidi:
Hujambo na karibu katika matangazo yetu mubashara ikiwa ni tarehe 09/06/2025
