Oscar Pistorius: Nini kitakachofuata kwa baada ya kuachiwa?

Mchezaji nyota wa zamani Oscar Pistorius anaweza kuwa muuaji maarufu zaidi duniani.

Bingwa huyo wa zamani wa Olimpiki ya walemavu ataondoka gerezani nchini Afrika Kusini siku ya Ijumaa kwa msamaha, baada ya kutumikia nusu ya kifungo chake cha zaidi ya miaka 13 kwa kumuua mpenzi wake Reeva Steenkamp siku ya wapendanao 2013.

Panda shika za kesi yake karibu muongo mmoja uliopita ilivutia hisia ya taifa - na kuachiliwa kwake ni tukio kubwa la habari hapa Afrika Kusini na duniani kote.

Mwanariadha huyo aliyekatwa viungo mara mbili alishinda medali sita za dhahabu dhidi ya Michezo mitatu ya Walemavu na aliweka historia mwaka wa 2012 kwa kuwa mwanariadha wa kwanza aliyekatwa viungo kushiriki katika Michezo ya Olimpiki, jijini London.

Lakini Pistorius sasa anajulikana kama muuaji aliyepatikana na hatia.

Yeye si mtu mashuhuri anayetafuta kurudi tena baada ya kujiondoa kwenye michezo ili kushughulikia changamoto za kibinafsi maishani.

Kazi yake kama mwanariadha imekwisha. Bidhaa hazitataka kumfadhili. Hatatumiwa kama mchambuzi wa michezo.

Mchezaji huyo mwenye umri wa miaka 37, ambaye mara moja alipewa jina la "Blade Runner", anasemekana kuwa na sura tofauti sana na wanariadha wanaokumbuka.

Adhabu yake itaisha mwaka 2029. Hadi wakati huo, atakuwa chini ya masharti na anaweza kurudishwa gerezani ikiwa atayakiuka.

Mahitaji ni pamoja na kuwa nyumbani kwa nyakati zilizowekwa kila siku, kuhudhuria programu za lazima, na kutoruhusiwa kutumia pombe au dawa zilizopigwa marufuku.

Kama watu wengine walioachiwa huru kwa msamaha nchini Afrika Kusini, hataruhusiwa kufanya mahojiano na vyombo vya habari.

Lakini hadhi yake imefanya kuachiwa kwake kuonekana kutokuwa wa kawaida.

Katika siku za hivi karibuni, mijadala mingi ya umma na maoni imesisitiza haja ya kuzingatia waathiriwa wa uhalifu, badala ya wahalifu.

Kwa kawaida, mtu anapopatikana na hatia ya mauaji baada ya kesi, maelezo ya muuaji - ambayo inaweza kuwa ya kufadhaisha sana familia ya mwathiriwa - kwa kawaida hufifia, na muuaji mara nyingi hupotelea gerezani kwa miongo kadhaa.

Katika kesi hii muuaji ni maarufu duniani na ameachiliwa akiwa bado na umri wa miaka 30, baada ya kuhudumia kifungo kisichozidi miaka minane.

Maisha ya Bi Steenkamp, ​​mhitimu wa sheria na mwanamitindo aliyekuwa akifanya vyema, yalikatizwa akiwa na umri wa miaka 29.

Marufuku ya mahojiano ya vyombo vya habari kwa Pistorius hatimaye itakwisha na kisha atakuwa huru kuzungumza. Umaarufu wake unamaanisha atapata jukwaa la kijieleza.

Gwyn Guscott, rafiki wa karibu wa Bi Steenkamp, ​​anasema "kila wakati tunapoanza mchakato wa kukubali kilichotokea, jina la Oscar huibuka".

Anatabiri kwamba hatimaye atatafuta kutumia vyombo vya habari ili kueleza upande wake wa matukio.

"Yeye akijitokeza na kuzungumza hadharani, na ikiwezekana, anaweza kuchochea hisia zetu kwa njia mbaya, katika hali ambayo itafufua yaliyopita."

Mamake Bi Steenkamp, ​​June, amesema haamini kuwa Pistorius alikuwa amerekebishwa wala haamini hadithi yake akidai kwamba alidhani binti yake alikuwa mvamizi usiku ambao alimpiga risasi.

Lakini siku ya kuachiliwa kwake alisema kuwa yeye na marehemu mume wake, Barry, walikubali kwamba msamaha ulikuwa sehemu ya mfumo wa haki wa Afrika Kusini, ingawa hawakuwahi kukubaliana na kifo cha binti yao.

"Masharti yaliyowekwa na bodi ya parole, ambayo ni pamoja na kozi za udhibiti wa hasira na programu juu ya unyanyasaji wa kijinsia, yanatoa ujumbe wazi kwamba unyanyasaji wa kijinsia unachukuliwa kwa uzito," taarifa yake ilisema.

"Je, haki imetendeka kwa Reeva? Je, Oscar ametumikia muda wa kutosha? Hakuwezi kuwa na haki ikiwa mpendwa wako hatarudi tena, na hakuna muda uliotumika ambao utamrudisha Reeva. Sisi tuliobaki nyuma ndio tunatumikia kifungo kifungo cha maisha."

Kuachiliwa kwa Pistorius kunaweza kuunda kwa utangazaji wa siku zijazo kwake haitakaribishwa na familia ya Steenkamp.

"Hamu yangu pekee ni kwamba nitaruhusiwa kuishi miaka yangu ya mwisho kwa amani na umakini wangu ukisalia kwenye Wakfu wa Reeva Rebecca Steenkamp, ​​ili kuendeleza urithi wa Reeva," June Steenkamp alisema.

Nchini Afrika Kusini, unasikia maoni tofauti kuhusu kesi hiyo, huku watu katika kumbi za kijamii au familia zikitoa maoni tofauti juu ya hatia yake.

Wengine wamesahau alihukumiwa kwa kosa mauaji licha ya kwamba alikatarufaa, bado wanakikumbuka hukumu ya awali ya kuua bila kukusudia.

Chini ya sheria ya Afrika Kusini, wahalifu wote wana haki ya kuzingatiwa kwa msamaha mara tu watakapokuwa wametumikia nusu ya kifungo chao chote.

Lakini Bulelwa Adonis, wa kikundi cha kutetea haki za wanawakecha Women for Change cha Afrika Kusini, anasema kuachiwa kwake mapema kunaonyesha "ukawaida linapokuja suala la mahasimu, inapokuja kwa mtu yeyote ambaye anafanya aina yoyote ya mauaji ya wanawake au unyanyasaji wa kijinsia".

Anahisi kwamba wakati mmoja alikuwa shujaa wa kitaifa bado ana uwezo wa kubadilisha mitizamo ya watu wengine.

"Nadhani ni wakati umewadia wa sisi kujipa changamoto kumtambua mtu huyu kwa yale ambayo wamefanya," Bi Adonis anasema.

Kwa Bi Guscott msimamo uko wazi. Tangu rafiki yake Reeva Steenkamp "auawe kikatili" mwaka wa 2013, "hajapata sekunde moja ya kupumzika kwa amani ipasavyo".