You’re viewing a text-only version of this website that uses less data. View the main version of the website including all images and videos.
#ChowkidarNarendraModi -ਚੌਕੀਦਾਰ ਚੋਰ ਜਾਂ ਸਾਧ : ਮੋਦੀ ਤੇ ਭਾਜਪਾ ਦੀ ਚੌਕੀਦਾਰ ਮੁਹਿੰਮ 'ਤੇ ਸੋਸ਼ਲ ਮੀਡੀਆ 'ਤੇ ਜ਼ਬਰਦਸਤ ਬਹਿਸ ਜਾਰੀ
ਕਾਂਗਰਸ ਦੇ ਕੌਮੀ ਪ੍ਰਧਾਨ ਰਾਹੁਲ ਗਾਂਧੀ ਹਰ ਮੰਚ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ 'ਚੌਕੀਦਾਰ ਚੋਰ ਹੈ' ਕਹਿ ਰਹੇ ਹਨ, ਤਾਂ ਇਸ ਦਾ ਜਵਾਬ ਨਰਿੰਦਰ ਮੋਦੀ ਨੇ ਸੋਸ਼ਲ ਮੀਡੀਆ ਮੁਹਿੰਮ ਰਾਹੀ ਦਿੱਤਾ ਹੈ। ਪ੍ਰਧਾਨ ਮੰਤਰੀ ਅਤੇ ਭਾਜਪਾ ਦੇ ਕੌਮੀ ਪ੍ਰਧਾਨ ਅਮਿਤ ਸ਼ਾਹ ਸਣੇ ਭਾਜਪਾ ਦੇ ਵੱਡੇ ਆਗੂਆਂ ਨੇ ਆਪਣਾ ਨਾਵਾਂ ਨਾਲ ਚੌਕੀਦਾਰ ਲਾ ਲਿਆ ਹੈ।
ਮੁੱਖ ਸੱਤਾਧਾਰੀ ਪਾਰਟੀ ਭਾਜਪਾ ਅਤੇ ਵਿਰੋਧੀ ਧਿਰ ਕਾਂਗਰਸ ਵਿਚਾਲੇ 'ਚੌਕੀਦਾਰ' ਉੱਤੇ ਵੱਡੀ ਬਹਿਸ ਛਿੜ ਗਈ ਹੈ।
ਭਾਜਪਾ ਆਗੂਆਂ ਨੇ ਰਾਹੁਲ ਨੂੰ 'ਚੌਕੀਦਾਰ ਚੋਰ ਹੈ' ਦਾ ਜਵਾਬ ਦੇਣ ਦੇ ਉਦੇਸ਼ ਨਾਲ ਆਪਣੇ ਸੋਸ਼ਲ ਮੀਡੀਆ ਦੇ ਪਲੇਟਫਾਰਮ ਟਵਿੱਟਰ ਹੈਂਡਲ 'ਤੇ ਆਪਣੇ ਨਾਮ ਨਾਲ ਚੌਂਕੀਦਾਰ ਸ਼ਬਦ ਲਿਖ ਲਿਆ ਹੈ।
ਪ੍ਰਧਾਨ ਮੰਤਰੀ ਮੋਦੀ ਨੇ ਵੀ ਆਪਣੇ ਟਵਿੱਟਰ ਹੈਂਡਲ ਦੇ ਆਪਣੇ ਨਾਮ ਦੇ ਅੱਗੇ ਚੌਂਕੀਦਾਰ ਨਰਿੰਦਰ ਮੋਦੀ ਲਿਖਿਆ ਹੈ। ਇਸ ਦੇ ਨਾਲ ਭਾਜਪਾ ਦੇ ਕੌਮੀ ਪ੍ਰਧਾਨ ਅਮਿਤ ਸ਼ਾਹ, ਕੇਂਦਰੀ ਮੰਤਰੀ ਜੇਪੀ ਨੱਢਾ, ਉਮਾ ਭਾਰਤੀ, ਪਿਊਸ਼ ਗੋਇਲ. ਸਮ੍ਰਿਤੀ ਇਰਾਨੀ ਅਤੇ ਕਈ ਹੋਰ ਭਾਜਪਾ ਆਗੂਆਂ ਨੇ ਵੀ ਆਪਣੇ ਨਾਮ ਅੱਗੇ ਚੌਂਕੀਦਾਰ ਸ਼ਬਦ ਜੋੜ ਲਿਆ ਹੈ।
