ਚਾਰ ਪੰਜਾਬੀ ਇਟਲੀ 'ਚ ਕਿਵੇਂ ਡੁੱਬ ਕੇ ਮਰ ਗਏ
ਤਸਵੀਰ ਸਰੋਤ, prem singh family
ਇਟਲੀ ਵਿਚ ਚਾਰ ਭਾਰਤੀ ਸਿੱਖਾਂ ਦੇ ਡੇਅਰੀ ਦੇ ਗੋਹੇ ਦੇ ਘੋਲ਼ ਵਾਲੇ ਟੈਂਕ ਵਿਚ ਦਮ ਘੁਟ ਕੇ ਡੁੱਬਣ ਨਾਲ ਮਰਨ ਦੀ ਖ਼ਬਰ ਹੈ। ਇਹ ਘਟਨਾ ਇਟਲੀ ਦੇ ਉੱਤਰੀ ਖਿੱਤੇ ਦੇ ਪਾਵੀਆ ਨੇੜਲੇ ਐਰੀਨਾ ਪੋ ਇਲਾਕੇ ਵਾਪਰੀ ਹੈ।
ਜਾਂਚ ਕਰਨ ਵਾਲਿਆਂ ਦਾ ਮੰਨਣਾ ਹੈ ਕਿ ਗਊਆਂ ਦੇ ਗੋਹੇ ਵਿਚੋਂ ਨਿਕਲੀ ਕਾਰਬਨ ਡਾਇਆਕਸਾਈਡ ਇਨ੍ਹਾਂ ਦੀ ਮੌਤ ਦਾ ਕਾਰਨ ਬਣੀ ਹੈ। ਸਮਝਿਆ ਜਾ ਰਿਹਾ ਹੈ ਕਿ ਤਿੰਨਾਂ ਦੀ ਮੌਤ ਟੈਕ ਖਾਲੀ ਕਰਨ ਸਮੇਂ ਡੁੱਬ ਰਹੇ ਸਾਥੀ ਵਰਕਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿਚ ਹੋਈ ਹੈ।
ਦੋ ਜਣੇ ਇਸ ਫਾਰਮ ਦੇ ਮਾਲਕ ਸਨ ਅਤੇ ਦੋ ਜਣੇ ਨੌਕਰੀ ਕਰ ਰਹੇ ਸਨ। ਸਾਰੇ ਵਿਅਕਤੀ ਭਾਰਤੀ ਹਨ। ਫਾਰਮ ਦੇ ਮਾਲਕਾਂ ਦੀ ਪਛਾਣ ਪ੍ਰੇਮ ਸਿੰਘ ਅਤੇ ਤਰਸੇਮ ਸਿੰਘ ਵਜੋਂ ਹੋਈ ਹੈ, ਜਿੰਨ੍ਹਾਂ ਨੇ 2017 ਵਿਚ ਇਹ ਫਾਰਮ ਰਜਿਸਟਰ ਕਰਵਾਇਆ ਸੀ।
ਇਹ ਵੀ ਪੜ੍ਹੋ :
ਕਰਤਾਰਪੁਰ ਦਾ ਪਿਛੋਕੜ
ਜਲੰਧਰ ਤੋਂ ਬੀਬੀਸੀ ਸਹਿਯੋਗੀ ਪਾਲ ਸਿੰਘ ਨੌਲੀ ਮੁਤਾਬਕ ਪ੍ਰੇਮ ਸਿੰਘ ਤੇ ਤਰਸੇਮ ਸਿੰਘ ਦੋਵੇ ਸਕੇ ਭਰਾ ਸਨ ਅਤੇ ਕਰਤਾਰਪੁਰ ਨੇੜਲੇ ਪਿੰਡ ਚੀਮਾ ਦੇ ਰਹਿਣ ਵਾਲੇ ਸਨ।
ਜਿਸ ਥਾਂ ਇਹ ਹਾਦਸਾ ਹੋਇਆ ਹੈ ਉਹ ਇਟਲੀ ਦੀ ਰਾਜਧਾਨੀ ਮਿਲਾਨ ਤੋਂ 45 ਕਿਲੋਮੀਟਰ ਹੈ।
