ਜੇ ਫੇਸਬੁੱਕ ਤੁਹਾਡੀ ਜ਼ਿੰਦਗੀ ਵਿੱਚੋਂ ਚਲੀ ਗਈ ਤਾਂ !
ਤਸਵੀਰ ਸਰੋਤ, Getty Images
ਫੇਸਬੁੱਕ ਮਨੁੱਖੀ ਜ਼ਿੰਦਗੀ ਦੇ ਕਈ ਪਹਿਲੂਆਂ ਨਾਲ ਜੁੜ ਗਈ ਹੈ। ਫੇਸਬੁੱਕ ਤੇ ਅਸੀਂ ਦੋਸਤ ਬਣਾਉਂਦੇ ਹਾਂ, ਉਨ੍ਹਾਂ ਬਾਰੇ ਜਾਣਦੇ ਹਾਂ, ਖ਼ਬਰਾਂ ਪੜ੍ਹਦੇ ਹਾਂ।
ਪਿਛਲੇ 14 ਸਾਲਾਂ ਦੌਰਾਨ ਫੇਸਬੁੱਕ ਨਾਲ ਹੀ ਲੋਕਾਂ ਨੂੰ ਸਾਰੀਆਂ ਗੱਲਾਂ ਸਭ ਤੋਂ ਪਹਿਲਾਂ ਸਾਂਝੀਆਂ ਕਰਨ ਦੀ ਆਦਤ ਪੈ ਗਈ ਸੀ।
ਹੁਣ ਇਹ ਮੋਹ ਭੰਗ ਹੁੰਦਾ ਜਾ ਰਿਹਾ ਹੈ। ਫੇਸਬੁੱਕ ਉੱਪਰ ਵਰਤੋਂਕਾਰਾਂ ਦੀ ਜਾਣਕਾਰੀ ਗੁਪਤ ਨਾ ਰੱਖ ਸਕਣ ਵਿੱਚ ਨਾਕਾਮ ਰਹਿਣ ਦੇ ਇਲਜ਼ਾਮ ਲੱਗੇ ਹਨ।
ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਦੌਰਾਨ ਫੇਸਬੁੱਕ ਦੀਆਂ ਸਹਿਯੋਗੀ ਐਪਲੀਕੇਸ਼ਨਾਂ ਦਾ ਇਕੱਠਾ ਕੀਤਾ ਡਾਟਾ ਵੋਟਰਾਂ ਦੀ ਰਾਇ ਟਰੰਪ ਦੇ ਹੱਕ ਵਿੱਚ ਬਣਾਉਣ ਲਈ ਵਰਤੇ ਜਾਣ ਦੇ ਇਲਜ਼ਾਮਾਂ ਮਗਰੋਂ ਇਹ ਦਿੱਕਤਾਂ ਹੋਰ ਵਧ ਗਈਆਂ।
ਤਸਵੀਰ ਸਰੋਤ, Getty Images
ਟਵਿੱਟਰ ਜੋ ਫੇਸਬੁੱਕ ਦਾ ਸ਼ਰੀਕ ਵੀ ਹੈ ਉੱਪਰ #DeleteFacebook ਰਾਹੀਂ ਲੋਕਾਂ ਨੂੰ ਫੇਸਬੁੱਕ ਡਿਲੀਟ ਕਰਨ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ। ਇਸ ਵਿਸ਼ੇ 'ਤੇ ਹੁਣ ਤੱਕ 50,000 ਟਵੀਟ ਕੀਤੇ ਜਾ ਚੁੱਕੇ ਹਨ।
ਇਸ ਬਾਰੇ ਸਿਰਫ਼ ਨਿੱਜਤਾ ਕਾਰਕੁਨ ਨਹੀਂ ਸਗੋਂ ਵੱਡੀਆਂ ਹਸਤੀਆਂ ਵੀ ਸਾਹਮਣੇ ਆ ਰਹੀਆਂ ਹਨ। ਵੱਟਸ ਐੱਪ ਦੇ ਸਹਿ-ਸੰਸਥਾਪਕ ਬ੍ਰਾਇਨ ਐਕਟਨ ਜਿਨ੍ਹਾਂ ਨੇ ਆਪਣੀ ਕੰਪਨੀ ਫੇਸਬੁੱਕ ਨੂੰ 11 ਬਿਲੀਅਨ ਯੂਰੋ ਵਿੱਚ ਵੇਚੀ ਸੀ, ਨੇ ਟਵਿੱਟਰ 'ਤੇ ਲਿਖਿਆ ਕਿ ਹੁਣ ਵਕਤ ਆ ਗਿਆ ਹੈ ਕਿ ਫੇਸਬੁੱਕ ਨੂੰ ਡਿਲੀਟ ਕੀਤਾ ਜਾਵੇ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 1
ਮਾਰਕ ਜ਼ਕਰਬਰਗ ਵੀ ਨਿਊ ਯਾਰਕ ਟਾਈਮਜ਼ ਨੂੰ ਇੰਟਰਵਿਊ ਵਿੱਚ ਸਹੀ ਅੰਕੜੇ ਦੇਣ ਤੋਂ ਬਚਦੇ ਹੋਏ ਵੱਡੀ ਗਿਣਤੀ ਵਿੱਚ ਖਾਤੇ ਡਿਲੀਟ ਹੋਣ ਦੀ ਗੱਲ ਮੰਨ ਚੁੱਕੇ ਹਨ।
