You’re viewing a text-only version of this website that uses less data. View the main version of the website including all images and videos.
ਸੋਸ਼ਲ: ਗ਼ਲਤ ਤੇ ਵਧਾ ਚੜ੍ਹਾ ਕੇ ਅੰਕੜੇ ਪੇਸ਼ ਕਰਨਾ ਮੋਦੀ ਦੀ ਆਦਤ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾਵੋਸ ਵਿੱਚ ਇਕਨੌਮਿਕ ਫ਼ੋਰਮ ਦੀ 48ਵੀਂ ਸਾਲਾਨਾ ਬੈਠਕ 'ਚ ਹਿੱਸਾ ਲੈ ਰਹੇ ਹਨ ਜਿੱਥੇ ਉਨ੍ਹਾਂ ਨੇ 2014 ਵਿੱਚ ਮਿਲੀ ਜਿੱਤ ਦੀ ਵਾਹੋ-ਵਾਹੀ ਕੀਤੀ ਅਤੇ ਅੰਕੜਿਆਂ ਦਾ ਹਿਸਾਬ ਹੀ ਭੁੱਲ ਗਏ।
ਮੋਦੀ ਨੇ ਆਪਣੇ ਭਾਸ਼ਣ ਵਿੱਚ ਕਿਹਾ ਕਿ ਦੇਸ ਦੇ 600 ਕਰੋੜ ਵੋਟਰਾਂ ਨੇ 2014 ਵਿੱਚ 30 ਸਾਲ ਬਾਅਦ ਪਹਿਲੀ ਵਾਰ ਕਿਸੇ ਸਿਆਸੀ ਪਾਰਟੀ ਨੂੰ ਕੇਂਦਰ ਵਿੱਚ ਸਰਕਾਰ ਬਣਾਉਣ ਲਈ ਸਪੱਸ਼ਟ ਬਹੁਮਤ ਦਿੱਤਾ ਹੈ।
'ਟਵਿੱਟਰ 'ਤੇ ਚਰਚਾ'
ਮੋਦੀ ਦੇ ਇਸ ਬਿਆਨ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਜੰਗ ਛਿੜ ਗਈ ਹੈ। ਇਸ ਵਿੱਚ ਵਧੇਰੇ ਲੋਕ ਦੇਸ ਦੇ ਪ੍ਰਧਾਨ ਮੰਤਰੀ ਨੂੰ ਦੇਸ ਦੀ ਅਬਾਦੀ ਦਾ ਹਿਸਾਬ ਲਗਾਉਣਾ ਸਿਖਾ ਰਹੇ ਹਨ।
ਟਵਿੱਟਰ 'ਤੇ ਬਹੁਤੇ ਲੋਕਾਂ ਨੇ ਲਿਖਿਆ ਕਿ ਦੇਸ ਦੀ ਅਬਾਦੀ ਡੇਢ ਸੌ ਕਰੋੜ ਦੇ ਕਰੀਬ ਹੈ ਤੇ ਬੀਜੇਪੀ ਨੂੰ 600 ਕਰੋੜ ਲੋਕ ਵੋਟਾਂ ਕਿਵੇਂ ਪਾ ਸਕਦੇ ਹਨ।
ਟਵਿੱਟਰ ਯੂਜ਼ਰ ਕੰਗਨਾ ਰਨੌਤ ਨੇ ਇਸਨੂੰ ਕ੍ਰਿਕੇਟ ਨਾਲ ਜੋੜ ਕੇ ਮਜ਼ਾਕ ਕੀਤਾ।
ਟਵਿੱਟ ਯੂਜ਼ਰ ਸਮਰਤ ਢੀਂਗਰਾ ਟਵੀਟ ਕਰਦੇ ਹਨ ਕਿ ਮੋਦੀ ਜੀ ਪਹਿਲਾਂ 125 ਕਰੋੜ ਲੋਕ ਉਡੀਕ ਕਰ ਰਹੇ ਸੀ ਕਿ ਉਨ੍ਹਾਂ ਦੇ ਖਾਤੇ ਵਿੱਚ 15 ਲੱਖ ਆਉਣ, ਹੁਣ 600 ਕਰੋੜ ਲੋਕ ਉਡੀਕ ਵਿੱਚ ਹਨ।
ਟਵਿੱਟਰ ਯੂਜ਼ਰ ਵਿਨੇ ਕੁਮਾਰ ਡੋਕਾਨੀਆ ਦਾ ਕਹਿਣਾ ਹੈ ਕਿ ਪੂਰੀ ਦੁਨੀਆਂ ਵਿੱਚ ਮੋਦੀ ਅਜਿਹੇ ਪ੍ਰਧਾਨ ਮੰਤਰੀ ਹਨ ਜਿਨ੍ਹਾਂ ਨੂੰ 600 ਕਰੋੜ ਲੋਕਾਂ ਨੇ ਵੋਟ ਪਾਈ ਹੈ।
ਟਵਿੱਟਰ 'ਤੇ ਰਾਹੁਲ ਭਗਤ ਨੇ ਲਿਖਿਆ ਮੋਦੀ ਜੀ ਇਹ ਸੀਕਰਟ ਸਾਂਝਾ ਕਰਨ ਲਈ ਤੁਹਾਡਾ ਧੰਨਵਾਦ।
ਟਵਿੱਟਰ ਯੂਜ਼ਰ ਪਰਦੀਪ ਕੁਮਾਰ ਗੁਪਤਾ ਨੇ ਕਿਹਾ ਕਿ ਗ਼ਲਤ ਅਤੇ ਵਧਾ ਚੜ੍ਹਾ ਕੇ ਅੰਕੜੇ ਪੇਸ਼ ਕਰਨਾ ਮੋਦੀ ਦੀ ਆਦਤ ਹੈ।
ਪ੍ਰਧਾਨ ਮੰਤਰੀ ਵੱਲੋਂ ਦਿੱਤੇ ਇਸ ਬਿਆਨ ਤੋਂ ਬਾਅਦ ਸਿਆਸੀ ਪਾਰਟੀਆਂ ਵੀ ਉਨ੍ਹਾਂ ਨੂੰ ਘੇਰ ਰਹੀਆਂ ਹਨ।
