کىټ اډم بي بي سي نيوز،ژباړه:غوث الدين فروتن

	د بې نظير بوټو پلار زالفقار علي بوټو هم د پاکستان لومړى وزير وو چې د پخواني پوځي واکمن جنرال ضياالحق له خوا اعدام شو

ورځپاڼې هغو تاوتريخوالو ته اشاره کړې چې له دې وړاندې د بوټو کورنۍ زغملي دي.

ورځپاڼه زياتوي په کوم برخليک چې ددې پلار او وروڼه اخته شوي وو ددې لمن يې هم ونيوله .

وړاندې بيا ورځپاڼې له بنسټپالنې سره د پاکستان ستونزې ته کتنه کړې ده.

ورځپاڼه ليکي په دې اړه بايد ولسمشر پرويز مشرف ځواب ووايي چې څنگه د خطرناکو بنسټپالوډلو اغيز ډير شوى دى ،په ځانگړي ډول له هغې وروسته چې نوموړي له امريکا سره د ترهگرۍ په وړاندې تش په نامه جگړه کې يو ځاى شوى.

يوه بله پاکستانۍ ورځپاڼې دې نيوز د(( په مخه ښه بينظير بوټو)) تر سرليک لاندې ليکنه کړې.

ورځپاڼه وايي چې د ميرمن بوټو مړينې ټول سياسي حالت څپڅپانده او په خونړيو دوړو کې راگير کړى دى.

د ورڅپاڼې په باوربې له شکه دې مړينې د هيواد د تاريخ يوه دوره لړزولې ده.

ډېلي ټايمز ورځپاڼې هغو انگيزو ته کتنه کړې ،کوم چې د ورځپاڼې په باور د بينظير بوټو د مرگ تر شا و.

ورځپاڼه زياتوي چې ددې وژنې مقصد ښايي دا وي چې تاوتريخوالى او ناارامي رامنځ ته شي او په راتلونکې جنوري کې کېدونکې ټاکنې وځنډول شي.

د ورځپاڼې په باور مېرمن بوټواو د هغې قربانۍ ته د درنښت او احترام ښودولو يوازينۍ لاره به دا وي چې هيواد بيرته ډيموکراسۍ ته راوگرځي او ددې لپاره لومړى گام د ازادو او بې پرې ټاکنو تر سره کول دي.