تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
لبنان: د طبیعي ښکلا او کلتوري میراثونو نندارې لپاره باید په کې پلي وګرځئ
د بیروت له پراخ ښار څخه په لرې واټن کې زموږ بس د لبنان د ساحلي لویې لارې په اوږدو کې د غرونو په منځ کې روان و چې یوې خوا ته مو د مدیترانې شنې/نیلي رنګه اوبه وې بلې خوا ته مو په شنو پوښلې غونډۍ او غرونه و.
له دې ساحل څخه د هېواد شمالي لوري ته د کورې ولسوالۍ په تنګ غرني سړک کې روان شو.
د سړک څخه لږ واټن کې موږ داسې کلي ولیدل چې کورونو یې له ځانګړو سورو خښتو جوړ چتونه درلودل.
موږ د زیتون او میوو د باغونو له منځه تېر شو، یوه سړک باندې لاړو چې شاوخوا یې زیارتونه هم وو.مونږ ته د سفر لارښود ځینې ځایونه راوپېژندل چې له تاریخي او ټولنیز اړخه څومره ارزښت لري.
مخکې له دې چې خپل منزل ته ورسېږو، موږ له لرغونو ځنګلونو تېر شوو او د ازار په نوم یو کلي ته ودرېدو چېرې چې موږ له ځایي مېرمنو سره ولیدل او دوی د مناکیش په پخلي کې ماهرې وې.
مناکیش دلته مشهوره ډوډۍ ده چې په حقیقت کې یوناني ده.
په دې سفر کې زموږ وروستی منزل هغه ځای و چې له هغه ځایه زیاتره کسان د سیمې د درې لوړ غره ته ختل پیلوي. دا غر ۳۰۰۰ متره لوړ دی چې په سر کې هېڅ شېنلی نه شته.
کله چې موږ د چونې دې غره لوړې څوکې په لور روان شو، زموږ په ډله کې ځینو بې تجربو کسانو نفس تېز شو خو ۷۷ کلن لارښود مو خوښ او چټک روان و.
مونږ د غره سر ته ورسېدو د بقا د درې ښکلا مو ولیدله د دې درې میدانونه او جهیلونه خپله بېله ښکلا لري.
کله چې ما د سفر له لارښوده وپوښتل چې ولې بهرني سیلانیان باید لبنان ته راشي، هغه ماته د دلیلونو اوږد لیست راکړ.
په یوه کوچنۍ جغرافیه کې د ځمکې مختلف ډولونه او شنه ځایونه، تاریخي ځایونه، ځایی خواړه، د لبنان د خلکو مېلمه پالنه او نور ډېر څه...
"لبنان د پلي سفر لپاره یو لوی هېواد دی، زه خو وایم چې یو شانداره ښکلی ځای دی، زما خپل هدف دا دی چې ټولې نړۍ ته یې معرفي کړم. "
