افغان ولسمشر حامد کرزى وروستى بهرنى مشر وو چې له اغلې بوټو سره يې د هغې له مرگ څخه څو ساعته وړاندې وکتل

د پلار زالفقار علي بوټو له مرگ وروسته ددې ډير عمر په سياسي سياليو او اتلوليو کې تير شو

بېنظيرې ويلي وو چې که ټاکنې يې وگټلې دا به په پاکستان کې نړيوالو ځواکونو ته اجازه ورکړي چې داورپکو اډې په نښه کړي

دې په راولپنډۍ کې د پاکستان خلکو ته د خپل ژوندوروستۍ وينا وکړه

ددې سره سره چې د خلکو د گوند مشرې له امنيتي پلوه د خونديتوب احساس نه کاوو خو بيا يې هم خپلې سياسي هلې ځلې چټکې ساتلې

بينظير بوټو د اسلام په تاريخ کې لومړنۍ ښځينه سياستواله وه چې ديو اسلامي هيواد لومړۍ وزيره شوه

اغلې بوټو دپاکستان د راتلونکو ټاکنو د گټلو لپاره نه ستړې کيدونکې هڅې کولې چې په پاکستان کې يو ځل بيا ولسواکي واکمنه کړي

اغلې بوټو ډيره هيله منه وه چې ټاکنې به گټي او د پاکستان په اوسنيوکړکيچنوحالاتو کې به بدلون راولي

د پاکستان د سياست له ډگر څخه دتل لپاره د اغلې بوټو له وتلو سره دکارپوهانو په وينا پاکستان له نوي کړکيچ او اوښتون سره مخامخ شو

اغلې بوټو سختې انتخاباتي منډې ترړې پيل کړې وې چې ټاکنې وگټي او بيلا بيلو ايالتونو ته يې سفرونه وکړل

پر اغلې بوټو له بريد څخه وروسته د پيښې په ځاى کې گډ وډي پيل شوه او له دې سره دمسلم ليگ(ق) پر دفترونو بريدونه پيل شول چې دپرويز مشرف ملاتړ کوي

ډيرى کارپوهان وايي چې د بينظيرې له مرگ وروسته پاکستان به د ١٩٧٠ کلونو هغه ته ورته پر يو څه بدل شي چې هغه وخت بيا بنگله ديش خپلواکي ترلاسه کړه