Jinsi bakteria kwenye uke wanavyoweza kuboresha afya yako

Microbiome ukeni mara nyingi haizingatiwi sana ukilinganisha na maikrobaiomu ya utumbo, lakini microbiome yenye usawa wa bakteria katika uke inaweza kusaidia kulinda afya ya jumla ya mwili wa binadamu.

Ndani ya uke kuna mfumo wa ikolojia dhaifu, unaoundwa na maelfu ya aina tofauti za bakteria, kuvu na virusi vinavyosongana pamoja, wakishindana kwa virutubisho na nafasi.

Baadhi ya wadudu wanaoishi kwenye uke wanaweza kuchukua jukumu chanya kwa kushangaza katika ustawi mpana - kutoka kwa kuzuia magonjwa hadi kuboresha matokeo ya ujauzito.

Wakati bakteria wanaojulikana kama Lactobacillus wanapokuwa wengi, hatari ya utasa, kuharibika kwa mimba, kuzaliwa kwa watoto njiti na hata saratani ya shingo ya kizazi hupungua.

Wanasayansi sasa wako mbioni kuendeleza vipimo vya uchunguzi na matibabu ili kudhibiti vyema vijidudu hivi muhimu.

Ikigunduliwa, enzi hii mpya ya matibabu ya kibinafsi inaweza kuleta mapinduzi katika huduma ya afya ya uzazi.

Kwa hivyo ni jinsi gani hasa mikrobaiomu ya uke inatabiri afya - na nini kinaweza kufanywa ili kuilinda?

Jinsi microbiome ya uke inavyoathiri afya

Utotoni, A microbiome ukeni huongozwa na bakteria wanaopendelea mazingira yenye oksijeni chache (anaerobic microbes).

Lakini ongezeko la estrojeni wakati wa ujana huunda mazingira bora kwa familia nyingine ya bakteria inayoitwa Lactobacillus.

Lactobacillus inaonekana kuwa na manufaa makubwa kwa afya. Wakiwa kwa wingi:

Chrysi Sergaki, Mkuu wa A microbiome katika Shirika la Udhibiti wa Dawa na Bidhaa za Afya la Uingereza (MHRA) anasema:

"Wanakusanya vimelea vya magonjwa, wakishindana nao kwa ajili ya virutubisho na nafasi,"Pia wanaweza kudhibiti kinga ya eneo hilo na kutoa kuua vijasumu asilia – kwa hivyo wanaweza kuua bakteria wengine wanaojaribu kuingia."

Lactobacillus pia huzalisha asidi ya maziwa yaliyochachishwa, ambayo hufanya uke kuwa makazi yasiopendelea kukaribisha vimelea vya magonjwa.

"Inafanya mazingira kuwa adui wa vijidudu hatari, kwa hivyo vijidudu havithubutu kuja huko," anasema Sergaki. "

Kipande kingine ni kwamba, ikiwa microbiome ya uke inaposumbuliwa na kupotea kwa Lactobacillus – hali inayoitwa vaginal dysbiosis – basi maambukizi ya kawaida ya uke yanayosababishwa na kukosekana kwa usawa katika uke, ambapo kuna ukuaji wa bakteria hatari na kupungua kwa bakteria yenye manufaa inayoitwa lactobacilli almaarufu bacterial vaginosis (BV), ugonjwa wa kuvimba ndani kwa ndani mwilini, na UTI yanakuwa rahisi kutokea.

Wanawake wanaofanya mapenzi mara kwa mara na hawana Lactobacillus, wanakuwa hatarini zaidi kupata magonjwa ya zinaa, ikiwa ni pamoja na HIV.

"Mjini Cape Town nchini Afrika Kusini, kiwango cha VVU ni kati ya 20-30%, na bado baadhi ya wafanyabiashara ya ngono wanaonekana kupata bahati na kuepuka maambukizi," anasema Laura Goodfellow, mhadhiri wa kliniki wa afya ya wanawake na watoto katika Chuo Kikuu cha Liverpool, Uingereza.

"Kuna uwezekano mkubwa wa kupata HIV kama mfanyakazi wa ngono Afrika ukiwa na kiwango kidogo cha Lactobacillus."

Wanawake wenye Lactobacillus kidogo pia wako hatarini zaidi kupata HPV, virusi vinavyosababisha saratani za kizazi, na uke.

Dysbiosis huongeza muda wa kuondoa maambukizi ya HPV na hatari ya maambukizi kuwa saratani ya kizazi.

Mikrobiomu na ujauzito

Microbiome ya uke pia huathiri uwezekano wa kupata mimba na kubeba mtoto hadi mwisho.

Wanawake wenye Lactobacillus kidogo:

Goodfellow anasema:

"Siyo sababu pekee ya kujifungua kabla ya wakati, na wengi wenye dysbiosis huzaa kwa wakati, lakini hatari hupanda kidogo."

Bakteria mwingine wa manufaa, Bifidobacterium, husaidia kupunguza hatari ya uzazi wa mapema, ingawa ipo kwa kiwango kidogo (chini ya 5% ya wanawake).

