You’re viewing a text-only version of this website that uses less data. View the main version of the website including all images and videos.
ਸੋਸ਼ਲ꞉ ਮਿਲਿੰਦ ਸੋਮਨ ਦੇ ਵਿਆਹ 'ਤੇ ਰੌਲਾ ਕਿਉਂ ਪੈ ਰਿਹਾ ਹੈ ?
ਜਦੋਂ ਮੀਆਂ-ਬੀਵੀ ਰਾਜ਼ੀ ਤਾਂ ਕੀ ਕਰੇਗਾ ਕਾਜ਼ੀ....ਇਸ ਕਹਾਵਤ ਨੂੰ ਸਾਕਾਰ ਕਰਦੇ ਹੋਏ ਮਿਲਿੰਦ ਸੋਮਨ ਅਤੇ ਅੰਕਿਤਾ ਕੋਂਵਰ।
ਐਤਵਾਰ ਨੂੰ ਮੁੰਬਈ ਦੇ ਅਲੀਬਾਗ ਵਿੱਚ ਮਰਾਠੀ ਰੀਤੀ-ਰਿਵਾਜਾਂ ਨਾਲ ਦੋਹਾਂ ਦਾ ਵਿਆਹ ਪਰਿਵਾਰਕ ਮੈਂਬਰਾਂ ਅਤੇ ਕੁਝ ਖ਼ਾਸ ਮਹਿਮਾਨਾਂ ਦੀ ਹਾਜ਼ਰੀ ਵਿੱਚ ਨੇਪੇਰੇ ਚੜ੍ਹਿਆ।
ਸੋਸ਼ਲ ਮੀਡੀਆ ਤੇ ਉਨ੍ਹਾਂ ਦਾ ਮਜ਼ਾਕ ਬਣਾਇਆ ਗਿਆ।
ਇੱਕ ਪਾਸੇ ਜਿੱਥੇ ਮਿਲਿੰਦ 52 ਸਾਲ ਦੇ ਹਨ ਤਾਂ ਦੂਜੇ ਪਾਸੇ ਅੰਕਿਤਾ ਉਨ੍ਹਾਂ ਤੋਂ ਕਾਫ਼ੀ ਛੋਟੀ ਹੈ।
ਹਾਂ, ਦੋਹਾਂ ਵਿੱਚੋਂ ਕਦੇ ਵੀ ਕਿਸੇ ਨੇ ਇਨ੍ਹਾਂ ਆਲੋਚਨਾਵਾਂ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ। ਨਾ ਹੀ ਦੋਹਾਂ ਨੇ ਆਪਣਾ ਰਿਸ਼ਤਾ ਲਕੋ ਕੇ ਰੱਖਣ ਦਾ ਯਤਨ ਕੀਤਾ।
ਅੰਕਿਤਾ ਨੇ ਕੁਝ ਸਮਾਂ ਪਹਿਲਾਂ ਇੰਸਟਾਗਰਾਮ ਅਕਾਊਂਟ 'ਤੇ ਇੱਕ ਤਸਵੀਰ ਪੋਸਟ ਕੀਤੀ ਸੀ ਅਤੇ ਲਿਖਿਆ ਸੀ, "ਮੈਂ ਇਹ ਨਹੀਂ ਜਾਨਣਾ ਚਾਹੁੰਦੀ ਕਿ ਤੁਹਾਡੇ ਬਿਨਾਂ ਰਹਿਣਾ ਕਿਹੋ-ਜਿਹਾ ਹੈ, ਮੈਂ ਤੁਹਾਡੇ ਬਿਨਾਂ ਇਸ ਦੁਨੀਆਂ ਨੂੰ ਜਾਨਣਾ ਹੀ ਨਹੀਂ ਚਾਹੁੰਦੀ।"
ਅੰਕਿਤਾ ਏਅਰ ਏਸ਼ੀਆ ਵਿੱਚ ਕੈਬਿਨ ਕਰਿਊ ਐਕਜ਼ੈਕਟਿਵ ਰਹਿ ਚੁੱਕੀ ਹੈ। ਫਿਲਹਾਲ ਦਿੱਲੀ ਵਿੱਚ ਰਹਿ ਰਹੀ ਅੰਕਿਤਾ ਮੂਲ ਤੌਰ 'ਤੇ ਗੁਹਾਟੀ ਤੋਂ ਹੈ।
ਉਸ ਦੀ ਪ੍ਰੋਫਾਈਲ ਤੋਂ ਪਤਾ ਲਗਦਾ ਹੈ ਕਿ ਉਸ ਨੂੰ ਗਾਉਣ ਅਤੇ ਘੁੰਮਣ-ਫਿਰਨ ਦਾ ਬਹੁਤ ਸ਼ੌਂਕ ਹੈ।
ਦੂਸਰੇ ਪਾਸੇ ਮਿਲਿੰਦ ਗਲੈਮਰ ਨਾਲ ਜੁੜੇ ਹੋਏ ਹਨ ਅਤੇ ਫਿਟਨੈਸ ਬਾਰੇ ਵੀ ਕਾਫੀ ਜਾਣਕਾਰੀ ਰੱਖਦੇ ਹਨ।
90 ਦੇ ਦਹਾਕੇ ਵਿੱਚ ਅਲੀਸ਼ਾ ਚਿਨੌਏ ਦੇ ਗਾਣੇ 'ਮੇਡ ਇਨ ਇੰਡੀਆ' ਦੇ ਵੀਡੀਓ ਤੋਂ ਤਹਿਲਕਾ ਮਚਾਉਣ ਵਾਲੇ ਮਿਲਿੰਦ 52 ਸਾਲ ਦੀ ਉਮਰ ਵਿੱਚ ਵੀ ਕਾਫ਼ੀ ਪ੍ਰਸਿੱਧ ਹਨ।
ਮਿਲਿੰਦ ਦਾ ਇਹ ਦੂਜਾ ਵਿਆਹ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਵਿਆਹ ਫਰਾਂਸੀਸੀ ਮਾਡਲ ਮਾਇਲਿਨ ਜਮਪਾਨੋਈ ਨਾਲ ਹੋਇਆ ਸੀ ਜਿਨ੍ਹਾਂ ਨਾਲ ਉਨ੍ਹਾਂ ਦਾ ਤਲਾਕ ਹੋ ਚੁੱਕਿਆ ਹੈ।
