Alozie late strike push Nigeria into Wafcon 2024 final

Late goal from Michelle Alozie land Nigeria into di final of di 2024 Women's Africa Cup of Nations for Morocco.

Nigeria beat dia ogbonge rivals South Africa 2-1 for di Larbi Zaouli stadium, Casablanca , Morocco.

Captain, Rasheedat Ajibade score Nigeria first goal thru penalty for di first half, bifor South Africa equalize for di second half wit penalty too.

But di holders fight back in di second half come equalise on 60 minutes through fine penalty kick by Linda Motlhalo, di penalty come wen Osinachi Ohale pull di back Hildah Magaia shirt.

Motlhalo penalty become di first goal wey Nigeria go concede for dis year tournament and e shake di nine-time champions small.

South Africa later come get to deal wit serious-looking injury to Gabriela Salgado wit six minutes remaining but, just as di game appear to dey head to extra time, Alozie strike to spark mad celebrations.

Dis na Michelle Alozie first goal for dis tournament and she fire di ball from long range.

Nigeria go meet Morocco for Saturday final wey go take place for Rabat. South Africa on di oda hand, go play Ghana wey lose on penalties against di host of di tournament.

Second Half

Full time: Nigeria 2-1 South Africa

Nigeria don qualify for di final!

90+6 Referee blow whistle match don end.

90+4 Michelle Alozie long pass from Nigeria defence area fly enta goal post.

90+4 GOALLLLLLLLLLLL for Nigeria

90' Referee add 6 minutes

90' Rasheedat Ajibade of Nigeria pass beta ball to Esther Okoronkwo but she miss am narrowly.

88' Dem don stretch Gabriela Salgado comot from field sake of injury. Match don start again as coach replace her.

84' Injury scare! Freekick for Nigeria, as Esther Okoronkwo play am, dem dey drag di area ball wen South Africa player Gabriela Salgado fall for ground. She dey receive medical attention.

83' South Africa dey put pressure for Nigeria defence for dis second half but Nigeria still dey hold dia defence tight.

81' Substitution for Nigeria, Deborah Abiodun don enta for Halimatu Ayinde wey already get yellow card.

78' CHANCE! Jermaine Seoposenwe of South Africa fire shot from outside di box but e use small go ova di post as Chiamaka Nnadozie jump to save di ball.

77' Di match don tie wrapper as Nigeria and South Africa dey try to get dia second goals.

74' YELLOW CARD! Halimatu Ayinde of Nigeria don collect card for bad tackle.

73' South Africa play di ball to Nigeroia goal area di bal almoist enta net but e no cross di line bifor Esther Okoronkwo clear am out.

72' Ashleigh Plumptre of Nigeriacarry ball dey try enta di goal area but she fall down.

70' Halimatu Ayinde of Nigeria dey down biut she don get up and match don continue.

67' Ijamilusi Folashade of Nigeria no allow Dhlamini of South Africa pass wit di ball. she block am until di ball go out of play.

65' Substitution for Nigeria, Christy Ucheibe don replace Echegini Onyinyechi.

63' Echegini Onyintechi of Nigeria get injury, she don comot from field and dem wan change her sake of say she dey limp.

Nigeria don concede dia first goal for dis tournament thru penalty from South Africa.

Nigeria 1-1 South Africa

59' GOALLLLLLL

58' Penalty to South Africa, Linda Mutlhalo play am and she score for South Africa.

54' Nigeria get beta build up to goal from Halimatu Ayinde to Michelle Alozie to Esther Okoronkwo wey fire di ball but Sout Africa goalkeeper catch di ball.

52' Na battle of di midfield as Nigeria and South Africa midfielders no want di ball to go any of dia goal area.

49' Nigeria bin hold di ball but South collect am, Nigeria collect di ball back and e still dey dia leg. Throw in for South Africa

47'Nigeria and South Africa dey drag di ball.

