Mauaji ya kiongozi wa Hamas yanazusha hofu kubwa ya vita

Kivuli kilichozagaa katika kanda yote ya Mashariki ya Kati na hata zaidi ya hapo tangu kuzuka kwa vita vya Israel na Gaza, sasa ni kirefu na cheusi zaidi kufuatia kuuawa kwa kiongozi mwandamizi wa Hamas Saleh al Arouri nchini Lebanon

Arouri, naibu kiongozi wa kisiasa wa Hamas, aliuawa katika shambulio la ndege zisizo na rubani kusini mwa Beirut. Alikuwa kiungo muhimu katika kikosi cha Izzedine al-Qassam, mrengo wenye silaha wa Hamas, na mshirika wa karibu wa Ismail Haniyeh, kiongozi wa Hamas. Alikuwa Lebanon akiwa kama daraja kati ya kundi lake na Hezbollah.

Hata kabla ya vita vya Oktoba 7 kuzuka, kiongozi wa Hezbollah wa Lebanon Hassan Nasrallah alikuwa ameonya kwamba shambulio lolote litakalofanywa ndani ardhi ya Lebanon lingejibiwa "kwa nguvu".

Lakini Hezbollah na washirika wake wa Iran sasa huenda wanajua aina ya jibu lao, huku hali uhasama ukizidi kuwa mbaya, inaweza kubadilisha sura ya vita hivi.

Haikuwa siri ilikuwa ni suala la muda tu kabla ya viongozi wa Hamas nje ya Gaza kulengwa.

Israel "itaendesha operesheni dhidi ya viongozi wa Hamas popote walipo". Hilo lilikuwa onyo la Waziri Mkuu Benjamin Netanyahu mnamo Novemba.

Miezi kadhaa kabla, ilimtaja Arouri kwa uwazi. Naibu kiongozi wa Hamas pia alikuwa kwenye orodha ya ugaidi nchini Marekani huku zawadi ya dola milioni tano ikitangazwa kama zawadi kwa yeyote atakayetoa taarifa zitakazosaidia kukamatwa kwake tangu 2018.

Israel haijathibitishi au kukana mauaji, lakini mzozo huu mrefu ni historia ya mauaji yaliyolengwa. Pia ni historia ya kulipiza kisasi na kulipiza kisasi.

Israel sasa itajiandaa kulipiza kisasi. Kuna wito wa wazi kutoka kwa viongozi wa Hamas na washirika wao, kutoka mitaa ya Ukingo wa Magharibi unaokaliwa na kwingineko.

Hezbollah na Hamas watahitaji kuchukua hatua, ili kuonekana wanafanya kitu.

Kauli ya kwanza iliyotolewa na Hezbollah ni kuwa na subira.

Kabla ya hapo, kundi hili la kijeshi na la kisiasa lenye silaha za kutosha lilikuwa limejaribu kujihusisha na vita vya maneno, pamoja na mashambulizi machache katika mpaka wake wa kusini na Israeli ili kuepuka kuivuta Lebanon katika mgogoro mwingine wa gharama kubwa.

Mauaji ya afisa wa Hamas ambaye alikuwa kiungo muhimu kwa Hezbollah na Iran, katika moja ya ngome zake katika vitongoji vya kusini mwa Beirut, yamevuruga mahesabu yake. Lakini huenda ikavutia mashambulizi ya muda mfupi, ukilinganisha na mbinu yake ya muda mrefu zaidi.

Uungwaji mkono wake kwenye mpaka wa kusini wa Lebanon ni mkubwa. Lakini, huko Beirut na kwingineko, kumbukumbu za vita vya mwaka 2006 kati ya Israel-Lebanon bado ingalipo katika nchi ambayo sasa inakabiliwa na migogoro mingi iliyojitengenezea yenyewe.

Pia sio siri kwamba shakhsia waandamizi wa Israel kwa muda mrefu wamekuwa wakishinikiza kuongeza fursa hii ili kutokomeza vitisho vya Hezbollah kwa jamii zake za kaskazini.

Kulipiza kisasi

Uhasama katika upande huu hadi sasa umedumishwa - lakini umedhibitiwa - kwani vikosi vya Israel vimeenea kote Gaza na Ukingo wa Magharibi.

Mshirika mkubwa wa Israel, Marekani, pia ameonya mara kwa mara dhidi ya kuelekeza vita kwakundi la Hezbollah, jambo ambalo linaweza kuleta maafa makubwa.

Mgogoro huu mpya uliochochewa na kuuawa kwa Arouri na wengine sita, wakiwemo makamanda wawili wa jeshi la Hamas, umekuja wakati mvutano ukiongezeka katika nyanja nyingine, ikiwa ni pamoja na njia muhimu za meli za Bahari Nyekundu ambapo Wahouthi wanaoungwa mkono na Iran wamekuwa wakishambulia meli wanazosema ni. kuhusishwa na Israeli.

Waziri wa Ulinzi wa Israel Yoav Gallant hivi majuzi alizungumza kuhusu kumbi saba za sinema kutoka ambapo Israel ilikuwa inashambuliwa, zikiwemo Yemen, Lebanon, Syria na Iraq.

Sasa kuna sauti kubwa zaidi ya wito wa kujizuia, kutoka miji mikuu ya Magharibi hadi kwa wanasiasa wa Lebanon na walinda amani wa Umoja wa Mataifa huko, huku kukiwa na wasiwasi unaoongezeka wa vita vikubwa zaidi.

Lakini Israel imeweka bayana mpango wake kuanzia mwanzo.

Lengo lake la vita ni "kuangamiza Hamas". Hiyo ina kuharibu miundombinu yake, viongozi wa kijeshi na kisiasa, na fedha.

Ni karibu miezi mitatu sasa, inakiri kwamba kufikia lengo hilo sio rahisi kwani itawachukuwa muda.

Mahasimu wa Israel, pamoja na marafiki, wanahoji iwapo Hamas inaweza kuangamizwa kwa nguvu za kijeshi na operesheni inayosababisha idadi kubwa ya vifo vya raia, na maafa makubwa ya kibinadamu,

Wapangaji wa mauaji ya Hamas ya tarehe 7 Oktoba kusini mwa Israel, akiwemo Yahya Sinwar, bado wanaaminika kujificha mahali mjini Gaza licha ya msako mkali wa Israel.

Kifo cha Arouri nchini Lebanon kitaelekeza akdarubini nchini Uturuki na Qatar, ambako viongozi wa Hamas pia wamejikita, wakiamini wako salama zaidi katika mataifa hayo.

Hatua hii ya hivi punde pia itawaathiri familia za Waisraeli ambao wapendwa wao bado wanazuiliwa mateka mahali huko Gaza.

Athari ya kwanza ya mauaji haya imekuwa kusitishwa kwa mazungumzo yasiyo ya moja kwa moja mjini Cairo kuhusu ubadilishanaji mwingine wa mateka kwa Wapalestina waliofungwa katika jela za Israel.

Waziri Mkuu Benjamin Netanyahu anaendelea kusisitiza ni "shinikizo pekee litafanya kazi".

Israel sasa imefanya hali kuwa ngumu zaidi.

Imetafsiriwa na Ambia Hirsi