Kimya cha Korea Kaskazini kuhusu mwanajeshi wa Marekani aliyevuka mpaka

Korea Kaskazini yaamua kukaa kimya.

Nchi ya bara Asia haijibu majaribio ya kujadili kuachiliwa kwa mwanajeshi wa Marekani ambaye alivuka mpaka wake siku ya Jumanne, mamlaka ya Washington inasema.

Msemaji wa diplomasia ya nchi hiyo ya Amerika Kaskazini alionesha kuwa Pentagon iliwasiliana na serikali ya Korea Kaskazini, lakini mawasiliano "bado hayajajibiwa."

Mahali alipo mwanajeshi Travis King au hatima aliyoipata alipopitia Eneo lisilo na Jeshi (DMZ) ambalo linagawanya Korea mbili hazijulikani.

Tukio hili linakuja katika wakati wa mvutano hasa kwa Korea Kaskazini, ikizingatiwa kwamba uhusiano wake na Marekani umeporomoka katika miaka ya hivi karibuni, baada ya majaribio ya mfululizo yaliyofanywa na serikali ya Kim Jong-un na makumi ya makombora ya masafa marefu yenye uwezo wa kubeba vichwa vya nyuklia.

Katika ushauri wake wa usafiri, Marekani inawaambia raia wake kuepuka kutembelea Korea Kaskazini, mojawapo ya maeneo yaliyotengwa zaidi duniani, kwa sababu ya "hatari inayoendelea ya kukamatwa" na "tishio la kuwekwa kizuizini bila makosa."

Haijabainika ikiwa King aliasi au alitarajia kurejea kutoka Korea Kaskazini.

Wataalamu wanasema kumbakisha King, mwanajeshi wa cheo cha chini, hakutakuwa na propaganda za kimkakati au thamani ya kijasusi kwa Korea Kaskazini.

Ukosefu wa kielelezo hufanya iwe vigumu kutabiri hatua zinazofuata za Pyongyang: Imepita miongo kadhaa tangu mwanajeshi wa Marekani alipoondoka nchini humo.

Ukweli kwamba Korea Kaskazini haijibu majaribio ya Marekani ya kuwasiliana inaongeza hali ya sintofahamu.

Ilinibidi kwenda hadi Marekani

King alitarajiwa kurejea Marekani siku chache zilizopita kutoka Korea Kusini alikokuwa akiishi ili kukabiliwa na hatua za kinidhamu.

Lakini kijana huyo mwenye umri wa miaka 23 hakupanda ndege na alitenganishwa na wasindikizaji wake wa kijeshi katika uwanja wa ndege wa Incheon karibu na Seoul siku ya Jumanne. Badala yake, alianza safari ya kitalii mpakani, haijulikani aliifanyaje.

Maafisa wa ulinzi wa Marekani walisema mwanajeshi huyo "kwa makusudi" alivuka kaskazini kupitia mojawapo ya maeneo yenye ngome nyingi zaidi duniani.

DMZ imetenganisha nchi hizo mbili tangu Vita vya Korea katika miaka ya 1950, ambapo Marekani iliunga mkono Kusini.

Vita hivyo viliisha kwa kusitisha mapigano, ikimaanisha kuwa pande hizo mbili bado ziko vitani kiufundi. Makumi ya maelfu ya wanajeshi wa Marekani wamesalia Korea Kusini.

Mustakabali wa King

Pyongyang inaweza kumtumia King kama chombo cha propaganda dhidi ya jeshi la Marekani, alisema James Fretwell, mchambuzi wa Seoul wa tovuti maalum ya NK News.

"King anaweza kuonekana katika vyombo vya habari vya serikali ya Korea Kaskazini wakati fulani katika siku za usoni. Lakini mengi inategemea muda gani kuhojiwa kwake hudumu, na pengine kutengwa kwake kutokana na covid-19," aliongeza.

Korea Kaskazini bado inadumisha kizuizi kikali cha mpaka ili kukabiliana na janga hilo.

Lakini Jenny Town, mkurugenzi wa Mpango wa 38 Kaskazini wa Kituo cha Stimson, anaamini kuwa King's "sio hadithi bora sana au ya kushawishi ya askari."

"Muda mrefu uliopita pia kulikuwa na kesi za wanajeshi wa Marekani kutoroka na kuruhusiwa kukaa... Lakini katika kesi hizo, [hadithi zao] zilikuwa na thamani ya kisiasa na ulikuwa ni wakati tofauti sana, na kiongozi tofauti," alisema.

Wakati huo huo, nyuma ya pazia, wanadiplomasia na maafisa wa kijeshi wanajaribu sana kuzungumza na Wakorea Kaskazini ili kujua nini kinaendelea.

Msemaji wa Wizara ya Mambo ya Nje ya Marekani Matthew Miller alisema Marekani haina uhusiano wa kidiplomasia na Korea Kaskazini, lakini njia nyingine za kuwasiliana.

Aliongeza kuwa maafisa hao walikuwa wakitangamana na wenzao wa Korea Kusini na Uswidi kupata habari kuhusu mwanajeshi huyo.

Kwa kuwa nchi hizo mbili hazina uhusiano wa kidiplomasia, ubalozi wa Uswidi huko Pyongyang huwa unafanya mazungumzo kwa niaba ya Marekani. Hivi sasa wafanyakazi wake wa kidiplomasia hawako nchini kwa sababu ya kufungwa kwa mipaka kwa sababu ya janga la corona.

Kamandi ya Umoja wa Mataifa, ambayo inasimamia eneo la mpaka, na jeshi la Korea Kusini wana simu za dharura na jeshi la Korea Kaskazini, ambalo wanaita kila siku, ingawa Wakorea Kaskazini huwa hawajibu kila wakati.

Katika miaka ya hivi karibuni, idadi ya raia wa Marekani ambao waliingia Korea Kaskazini kinyume cha sheria, ukiondoa wale waliopatikana na hatia ya uhalifu huko, wameachiliwa ndani ya miezi sita.

"Kwa Pyongyang, inaleta maana kutafuta njia ya kupata fidia na kisha kumfukuza Mmarekani kwa kuingia bila kibali," alisema Leif-Eric Easley, profesa wa masomo ya kimataifa katika Chuo Kikuu cha Wanawake cha Ewha huko Seoul.

"Katika hali nzuri zaidi, askari wa Marekani atarudi nyumbani salama kwa gharama ya ushindi wa propaganda kwa Pyongyang, na maafisa wa Marekani na Korea Kaskazini wanaweza kupata fursa ya kuanza tena mazungumzo na mawasiliano ambayo yamekwama wakati wa janga."