Sawir laga qaaday wiil ku dhaawacmay Qasa oo loo aqoonsaday sawirka sanadka 2025 ee saxaafadda

Mahmoud Ajjour, aged nine, pictured by a wall. He is wearing a white vest and has both arms missing

Xigashada Sawirka, Samar Abu Elouf for the New York Times

Qoraalka sawirka, Sawirkan oo ah wiil reer Qasa ah ayaa ku guuleystay sawirka sanadka ee World Press Photo

Sawir naxdin leh oo laga qaaday wiil reer Qasa ah kana soo kabanaya dhaawacyadii dagaalka ayaa loo magacaabay sawirka saxaafada adduunka ee sanadka 2025.

Sawirka, oo ay qaaday sawir qaade Falastiini ah Samar Abu Elouf oo u la shaqaynaysay New York Times, ayaa muujinaya Maxmuud Cajuur oo sagaal jir ah, oo labadiisa gacmood ku waayay duqayn ay Israa'iil ka geysatay magaalada Gaza bishii Maarso 2024-kii.

Abu Elouf, oo Gaza laga soo saaray dabayaaqadii 2023-kii, waxaa ay ku nooshahay isla guri uu deggan yahay Mahmoud oo ku yaalla magaalada Dooxa ee dalka Qatar – oo isna halkaas la keenay

Waxay qaaday nolosha dhowr dhaawac oo reer Qasa ah kuwaas oo banaanka dibadda loosoo saaray si loo daweeyo.

"Kani waa sawir aamusan oo si aad ah u hadlaya," ayay tidhi yiri agaasimaha fulinta ee World Press Photo Joumana El Zein Khouri.

"Waxuu [sawirku] ka warramayaa sheekada hal wiil, laakiin sidoo kale dagaal ballaadhan oo saameyn ku yeelan doona jiilal badan."

Skip content and continue reading

End of content

Laba ka mid ah sawiradda u soo baxay finalka ayaa loo doortay in ay noqdaan kuwa la tartamaya sawirkan oo ay weheliyaan sawirka sanadka.

Gudubka Habeenka waa sawir uu qaaday John Moore shirkadda Getty Images iyo Abaaraha Amazon waxaa isna qaaday Musuk Nolte oo la shaqeynaayay wakaaladda sawiradda ee Panos

Skip Ugu akhris badan and continue reading
Ugu akhris badan

End of Ugu akhris badan

Gudubka Habeenka, Muhaajiriin ayaa kulaaxaya dab xilli qaboow jiro iyaga oo ka gudbaya xadka Maraykanka iyo Mexico.

Xigashada Sawirka, John Moore for Getty Images

Qoraalka sawirka, Gudubka Habeenka, Muhaajiriin ayaa kulaaxaya dab xilli qaboow jiro iyaga oo ka gudbaya xadka Maraykanka iyo Mexico.

Sawirkan cajiibka ah wuxuu bixinayaa aragti xoog leh iyo mid dhow oo ku saabsan nolosha xadka, qabashada xaqiiqooyinka murugsan ee socdaalka inta badan ku lumay dooda cakiran ee Maraykanka.

Abaaraha Amazon wiil cunto u sida hooyadiis

Xigashada Sawirka, Musuk Nolte Panos Pictures, Bertha Foundation

Qoraalka sawirka, Abaaraha Amazon wiil cunto u sida hooyadiis

Nin dhallinyaro ah ayaa cunto u sidey hooyadii oo ku sugan tuulada Amazon ee Manacapuru - mar lagu gaari jiray doon, hadeer abaarta alaa qalajisay – halkii doonta lagu mari jiray.

Waxa uu laba kiilo mitir marayaa meel ahayd wabi mareen, haddeerse engagan, taas oo si weyn inoo xasuusinaysa dhibaatada biyo la'aanta ee gobolka ka jirta.

Aragtida dhul engegan oo lama degaan ah oo ku yaal kaymaha roobka ugu weyn adduunka ayaa hoosta ka xarriiqaya baaxadda cabsida leh ee abaartu leedahay.

Saddexda qaybood oo tartanka sawirrada loo xulaayay waxay ahaayeen kali (sawirro kali ah), sheekooyin (taxane ah 4 illaa 10 sawir ah) iyo mashruucyo wakhti dheer ah (24-30 sawir oo ku saabsan hal mawduuc).

Halkaan waxaan idinkugu soo gudbineynaa xulkii ku guuleystay qaaradda Afrika iyadoo qoraalo laga soo xigtay tartanka.

Afrika Sawirrada keliga ah: Tamale Safalu oo uu qaaday Marijn Fidder

Tamale Safalu

Xigashada Sawirka, Marijn Fidder

Qoraalka sawirka, Tamale Safalu Sawir laga qaaday isaga oo ku jimicsanaya gurigiisa oo ku yaala Kampala, Uganda

Tamale Safalu oo ku tababara gurigiisa hortiisa oo ku yaal magaalada Kampala ee dalka Uganda. Sabulu ayaa lugtiisa midig ku waayay shil mootada balse weli waa uu tartamayaa, isagoo noqday dhismehii ugu horreeyay ee naafo ah Uganda oo la tartanta ciyaartoy karti leh.

Afrika, Sheekooyinka: Kuwa maradooga la hadla ee ku nool Livingstone waxaa qoray Tommy Trenchard, Panos Picture iyo NPR ayuu kala shaqeeyay.

Laba nin oo dhabarka ku jeediyay kaamiradda ayaa eegaya maroodi, kaas usoo jeedinaya kaamiradda madaxa

Xigashada Sawirka, Tommy Trenchard for Panos Pictures

Qoraalka sawirka, Elephant Response Team members observe an elephant feeding near a military base in Livingstone, Zambia

Livingstone, Zambia, roobabkii oo gabaabsiyay iyo ballaadhashada deegaamaysiga dadka ayaa sababay koror weyn oo ku yimid isku dhacyada u dhexeeya dadka iyo maroodiga. Kaliya sanadka 2024, maroodigu wuxuu dilay ugu yaraan 11 qof gobolkaas.

Koox mutadawiciin ah oo maxalli ah ayaa hadda ka shaqaynaysa sidii loo ilaalin lahaa bulshooyinka iyo duurjoogtaba.

Afrika, Mashaariicda muddada-dheer: Jirka Haweenka sida goobaha dagaalka ee Cinzia Canneri, Ururka Camille Lepage

Sawir madow iyo caddaan ah, qeybta hoose ee haweeneyda ayaa ka muuqda, gacanteedana waxay kor u haysaa goonadeeda si ay u muujiso nabar dheer oo ka muuqda lugteeda sare.

Xigashada Sawirka, Cinzia Canneri for Association Camille Lepage

Qoraalka sawirka, Zayid (23, ma aha magaceeda saxda ah) ayaa muujinaysa nabar ay kaga tagatay xabad

Sannadkii 2017, sawir qaade Cinzia Canneri ayaa billowday diiwaan gelinta nolosha haweenka Eritrea ee ka baxsanaya xukunka kali-taliska ah.

Tan iyo markii uu qarxay dagaalka ka socda gobolka Tigray ee dalka Itoobiya, waxaa diiradda lagu saaray haweenka Tigrayga ee ka cararaya rabshadaha.

Labada kooxood ayaa la kulmay weeraro arxan darro ah oo ay ka mid yihiin kufsi, jirdil iyo toogasho. Zayid, oo 23 jir ah (ma aha magaceeda saxda ah – sawirka) ayaa lagu kufsaday xero qaxooti oo ku taal Amxaarada.

Iyaga iyo walaasheed iyada iyo qoyskeeda oo ay u sii qaxayeen Addis Ababa ayay askarta Axmaarada rasaas ku dhaawaceen.

Dhammaan sawirradaan waxaa ku deeqay World Press Photo

Bandhiga World Press Photo ee sanadka 2025 ayaa ka dhici doona MPB Gallery London 23 May illaa 25 Agoosto 2025