46' Second half don start

First Half

Half Time: Nigeria 1- 0 South Africa

45+3 First half don end.

45' Referee add 3 minutes

Nigeria 1-0 South Africa

45' GOALLLLLLLLL !!!! Rasheedat Ajibade fire shot South Africa goalkeeper follow mdi ball but di shot too much for her.

44' Penalty to Nigeria.

44' Nigeria player Ijamilusi bin dey go for goal but South Africa player use hand stop di ball.

41' South Africa dey hold ball for di last one ,minute , dem do counter attack but Magana play di ball wide.

39' Nigeria hold di ball for di last two minutes bifor South Africa clear di ball from Ashleigh Plumptre of Nigeria leg wen she bin e=wan enta goal area.

37' Dem dey give each oda, body for body, push for push and tackle for tackle.

35' For di last two minutes Nigeria and South Africa players just di collect ball from each oda leg and dem dey play more physical football now.

33' Corner kick for Nigeria but South Africa goalkeeper catch di ball easily.

32' South Africa player Ramalepe cross di ball but e go ova di bar, no worries for Nigeria goalie Chiamaka Nnadozie.

30' South Africa dey Nigeria defence now as dem dey try to break in but Nigeri defenders match leg for ground.

28' Nigeria defender Osinachi Ohale dey limp sake of bad tackle even though she don stand up.

26' Even as di match don continue dem just dey stop anyhow sake of bad tackles on each oda.

24' Substitution, South Africa wan make early substitution afta Tiisetso Makhubela get injury and Magaia don replace her.

22' Match don resume wit long pass from Chiamaka Nnadozie to Chinwendu Ihezuo but South Africa goalkeeper Dlhamini save am.

20' South Africa player dey down , she dey get medical attention, dem don remove her from di pitch.

18' So far Nigeria don create di most goal scoring chances while South Africa still dey try to break di Nigeria defence.

15' South African player Linda Mothlhalofoul Chinwendu Ihezuo but referee say play on...

13' Freekick for Nigeria, Esther Okoronkwo play am but South Africa defender stop di ball, South Africa get counter attck but Chiamaka Nnadozie comot from her line to save di ball.

11' CHANCE for Nigeria! Esther Okoronkwo pass ball to Chinwendu Ihezuo wey fire shot but South Africa defender block di ball bifor goalkeeper Dlhamini save am

9' Nigeria play di corner kick but goalkeeper save am from goal mouth scramble.

8' Ashleigh Plumptre of Nigeria pass ball to Ihezuo wey dey one-on one wit South Africa goalkeeper but she tip di ball wey goalkeeper push to corner.

7' Esther Okoronkwo of Nigeria pass ball to Chinwendu Ihezuo wey wan pass di to Ijamilusi but South Africa defence block di pass.

6' Na battle of di midfield now as both Nigeria and South Africa midfielders no wan allow di ball stay one place, dem just dey collect ball from each oda leg.

4' Rasheedat Ajibade of Nigeria pass di ball give Echegini wey play shot but e miss di pass by few inches.

3' South Africa play di freekick, Osinachi Ohale of Nigeria head and e land for Nigeria goalkeeper Chiamaka Nnadozie hand.

2' Now now di players don dey rough each oda , freekick to South Africa

1' Match don start

Line Ups

Nigeria starting 11: Chiamaka Nnadozie, Osinachi Ohale, Ashleigh Plumptre, Esther Okoronkwo, Onyinyechi Echegini, Oluwatosin Demehin, Rasheedat Ajibade, Halimatu Ayinde, Chinwendu Ihezuo, Folashade Ijamilusi, Michelle Alozie

South Africa starting 11: Andile Dlamini, Lebohang Ramalepe, Bongeka Gamede, Fikile Magama, Karabo Dhlamini, Gabriela Salgado, Linda Mothlhalo, Jermaine Seoposenwe, Bambanani Mbane, Refiloe Jane, Tiisetso Makhubela