Mwanamke amzalia mwanawe mtoto kwa kubeba mimba kwa niaba yake

Mwanamke wa miaka 61, mkaazi wa jimbo la Nebraska nchiniMarekani ameelezea furaha yake kwa kufanikiwa kujifungua mjukuu wake mwenyewe baada ya kubeba mimba kwa niaba ya mwanawe wa kiume ambaye yuko katika uhusiano wapenzi wa jinsia moja.

Cecile Eledge aliyebeba ujauzito wa mjukuu wake kwa niaba ya mwanawe Matthew Eledge na mume wake Elliot Dougherty alijifungua mtoto wa kike anayeitwa Uma Louise wiki iliyopita.

Bi Eledge anasema alitoa pendekezo hilo baada ya mwanawe na mume wake Dougherty kugusia nia yao ya kuanzisha familia.

"Kwanza wote walinicheka sana kwa kutoa wazo hilo," Bi Eledge aliiambia BBC.

Wakati huo Bi. Eledge, anasema alikuwa na miaka 59, na pendekezo lake lilichukuliwa kama utani na baadhi ya watu wa familia yake.

Lakini wakati wanandoa hao, Matthew Eledge na Elliot Dougherty ambao wanaishi Omaha walipokubaliana na Bi Eledge na mume wake, walianza kutafakari kuhusu mbinu tofauti za kupata mtoto kama waliyopendekezewa na mtaalamu wa masuala ya uzazi.

Bi Cecile Eledge, alihojiwa na ufanyiwa msururu wa uchunguzi wa kimatibabu, na kila kitu kiliashiria kuwa anaweza kubeba ujauzito.

Kwa kuwa mwanawe Mathew Eledge alikuwa na uwezo wa kupeana manii, dada yake Dougherty alisaidia kupatikana kwa yai la mwanamke.

Bw. Dougherty, ambaye anafanya kazi ya saluni, alisema kupata mtoto kupitia mfumo wa kisayansi unaofahamika kama IVF "ndio matumaini pekee" ya kupata mtoto wao.

"Tulitaka kuwa tofauti ndio maana tukaamua kutumia mbinu hiyo," alisema Bw. Eledge, ambaye ni mwalimu wa shule ya umma.

Bw. Dougherty, ambaye anafanya kazi ya saluni, alisema kupata mtoto kupitia mfumo wa kisayansi unaofahamika kama IVF "ndio matumaini pekee" ya kupata mtoto wao.

"Tulitaka kuwa tofauti ndio maana tukaamua kutumia mbinu hiyo," alisema Bw. Eledge, ambaye ni mwalimu wa shule ya umma.

Mama Cecile Eledge anasema ujauzito wake uhaukuletea matatizo yoyote tofauti na dalili anayopata mwanamke mjamzito.

Bi Eledge pia alisema kuwa katika kipindi cha ujauzito ulikuwa ''mzuri'' akilinganisha na mimba mbili za kwanza alizobeba.

"Kila aliyepata taswira ya hatua yake alimuunga mkono na kusaidia kimawazo," alisema.

Bi Eledge anasema wanandoa Mathew Eledge na Dougherty walikuwa na furaha sana. ''walikuwa hawasemi jambo lingine lolote isipokuwa ni lina nitajifungua mtoto wao,"

Lakini ujauzito huo ulifichua visa vikali vya unyanyapaa dhidi ya wapenzi wa jinsia moja katika jimbo la Nebraska nchini Marekani.

Japo ndoa ya wapenzi wa jinsia moja imehalalishwa katika jimbo hilo tangu mwaka 2015, Nebraska haina sheria inayolinda uhusiano wa aina hiyo.

Mathew Eledge aligonga vichwa vya habari miaka minne iliyopita alipofutwa kazi katika shule ya upili ya Skutt Catholic baada ya kuwaarifu wasimamizi wake kuhusu mpango wa kufunga ndoa na mpezi wake wa jinsia moja Bw. Dougherty.

Taarifa hiyo ilizua mjadala mkali katika jamii yake katika hatua ambayo iliwafanya wanafuzi wa sasa na wa zamazi wa shule hiyo kuzindua kampeini katika mitandao wa kijamii kupinga unyanyapaa dhidi ya wapenzi wa jinsia moja "Komesha unyanyapaa dhidi ya Bw. Eledge na watu wengine kama yeye".

Kampeini hiyo ambayo sasa imefungwa iliungwa mkono na watu 102,995.

Familia, ya Bi Eledge inasema kuwa iliamua kuelezea kisa chao kama sehemu ya kukabiliana na ''chuki'' dhidi ya wapenzi wa jinsia moja na familia zao kuonesha "kuna matumaini ya wao kuishi maisha ya kawaida" kama familia zingine.

"Binafsi nimeamua kutotilia maanani wanachokisema watu kuhusu ndoa yetu,"alisema Bw. Eledge.

"Mwisho wa siku tuna familia, tuna marafiki na jamii kubwa inayotujali."

Wiki moja baada ya mtoto Uma kuzaliwa ,Bi Eledge anasema yeye na mjukuu wake wako salama.

"Huyu mtoto atakuwa katika mazingira ya upendo," alisema bi Eledge.

"Hivi ndivyo ilivyojaaliwa kuwa."