حنان حبيبزى بي بي سي پښتو ټکى کام،له کابله

	په مراسمو کې دلسگونو زره غمجنو ملاتړ کونکو ترڅنگ د هغې خاوند او زوى گډون وکړ

پلار ته يې دپخواني پوځي واکمن ضياالحق له خوا د اعدام سزا ورکړل شوې وه.
ددې د جنازې لمونځ په هغه ځاى کې وشو چې ددې د پلار د هديري ترڅنگ جوړه شوې ده .

بينظير بوټو خاوند او د هغې زوى بلاول په دې مراسمو کې گډون وکړ .
په دې مراسمو کې چې په لاړکانه کې وشول لسگونو زره غمجنوخلکو گډون کړى وو .

د جنازې مراسم د اسلام او سيمه ييز دود سره سم ترسره شول او کله چې خاورو ته د سپارلو مراسم پاى ته ورسيدل ، له سيمه ييز دود سره سم د اغلې بوټو پر کبر د هغې خاوند او زوى په موټي خاورې وپاشلې او د گلانو پاڼې يې پرې وشيندلې.

دا مراسم په هيواد کې له سخت تاوتريخوالي سره ملگري وو ،په هيواد کې يو شمير دولتي دفترونو،اورگاډو، پټرول پمپونو ته او گاډو ته اور ورته کړل شوى دى .

دپاکستان امنيتي کسان وايي چې په لارو کوڅو کې د تاوتريخوالي له کبله ١٩ تنه وژل شوي دي .

له بلې خوا دکورنيو چارو وزارت ويلي دي چې حکومت ټول هغه څه کړي وو چې د اغلې بينظير بوټو ساتنه وشي.

هغه وويل نوموړې پر ډزو نه بلکې پر ځانمرگي بريد وژل شوې ده او دده په وينا په داسې حال کې ووژل شوه چې سر يې له گاډي بهر راباسلى وو او خلکو ته يې درناوى وړاندې کاوو.

د کورنيو چارو سرپرست وزير بي بي سي ته وويل که هغې يې سر بهر نه وى ايستلى نو د نورو څلورو تنو په څير چې له دې سره په يو گاډي کې ناست وو ، دا هم ژوندۍ پاتې وه.