ਆਖ਼ਰ ਅਸੀਂ ਫੇਸਬੁੱਕ ਦੀਆਂ ਕਿਹੜੀਆਂ ਗੱਲਾਂ ਦੀ ਘਾਟ ਮਹਿਸੂਸ ਕਰਾਂਗੇ। ਕਈ ਲੋਕਾਂ ਨੂੰ ਲੱਗ ਰਿਹਾ ਹੈ ਕਿ ਹੁਣ ਸ਼ਾਇਦ ਉਨ੍ਹਾਂ ਨੂੰ ਆਪਣੀ ਬਿੱਲੀ ਦੀ ਤਸਵੀਰ ਦਿਖਾਉਣ ਲਈ ਘਰ-ਘਰ ਜਾਣਾ ਪਵੇਗਾ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 2
ਦੋਸਤਾਂ ਨੂੰ ਜਾਣਨ ਦਾ ਰਾਹ ਸੀ
ਫੇਸਬੁੱਕ ਰਾਹੀਂ ਸਾਨੂੰ ਪਤਾ ਲੱਗ ਜਾਂਦਾ ਸੀ ਕਿ ਕੌਣ ਕਿੱਥੇ ਕਿੱਦਾਂ ਦਾ ਮਹਿਸੂਸ ਕਰ ਰਿਹਾ ਹੈ।
ਕਿਸੇ ਦੀ ਮੰਗਣੀ ਦਾ ਜ਼ੋਰ ਦਾ ਝਟਕਾ ਹੌਲੇ ਜਿਹੇ ਲਗਦਾ ਸੀ
ਕਈ ਵਾਰ ਜਦੋਂ ਕਿਸੇ ਨੂੰ ਮਨ ਹੀ ਮਨ ਪਸੰਦ ਕਰਦੇ ਰਹੇ ਪਰ ਹਿੰਮਤ ਕਰਨ ਤੋਂ ਪਹਿਲਾਂ ਉਸਦੀ ਮੰਗਣੀ ਦੀ ਫੇਸਬੁੱਕ 'ਤੇ ਤਸਵੀਰ ਦੇਖਣੀ ਵੀ ਕਈਆਂ ਨੂੰ ਯਾਦ ਆ ਸਕਦੀ ਹੈ।
ਤਸਵੀਰ ਸਰੋਤ, Getty Images
ਫਾਰਮਵਿਲੇ ਗੇਮ
ਫਾਰਮਵਿਲੇ ਗੇਮ ਨੂੰ ਵੀ ਮਿਸ ਕਰ ਸਕਦੇ ਹੋ ਜਿਸ ਵਿੱਚ ਉਹ ਖੇਤ, ਖੇਤੀ, ਕਤੂਰੇ, ਖੇਤਾਂ ਨੂੰ ਪਾਣੀ ਲਾਉਣਾ, ਫਸਲਾਂ ਦੀ ਕਟਾਈ, ਦੂਜਿਆਂ ਦੇ ਖੇਤਾਂ ਵਿੱਚ ਜਾ ਕੇ ਮਦਦ ਕਰਨੀ ਤੇ ਸਾਮਾਨ ਲਈ ਬੇਨਤੀਆਂ ਕਰਨੀਆਂ। ਉਹ ਸਭ ਵੀ ਯਾਦ ਹੀ ਬਣ ਜਾਵੇਗਾ।
ਬੱਚਿਆਂ ਦੀਆਂ ਤਸਵੀਰਾਂ
ਕਿਵੇਂ ਲਗਦਾ ਸੀ ਕਿਸੇ ਜਾਣਕਾਰ ਦੇ ਬੱਚੇ ਨੂੰ ਦਿਨ ਦਿਨ ਵੱਡੇ ਹੁੰਦੇ ਦੇਖਣਾ।
ਟੁੱਟੇ ਦਿਲ ਦੇ ਸਟੇਟਸ
'ਅੱਜ ਮੈਂ ਸਿੱਖਿਆ ਕਿ ਸਾਰੀ ਦੁਨੀਆਂ ਹੀ ਮਤਲਬੀ ਹੈ।' ਅਜਿਹੇ ਹੀ ਹੋਰ ਸਟੇਟਸ ਜਿਨ੍ਹਾਂ ਬਾਰੇ ਤੁਸੀਂ ਲਿਖਿਆ ਹੋਵੇਗਾ, 'ਕੀ ਹੋਇਆ!'
ਸਾਡੇ ਉਹ ਸਾਰੇ ਅੱਲੜ੍ਹ ਕੀ ਕਰਨਗੇ ਜੋ ਫੇਸਬੁੱਕ 'ਤੇ ਫੋਟੋ ਪਾਉਣ ਲਈ ਹੀ ਤਿਆਰ ਹੁੰਦੇ ਸਨ ਜਿਨ੍ਹਾਂ ਲਈ ਇੰਟਰਨੈੱਟ ਦੀ ਹੋਂਦ ਹੀ ਫੇਸਬੁੱਕ ਵਰਤਣ ਲਈ ਸੀ।
ਬੀਬੀਸੀ ਥਰੀ ਦੀ ਵੈਬਸਾਈਟ ਤੇ ਮੂਲ ਲੇਖ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ
