ਆਸਟ੍ਰੇਲੀਆ ਸਮਲਿੰਗੀ ਵਿਆਹ ਦੇ ਹੱਕ 'ਚ

ਆਸਟ੍ਰੇਲੀਆ ਦੇ ਲੋਕਾਂ ਨੇ ਸਮਲਿੰਗੀ ਵਿਆਹ ਨੂੰ ਕਨੂੰਨੀ ਕਰਨ ਦੇ ਹੱਕ 'ਚ ਵੋਟ ਪਾਏ ਹਨ। ਆਸਟ੍ਰੇਲੀਅਨ ਬਿਊਰੋ ਆਫ ਸਟੈਟਿਸਟਿਕਸ ਨੇ ਦੱਸਿਆ ਕਿ 61.6 ਫੀਸਦ ਲੋਕਾਂ ਨੇ ਸਮਲਿੰਗੀ ਵਿਆਹ ਲਈ ਵੋਟ ਕੀਤਾ ਹੈ।

ਅੱਠ ਹਫਤਿਆਂ ਦੇ ਸਰਵੇ ਵਿੱਚ 12 ਕਰੋੜ ਅਤੇ 7 ਲੱਖ ਲੋਕਾਂ ਨੇ ਭਾਗ ਲਿਆ ਸੀ।

ਜਦੋਂ ਨਹਿਰੂ ਨੇ ਪਿਸਤੌਲ ਕੱਢ ਲਈ

'ਮੈਨੂੰ ਮੇਰੇ ਕੰਮ ਨਾਲ ਜੱਜ ਕੀਤਾ ਜਾਵੇ'

ਪ੍ਰਧਾਨ ਮੰਤਰੀ ਮੈਲਕੌਮ ਟਰਨਬੁੱਲ ਨੇ ਕਿਹਾ ਕਿ ਇਹਨਾਂ ਨਤੀਜਿਆਂ ਦਾ ਮਤਲਬ ਹੈ ਕਿ ਸਰਕਾਰ ਨੂੰ ਕ੍ਰਿਸਮਸ ਤੋਂ ਪਹਿਲਾਂ ਸੰਸਦ 'ਚ ਕਨੂੰਨ ਬਦਲਣਾ ਪਏਗਾ।

ਉਨ੍ਹਾਂ ਕਿਹਾ, ''ਆਸਟ੍ਰੇਲੀਆ ਦੇ ਲੋਕਾਂ ਨੇ ਕਰੋੜਾਂ ਦੀ ਗਿਣਤੀ ਵਿੱਚ ਸਮਲਿੰਗੀ ਵਿਆਹ ਲਈ ਹਾਂ ਕੀਤੀ ਹੈ।''

ਅੱਗੇ ਕਿਹਾ ਕਿ, ''ਉਨ੍ਹਾਂ ਨੇ ਬਰਾਬਰੀ, ਵਚਨਬੱਧਤਾ ਅਤੇ ਪਿਆਰ ਲਈ ਹਾਂ ਕੀਤੀ ਹੈ। ਹੁਣ ਅਸੀਂ ਇਸ ਨੂੰ ਸੰਸਦ ਵਿੱਚ ਅੱਗੇ ਲੈਕੇ ਜਾਵਾਂਗੇ।''

ਸਮਰਥਕਾਂ ਨੇ ਬੁਧਵਾਰ ਨੂੰ ਨਤੀਜਿਆਂ ਦਾ ਜਸ਼ਨ ਆਸਟ੍ਰੇਲੀਆ ਦੀਆਂ ਜਨਤਕ ਥਾਵਾਂ 'ਤੇ ਮਨਾਇਆ। ਉਹ ਨੱਚਦੇ, ਗਾਉਂਦੇ ਅਤੇ ਇੰਦਰਧਨੁਸ਼ ਝੰਡੇ ਲਹਿਰਾਉਂਦੇ ਨਜ਼ਰ ਆਏ।

ਸਿਆਸੀ ਰਾਏ

ਸਮਲਿੰਗੀ ਵਿਆਹ ਦੇ ਸਮਰਥਕ ਅਤੇ ਕੰਪਨੀ ਕਨਟਾਸ ਦੇ ਮੁੱਖ ਕਾਰਜਕਾਰੀ ਐਲਨ ਜੌਏਸ ਨੇ ਸਿਡਨੀ ਵਿੱਚ ਇਕੱਠ ਨੂੰ ਸੰਬੋਧਿਤ ਕਰਦਿਆਂ ਕਿਹਾ, ''ਇਹ ਸ਼ਾਨਦਾਰ ਨਤੀਜੇ ਹਨ ਅਤੇ ਸਾਨੂੰ ਸਭ ਨੂੰ ਇਸ ਸ਼ਾਨਦਾਰ ਦੇਸ਼ ਤੇ ਗਰਵ ਹੋਣਾ ਚਾਹੀਦਾ ਹੈ।''

ਆਸਟ੍ਰੇਲੀਆ ਦੇ ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਸਮਲਿੰਗੀ ਵਿਆਹ ਦੇ ਵਿਰੋਧੀ ਟੋਨੀ ਐਬਟ ਨੇ ਕਿਹਾ ਕਿ ਸੰਸਦ ਨੂੰ ਨਤੀਜਿਆਂ ਦੀ ਇੱਜ਼ਤ ਕਰਨੀ ਚਾਹੀਦੀ ਹੈ।

ਉਨ੍ਹਾਂ ਫੇਸਬੁੱਕ 'ਤੇ ਲਿਖਿਆ, ''ਮੈਂ ਹਮੇਸ਼ਾ ਕਹਿੰਦਾ ਸੀ ਕਿ ਇਸ ਮੁੱਦੇ ਤੇ ਲੋਕਾਂ ਦੀ ਰਾਏ ਲੈਣਾ ਬਹੁਤ ਜ਼ਰੂਰੀ ਹੈ ਅਤੇ ਅੱਜ ਦੇ ਨਤੀਜੇ ਦੱਸਦੇ ਹਨ ਕਿ ਉਨ੍ਹਾਂ ਦੀ ਰਾਏ ਲੈਣ ਦਾ ਫੈਸਲਾ ਬਿਲਕੁਲ ਸਹੀ ਸੀ।''

ਸਮਲਿੰਗੀ ਵਿਆਹ ਦੇ ਵੱਡੇ ਸਮਰਥਕ ਟਰਨਬੁੱਲ ਹੁਣ ਆਪਣੀ ਸਰਕਾਰ ਵਿੱਚ ਇਸ ਬਹਿਸ ਦਾ ਸਾਹਮਣਾ ਕਰ ਰਹੇ ਹਨ ਕਿ ਸੰਸਦ ਦੇ ਬਿੱਲ ਵਿੱਚ ਕੀ ਕੀ ਸ਼ਾਮਲ ਹੋਵੇਗਾ।

ਕੁਝ ਰੂੜੀਵਾਦੀ ਸਾਂਸਦ ਇਹ ਚਾਹੁੰਦੇ ਹਨ ਕਿ ਸਮਲਿੰਗੀ ਵਿਆਹ ਦੇ ਵਿਰੋਧੀ ਕਾਰੋਬਾਰੀ ਵਿਆਹਵਾਂ ਲਈ ਸਮਾਨ ਦੇਣ ਤੋਂ ਇੰਕਾਰ ਕਰ ਦੇਣ।

(ਬੀਬੀਸੀ ਪੰਜਾਬੀ ਦੇ ਫੇਸਬੁੱਕ ਪੰਨੇ ਉੱਤੇ ਜਾਣ ਲਈ ਇੱਥੇ ਕਲਿੱਕ ਕਰੋ ਇਸੇ ਤਰ੍ਹਾਂ ਲਿੰਕ ਉੱਤੇ ਕਲਿੱਕ ਕਰਕੇ ਇੰਸਟਾਗ੍ਰਾਮ ਪੰਨਾ ਦੇਖੋ।)