Tafiti pia zinaonyesha kwamba dysbiosis inaweza kupunguza uwezekano wa mafanikio ya IVF (teknolojia ya usaidizi wa uzazi (ART) ambapo yai na manii hutungishwa katika maabara, na kiinitete kinachotokea huhamishiwa kwenye uterasi ya mwanamke).

Uvimbe mwilini (inflammation) unaosababishwa na dysbiosis unaweza kuchangia hatari hizi za ujauzito.

Kiasi fulani cha uvimbe katika mwili ni muhimu kwa ajili ya kuishi, lakini ikiwa nyingi inaweza kusababishia watu ugonjwa wa moyo, kisukari, unene na kupoteza kumbukumbu.

Kuvimba katika uke, kondo la nyuma, au mtoto anayekua kunaweza kusababisha kuzaliwa kabla ya wakati au kuharibika kwa mimba, au kufanya uwezekano mdogo wa mwanamke kushika mimba.

Lactobacillus husaidia kupunguza protini zinazohusiana na uvimbe, na hivyo kuimarisha afya ya uke na uwezekano wa ujauzito.

Microbiome na magonjwa ya zinaa

Magonjwa ya zinaa kama klamidia, kisonono, Kaswende, zinaweza kuongeza hatari ya:

Lactobacillus huzuia bakteria hatari kwa kushindana nao, hivyo kuwalinda wanawake. Sergaki anasema:

"Kuwa na microbiome nzuri kunasaidia kuzuia bakteria ya ukeni, na hivyo pia kupunguza hatari ya uzazi wa mapema."

Enzi mpya ya tiba za kibinafsi

Wanasayansi wanajaribu kuboresha matokeo ya ujauzito kwa kubadilisha mikrobiomu ya uke, kuongeza Lactobacillus, Bifidobacterium, na bakteria wengine wenye manufaa.

Timu hiyo pia ilitambua uhusiano kati ya aina ya damu ya mwanamke mjamzito na hatari yake ya kujifungua kabla ya wakati.

Kwa mfano, utafiti uligundua kuwa vikundi vya damu B na O vilihusishwa na hatari kubwa ya kujifungua kabla ya wakati, wakati kundi la damu A lilihusishwa na hatari ndogo.

Watafiti wanaamini hii ni kwa sababu wanawake walio na kundi la damu A wana uwezekano mkubwa wa kubeba viwango vya juu vya Lactobacillus crispatus yenye manufaa.

Jaribio la kliniki la Imperial College London linalojaribu Lactin-V, probiotic yenye bakteria hai Lactobacillus crispatus, linaangalia kama linaweza kupunguza idadi ya wanawake wanaojifungua kabla ya wakati.

Kwingineko, wanasayansi nchini Marekani, Uingereza na Afrika Kusini wanachunguza kama Lactin-V inaweza kuwalinda wanawake walio katika hatari kubwa ya kupata VVU.

Sergaki na Goodfellow pia ni sehemu ya muungano wa watafiti wanaotetea uundaji wa zana za uchunguzi wa msingi wa mikrobiomu.

Kinadharia, zana hizo zinaweza kusoma kwa haraka na bila uvamizi "alama ya vidole" ya kipekee ya uke ya mwanamke na kisha kuitumia kutabiri hatari yake ya kuharibika kwa mimba, kujifungua kabla ya wakati, utasa au saratani ya shingo ya kizazi.

Hii inaweza kusababisha utambuzi wa mapema, na uzuiaji mzuri zaidi wa hali, lakini pia matibabu ya kibinafsi.

"Ninavutiwa sana na jinsi tunaweza kuleta sayansi hii ya kisasa karibu na wagonjwa wetu, haraka na salama," anasema Sergaki.

"Tayari tunajua kutoka kwa mikrobiomu ya utumbo kwamba kuna bakteria ambazo zinahusishwa na hali fulani za ugonjwa. Na sasa tunapata kwamba hii pia inatokea kwa microbiome ya uke."

Mfano mmoja ambapo hii tayari imeingia kwenye uchunguzi ni kupima kiwango cha maambukizi ya virusi vya HPV wakati wa vipimo vya kuangalia mabadiliko yasiyo ya kawaida ya seli kwenye shingo ya kizazi ambayo yanaweza kusababisha au kuashiria saratani ya shingo ya kizazi, badala ya kutafuta moja kwa moja seli za saratani au kabla ya saratani yenyewe.

Upimaji wa HPV sasa ndiyo njia kuu katika uchunguzi wa mlango wa kizazi, kwani ni njia sahihi zaidi ya kugundua walio katika hatari kubwa ya saratani ya shingo ya kizazi.

Jinsi ya kulinda mikrobiomu ya uke

Mazoea ya usafi wa karibu kama vile kutaga uke, kwa mfano, yanaweza kuleta madhara zaidi kuliko ufanisi. Kutamba kunahusisha kuosha kwa maji na/au bidhaa za kusafisha kwenye uke.Bidhaa zingine za usafi wa kike kama vile jeli, dawa za kupuliza ukeni na taulo za kujipangusia pia zinaweza kuharibu mfumo wa ikolojia wa viumbe vidogo.

"Mambo haya yote ya jumla ambayo yanaboresha afya yako labda yataboresha mikrobiomu yako ya uke pia", anasema Goodfellow.