Tetesi za Soka Ulaya Jumamosi - Arsenal inamfuatilia Livramento

Arsenal inamfuatilia Tino Livramento kama mchezaji anayeweza kusajiliwa msimu huu wa joto, Aston Villa inatafuta kufikia makubaliano na Conor Gallagher huku Dominik Szoboszlai akikaribia kukubali kuongeza mkataba Liverpool.

Arsenal inamfuatilia beki wa Newcastle United na Uingereza Tino Livramento, 23, kama mchezaji anayeweza kusajiliwa msimu huu wa joto. (Sun)

Aston Villa wanafikiria mpango wa kumrejesha kiungo wa kati wa Atletico Madrid na Uingereza Conor Gallagher mwenye umri wa miaka 25 kwenye Ligi Kuu. (Talksport)

Atletico inafikiria ofa za takriban pauni milioni 35 kwa Gallagher, lakini mengi yatategemea vikwazo vya kifedha vinavyokabili Villa. (Mail)

Kiungo wa kati wa Hungary Dominik Szoboszlai, 25, amefikia makubaliano ya kuongeza mkataba wake Liverpool, akikatisha tamaa Real Madrid na Bayern Munich walioonyesha nia ya kutaka kumsajili. (CaughtOffside)

Manchester City wamekubali mkataba wa kumsajili kiungo wa kati wa Scotland mwenye umri wa chini ya miaka 17, Keir McMeekin, 15, kutoka Hearts. (Fabrizio Romano)

Rangers wameiomba Sunderland kumsajili kiungo wa kati wa Uingereza Dan Neil, 24, na winga wa Uingereza Romaine Mundle, 22. (Sky Sports)

Meneja wa Uingereza Thomas Tuchel, kocha mkuu wa Brazil Carlo Ancelotti na kocha wa Marekani Mauricio Pochettino wote wako kwenye orodha fupi ya Manchester United ya kuwa meneja wao ajaye. (Mirror)

Hull City wako kwenye mazungumzo ya kumsajili kiungo wa kati wa Manchester United, Toby Collyer, mwenye umri wa miaka 22, kwa mkopo. (Sky Sports)

Kocha mkuu wa Real Madrid Xabi Alonso amekuwa akilengwa kama mbadala wa meneja wa Manchester City Pep Guardiola. (Football Transfers)

Juventus inaongoza katika kinyang'anyiro cha kumsajili kiungo wa Manchester City na Ureno Bernardo Silva, 31, mara tu mkataba wake utakapoisha mwishoni mwa msimu. (Fichajes - in Spanish)

Brentford wamekubali mkataba wa pauni milioni 8.7 (euro milioni 10) na Club Brugge ili kumsajili mshambuliaji wa Ubelgiji wa chini ya miaka 21 Kaye Furo, 18. (Sky Sports)

Mshambuliaji wa Aston Villa na Jamaica Leon Bailey, 28, anaweza kujiunga na Girona kwa mkopo hadi mwisho wa msimu mara tu muda wake wa mkopo ulioshindwa huko Roma utakapomalizika. (Fichajes - in Spanish)