ਤਸਵੀਰ ਸਰੋਤ, Prem sing Family
ਇਟਲੀ ਦੇ ਮੀਡੀਆ ਮੁਤਾਬਕ 'ਸਿੰਘ ਫਾਰਮ' ਦੁੱਧ ਅਤੇ ਮੀਟ ਉਤਪਾਦਨ ਵਾਲੇ ਪਸ਼ੂਆਂ ਦਾ ਡੇਅਰੀ ਫਾਰਮ ਹੈ ਅਤੇ ਇਹ ਪਾਵੀਆ ਖੇਤਰ ਦੇ ਸਭ ਤੋਂ ਵੱਡੇ ਫਾਰਮਾਂ ਵਿਚੋਂ ਇੱਕ ਹੈ।
ਮਰਨ ਵਾਲਿਆਂ ਦੀ ਸਨਾਖ਼ਤ ਪ੍ਰੇਮ ਸਿੰਘ (48), ਤਰਸੇਮ ਸਿੰਘ (45) , ਅਮਰਿੰਦਰ ਸਿੰਘ (29) ਅਤੇ ਮਨਜਿੰਦਰ ਸਿੰਘ (28) ਵਜੋਂ ਹੋਈ ਹੈ।
ਇਹ ਵੀ ਪੜ੍ਹੋ :
ਗੋਹੇ ਨੂੰ ਇੱਕ ਟੈਂਕ ਇਕੱਠਾ ਕਰਕੇ ਖੇਤਾਂ ਵਿਚ ਰੂੜੀ ਦੇ ਤੌਰ ਉੱਤੇ ਵਰਤਿਆ ਜਾਂਦਾ ਹੈ।
ਘਰ ਨਾ ਮੁੜੇ ਤਾ ਪਤਾ ਲੱਗੀ ਖ਼ਬਰ
ਵਾਰਦਾਤ ਦਾ ਪਤਾ ਉਦੋਂ ਲੱਗਿਆ ਜਦੋਂ ਮ੍ਰਿਤਕ ਦੀ ਪਤਨੀ ਲੰਚ ਲਈ ਉਨ੍ਹਾਂ ਦੇ ਘਰ ਨਾ ਪਰਤਣ ਕਾਰਨ ਫਾਰਮ ਉੱਤੇ ਪਹੁੰਚੀ। ਉਸ ਨੇ ਜਦੋਂ ਉਨ੍ਹਾਂ ਇੱਧਰ ਉੱਧਰ ਲੱਭਿਆ ਤਾਂ ਇੱਕ ਦੀ ਲਾਸ਼ ਸੀਵਰ ਵਿਚ ਪਈ ਮਿਲੀ।
ਇਸ ਤੋਂ ਬਾਅਦ ਪਤਨੀ ਨੇ ਫਾਇਰਬ੍ਰਿਗੇਡ ਕਰਮੀਆਂ ਨੂੰ ਬੁਲਾਇਆ ਜਿਨ੍ਹਾਂ ਮਾਸਕ ਪਾ ਕੇ ਟੈਂਕ ਨੂੰ ਖ਼ਾਲੀ ਕੀਤਾ ਤਾਂ ਚਾਰ ਜਣਿਆਂ ਦੀਆਂ ਲਾਸ਼ਾਂ ਬਰਾਮਦ ਹੋ ਗਈਆਂ।
ਇਸ ਘਟਨਾ ਤੋਂ ਬਾਅਦ ਇਟਲੀ ਦੇ ਸਰਕਾਰੀ ਰੇਡੀਓ ਨੇ ਖ਼ਬਰ ਦਿੱਤੀ ਕਿ ਇਸ ਦੁਘਟਨਾ ਤੋਂ ਅਰੀਨ ਪੋ ਵਿਚ ਇਸ ਸਾਲ ਹਾਦਸਿਆਂ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 486 ਹੋ ਗਈ ਹੈ।
ਇਹ ਵੀ ਦੇਖੋ :
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