ਇਸੇ ਸੰਦਰਭ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਨੇ ਇੱਕ ਵੀਡੀਓ ਵੀ ਸ਼ੇਅਰ ਵੀ ਕੀਤੀ ਸੀ।
ਇਸ ਤੋਂ ਇਲਾਵਾ ਆਮ ਲੋਕਾਂ ਨੇ ਆਪਣੀਆਂ ਪ੍ਰਤੀਕਿਰਿਆਵਾਂ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਨਾ ਸ਼ੁਰੂ ਕੀਤਾ ਹੈ। ਜਿਸ ਦੇ ਤਹਿਤ ਕੁਝ ਭਾਜਪਾ ਦੇ ਹੱਕ ਵਿਚ ਨਿੱਤਰੇ ਹਨ ਅਤੇ ਕੁਝ ਕਾਂਗਰਸ ਦੇ ਹੱਕ 'ਚ।
ਸੰਜੇ ਝਾ ਆਪਣੇ ਟਵਿੱਟਰ ਹੈਂਡਲ ਤੋਂ ਲਿਖਦੇ ਹਨ, "ਮੋਦੀ ਜੀ ਤੁਸੀਂ ਇਕੱਲੇ ਨਹੀਂ ਹੋ। ਅਸੀਂ ਪੂਰੀ ਤਰ੍ਹਾਂ, ਸਹਿਮਤ ਹਾਂ, ਤੁਹਾਡੇ ਨਾਲ ਅਨਿਲ ਅੰਬਾਨੀ, ਗੌਤਮ ਅਡਾਨੀ, ਨੀਰਵ ਛੋਟਾ ਮੋਦੀ, ਮਿਹੁਲ ਭਾਈ ਚੌਕਸੀ, ਵਿਜੇ ਮਾਲਿਆ, ਲੰਬੀ ਲਿਸਟ ਹੈ..."
@ebad_mohd ਨਾਮ ਦੇ ਟਵਿੱਟਰ ਹੈਂਡਲ 'ਤੇ ਲਿਖਿਆ ਹੈ ਕਿ ਚੌਕੀਦਾਰ ਚੋਰ ਨਾ ਹੁੰਦਾ ਤਾਂ ਮਿਹੁਲ ਚੌਕਸੀ ਅਤੇ ਨੀਰਵ ਮੋਦੀ ਦੇਸ 'ਚੋਂ ਨਾ ਭੱਜਦੇ ਅਤੇ ਨਾ ਹੀ ਰੱਖਿਆ ਮੰਤਰਾਲੇ ਤੋਂ ਰਫਾਲ ਦੀਆਂ ਫਾਇਲਾਂ ਚੋਰੀ ਹੁੰਦੀਆਂ।
ਜਰਨੈਲ ਸਿੰਘ ਨੇ ਆਪਣੀ ਪ੍ਰਤੀਕਿਰਿਆ ਜ਼ਾਹਿਰ ਕਰਦਿਆਂ ਪੰਜਾਬੀ ਅਖਾਣ ਦੀ ਵਰਤੋਂ ਕੀਤੀ।
@ankitasood13 ਨਾਮ ਦੇ ਟਵਿੱਟਰ ਹੈਂਡਲ 'ਤੇ ਲਿਖਿਆ ਹੈ ਕਿ ਬਿਲਕੁਲ ਸਰ, ਅਸੀਂ ਸਾਰੇ ਚੌਕੀਦਾਰ ਹਾਂ, ਆਪਣੇ ਦੇਸ, ਆਪਣੇ ਨਵੇਂ ਭਾਰਤ ਲਈ।
ਚੌਂਕੀਦਾਰ ਬਿਪਿਨ ਪਾਠਕ ਆਪਣੇ ਟਵਿੱਟਰ ਹੈਂਡਲ 'ਤੇ ਲਿਖਦੇ ਹਨ ਕਿ ਮੋਦੀ ਤੁਸੀਂ ਬਹੁਤ ਵਧੀਆ ਚੌਕੀਦਾਰ ਹੋ।
ਚੌਕੀਦਾਰ ਗੀਤਾ ਸਵਾਮੀ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਲਿਖਿਆ ਹੈ, "ਮੋਦੀ ਨੂੰ ਕੋਈ ਨਹੀਂ ਹਰਾ ਸਕਦਾ।"
ਇਹ ਵੀ ਪੜ੍ਹੋ-
ਤੁਸੀਂ ਇਹ ਵੀਡੀਓਜ਼ ਵੀ ਦੇਖ ਸਕਦੇ ਹੋ:
