اسرائیلو مسجد الاقصی ته د فلسطیني ځوانانو ننوتلو بندیز لغوه کړ
د عکس سرچینه، AFP
د اسرائیلو پولیسو ویلي، په لومړي ځل یې د فلسطینیانو او اسرائیلو ترمنځ د اړدوړ له پیلېدو راهیسې مسجد الاقصی ته د عبادت لپاره ټولو مسلمانو فلسطیني ځوانانو ته د ورتګ اجازه ورکړې ده.
د ختیځ بیت المقدس مسجد الاقصی په انګړ کې د فلسطینیانو او اسرائیلي پوځيانو ترمنځ له وروستیو نښتو راپدېخوا، اسرائیلو مسجد الاقصی ته د فلسطیني ځوانانو پر ورتګ بندیز ولګاوه.
پولیس وايي، د لا نور اړدوړ د مخنیوي لپاره یې ځینې نور بندیزونه لګول دي.
د اسرائیلي پولیسو یوه ویاند ویلي، د ترسره شوې امنیتي ارزونې په پایله کې، لګول شوي محدودیتونه سره له ننه (جمعه/اکتوبر ۲۳مه) لغوه شول.
وی کېږي اسرائیلو مسجد الاقصی ته د فلسطیني ځوانانو د ورتګ دا پرېکړه ددې لپاره کړې ده، چې هلته روان ناکرار حالت کنټرول کړي.
مسجد الاقصی د مسلمانانو له ډېرو سپېڅلو ځایونو او لومړنۍ قبله ده، چې د بیت المقدس ښار په ختیځه برخه کې پروت دی.
د عکس سرچینه، EPA
مسجد الاقصی د مسلمانانو او یهودانو دواړو لپاره یو سپېڅلی ځای ګڼل کېږي، خو نامسلمان کسان یوازې په ځینو ځانګړو وختونو کې جومات ته د ننوتلو اجازه لري.
د عکس سرچینه، Reuters
د عکس سرچینه، Reuters
